متحدہ عرب امارات میں کورونا کے 747 نئے معاملے، کل 21831 متاثرین، عمان میں کورونا کے 284 نئے کیس

Source: S.O. News Service | Published on 16th May 2020, 12:37 PM | خلیجی خبریں | ان خبروں کو پڑھنا مت بھولئے |

دبئی؍مسقط،16؍مئی (ایس او نیوز؍ایجنسی)  متحدہ عرب امارات میں جمعہ کو کورونا وائرس (کووڈ -19) انفیکشن کے 747 نئے معاملے سامنے آنے کے بعد ملک میں کل متاثرین کی تعداد بڑھ کر 21831 ہو گئی ہے۔ یو اے ای کی صحت اور بیماریوں کے کنٹرول کی وزارت نے ایک بیان جاری کرکے کہا کہ نئے معاملات بیرون ملک سے آئے لوگوں کے ہیں اور ان سب کی حالت مستحکم ہے اور ان کا علاج کیا جا رہا ہے۔

دریں اثنا کورونا سے متاثر 398 مریضوں کو بالکل ٹھیک ہونے کے بعد ہسپتال سے چھٹی دے دی گئی۔ وزارت کے مطابق ملک میں اب تک 7328 لوگ مکمل طور پر اس کے انفیکشن سے ٹھیک ہو چکے ہیں۔ اس دوران کووڈ -19 سے دو اور لوگوں کی موت ہونے سے ملک میں اس وبا سے مرنے والوں کی تعداد 210 تک پہنچ گئی ہے۔ یو اے ای پہلا ایسا خلیجی ملک ہے جہاں کورونا کے معاملے سامنے آئے تھے۔

وہیں، عمان میں گزشتہ 24 گھنٹوں کے دوران عالمی وبا کورونا وائرس (کووڈ - 19) کے 284 نئے کیسز سامنے آ نے کے ساتھ ہی متاثرہ افراد کی مجموعی تعداد 4،625 تک پہنچ گئی ہے ۔عمان کی وزارت صحت نے جمعہ کے روز ایک بیان جاری کر کے یہ اطلاع فراہم کی۔ بیان کے مطابق کورونا کے نئے کیسز میں 80 عمان کے شہری ہیں۔ کورونا وائرس کے نئے کیسز کمیونٹی ٹرانسمشن کے ہیں ۔ اس دوران کورونا کے 47 مریضوں کو مکمل صحت یاب ہونے کے بعد اسپتال سے فارغ کردیا گیا ہے ، جس سے اس وبا سے صحت یاب ہونے والوں کی تعداد 1350 ہوگئی ہے۔ عمان میں کورونا وائرس سے دو مزید افراد کے ہلاک ہونے سے ہلاک شدگان کی تعداد 20 ہوگئی ۔وزارت صحت نے لوگوں سے قرنطینہ کے ضابطوں پر عمل کرنے ، صفائی ستھرائی کا خصوصی خیال رکھنے اور عوامی مقامات پر نماز ادا نہ کرنے اپیل کی ہے۔

ایک نظر اس پر بھی

یو اے ای : کووِڈ-19 کے 179 نئے کیسوں کی تصدیق

تحدہ عرب امارات نے سوموار کو کووِڈ-19 کے 179 نئے کیسوں کی اطلاع دی ہے اور اب ملک میں کل تصدیق شدہ کیسوں کی تعداد 62704 ہوگئی ہے جبکہ گذشتہ 24 گھنٹے میں کرونا وائرس کے کسی مریض کی وفات نہیں ہوئی ہے۔

شاہ عبدالعزیز لائبریری کا "چلڈرنز بُک کلب" ، منصوبے میں 15 ہزار سے زیادہ بچوں کا اندراج

ریاض میں واقع "شاہ عبدالعزیز لائبریری" کے منصوبے "چلڈرنز بُک کلب" کے لیے بچوں کی دل چسپی میں اضافہ ہو رہا ہے۔ اب تک مملکت کی سطح پر 15 ہزار سے زیادہ بچے اس منصوبے میں اپنا اندراج کرا چکے ہیں۔ ان بچوں کو مختلف نوعیت کی کتب ارسال کی جاتی ہیں۔ وہ ان کا مطالعہ کر کے کہانیوں ، افکار اور ...

باپ کی املاک پر بیٹی کا بیٹے کی طرح یکساں حق: سپریم کورٹ

سپریم کورٹ نے منگل کو ایک دور رس نتائج والے اپنے فیصلہ میں کہا ہے کہ ہندو غیر منقسم خاندان کی آبائی املاک میں بیٹی کو بیٹے کی طرح ہی حقوق حاصل ہوں گے، یہاں تک کہ اگر ہندو جانشینی (ترمیمی) ایکٹ 2005 کے نفاذ سے قبل ہی اس کے والد کی موت کیوں نہ ہوگئی ہو۔

بنگلور: ٹرانسفرس کے احکامات ملتوی کرانے میں مبینہ طور پر با رسوخ اساتذہ کی لابی شامل، چار سال سے ڈگری کالجوں کے لکچررس کے تبادلے نہیں ہوسکے

ریاست کرناٹک کے سرکاری فرسٹ گریڈ کالجوں میں خدمات انجام دے رہے لکچررس کے تبادلے نہیں ہوسکے ہیں، جس کے سبب انہیں کافی مشکلات کا سامنا کرنا پڑ رہا ہے اس تعلق سے الزامات لگائے جارہے ہیں کہ  چند با رسوخ لکچررس کی طرف سے سیاسی اثر و رسوخ کا استعمال کرکے تبادلوں کی کاروائی ملتوی ...