امارات کا 23 جون سے محدود اور مشروط فضائی سفرکی اجازت کا فیصلہ

Source: S.O. News Service | Published on 16th June 2020, 9:24 PM | خلیجی خبریں |

دبئی،16/جون (آئی این ایس انڈیا)متحدہ عرب امارات نے 23 جون سے اپنے شہریوں اور ملک میں مقیم غیرملکیوں کو مشروط اور محدود سمتوں میں فضائی سفر کی اجازت دینے کا فیصلہ کیا ہے۔

امارات کی سرکاری نیوز ایجنسی نے ٹویٹر پر جاری ایک بیان میں بتایا کہ اندرون ملک سفری شرائط کا عن قریب اعلان کردیا جائے گا۔

امارات نیوز ایجنسی کے ٹویٹر پر بتایا گیا ہے کہ متحدہ عرب امارات نے پیر کی شام اعلان کیا ہے کہ شہریوں اور رہائشیوں کو ان شرائط اور طریقہ کار کے مطابق مخصوص مقامات پر جانے کی اجازت ہوگی جس کا اعلان 23 جون کو بعد میں کیا جائے گا۔

وزارت برائے امور خارجہ اور بین الاقوامی تعاون ، وفاقی اتھارٹی برائے شناخت اور شہریت ، نیشنل اتھارٹی برائے ایمرجنسی اور کرائسز اینڈ ڈیزاسٹر مینجمنٹ نے کہا ہے کہ رواں سال 23 جون سے متحدہ عرب امارات کے شہریوں اور مقیم غیرملکیوں کو اعلان کردہ شرائط اور طریقہ کار کے مطابق مخصوص مقامات کا سفر کرنے کی اجازت دی جائے گی۔ یہ شرائط اور ضابطہ اخلاق وزارت صحت کی طرف سے کرونا وبا کی وجہ سے پیدا ہونے والے حالات کےمطابق ہوگا تاکہ سفری اجازت کرونا وائرس پھیلنے کا باعث نہ بنے۔

اس حوالے سے حکومت سفری سمتوں کا اعلان کرے گی اور بتایا جائے گا کہ اندرو اور بیرون ملک کن مقامات پر سفری اجازت ہوگی۔

ایک نظر اس پر بھی

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...