سونیا گاندھی نے مودی حکومت سے کہا؛ کورونا سے نمٹنے کیلئے ٹھوس پالیسی بنائے، کانگریس ہرطرح کا تعاون کرنے تیار

Source: S.O. News Service | Published on 2nd May 2021, 1:33 PM | ملکی خبریں |

نئی دہلی،2/مئی (ایس او نیوز/ایجنسی) ہندوستان میں کورونا انفیکشن سے حالات دن بہ دن بدتر ہوتے جا رہے ہیں۔ ایسے مشکل ماحول میں کانگریس صدر سونیا گاندھی نے ایک ویڈیو پیغام جاری کرتے ہوئے مرکزی حکومت کو کورونا بحران سے نمٹنے کے کچھ طریقے بتائے ہیں۔ ساتھ ہی سبھی سیاسی پارٹیوں کے اتفاق سے کورونا سے متعلق پالیسی بنائے جانے کا مطالبہ بھی کیا ہے۔ سونیا گاندھی نے کہا کہ سبھی سیاسی پارٹیوں کے اتفاق سے کورونا سے نمٹنے کی پالیسی تیار کی جانی چاہیے تاکہ عوام کیلئے آسانیاں پیدا ہوں۔ ساتھ ہی سونیا گاندھی نے کہا کہ کانگریس پارٹی ملک کو کورونا سے بچانے کیلئے مرکزی حکومت کی جانب سے اٹھائے جانے والے ہر قدم میں ساتھ دے گی۔

سونیا گاندھی نے اپنے پیغام میں کہا کہ ”کورونا وبا کے اس چیلنجنگ وقت میں آپ کے اور آپ کی فیملی کی سکیورٹی اور اچھی صحت کی تمنا کرتی ہوں۔ وہ لاکھوں فیملی جنھوں نے اپنوں کو کھویا ہے، ان کے تئیں دل سے اپنی ہمدردی کا اظہار کرتی ہوں۔ ہمارا ملک اس وقت کورونا کی جان لیوا مصیبت کا سامنا کر رہا ہے۔ لاکھوں کی تعداد میں عوام کورونا کی زد میں آ رہے ہیں۔“سونیا گاندھی نے اپنی بات کو آگے بڑھاتے ہوئے کہا کہ ”یہ بحران سبھی ملکی باشندوں کیلئے امتحان کی گھڑی ہے۔ ہمیں ایک دوسرے کا ہاتھ پکڑ کر ایک دوسرے کا سہارا اور طاقت بننا ہے۔ ضروری ہونے پر ہی گھر سے نکلیں۔“ سونیا گاندھی نے کہا کہ ”میں جانتی ہوں موجودہ حالات انسانیت کو ہلا دینے والے ہیں۔ کہیں آکسیجن کی کمی ہے، کہیں دوا کی قلت ہے، کہیں اسپتال میں بستر نہیں ہے۔“

سونیا گاندھی نے مزید کہا کہ ”حکومتوں کو جاگ جانے اور ذمہ داری نبھانے کا وقت ہے۔ مرکزی حکومت غریبوں کے بارے میں سوچے اور ہجرت روکنے کیلئے بحران ختم ہونے تک 6 ہزار روپے اکاؤنٹ میں ڈالے۔ کورونا ٹسٹنگ بڑھائی جانی چاہیے۔ آکسیجن، دوا اور اسپتالوں کا جنگی سطح پر انتظام کیا جائے۔ مفت ٹیکہ کاری کا انتظام ہونا چاہیے۔ کورونا ٹیکے کی قیمت کا فرق ختم ہو۔ زندگی بچانے والی دواؤں کی کالابازاری بند کی جائے۔ میڈیکل آکسیجن کو اسپتالوں کو دینے کا فوراً انتظام کیا جائے۔

ایک نظر اس پر بھی

دہلی پولیس کا شری نیواس بی وی سے پوچھ گچھ کرنا سیاسی انتقام کے سوا کچھ نہیں ہے۔ ایس ڈی پی آئی

سوشیل ڈیموکریٹک پارٹی آف انڈیا (ایس ڈی پی آئی) کے قومی جنرل سکریٹری کے ایچ عبدالمجید نے اپنے جاری کردہ اخباری بیان میں دہلی میں کوویڈ وبائی مرض سے متعلق امدادی سرگرمیوں میں حصہ لینے والے انڈین یوتھ کانگریس کے صدر شری نیواس بی وی سے دہلی پولیس کی جانب سے پوچھ گچھ کا سخت نوٹس  ...

کورونا کا خاتمہ جولائی تک نہیں ہوگا: ایکسپرٹ

جس طرح کورونا کے نئے معاملوں کی تعداد میں کمی درج ہو رہی ہے اس سے یہ امید بنی ہے کہ ہندوستان میں کورونا کی دوسری لہر کا خاتمہ جلد ہو جائے گا لیکن وبائی بیماریوں کے ماہر شاہد جمیل کا کہنا ہے کہ بھلے ہی ابھی کچھ ریاستوں میں کورونا کے کیس کم ہوتے نظر آ رہے ہوں لیکن دوسری لہر کا ...

سادگی کے ساتھ عید منائیں اور چھوٹی جماعت کے ساتھ عید کی نماز ادا کریں ، سرکردہ مسلم رہنماوں کی مسلمانوں سے اپیل

آل انڈیا مسلم پرسنل لاء بورڈ کے صدر مولانا رابع حسنی ندوی ۔ جمعیت علماءہند کے صدر مولانا ارشد مدنی ۔ جماعت اسلامی ہند کے امیر سید سعادت اللہ حسینی سمیت دیگر سرکردہ علماء اور مسلم قائدین مسلمانوں نے اپیل کی ہے کہ وہ کرونا کے بڑھتے خطرات کے پیش نظر احتیاط کریں اور مختصر جماعت ...

لاک ڈاؤن پر ہو سختی سے عمل: اشوک گہلوت

راجستھان میں عالمی وبا کورونا کی دوسری لہر کی چین توڑنے کے لئے آج صبح 5بجے سے لے کر 24 مئی تک سخت لاک ڈاؤن نافذ ہوگیا ہے۔ اس مدت کے دوران، ہنگامی اور ضروری خدمات، میڈیکل، دودھ اور دیگر ضروری خدمات کے لئے رعایت رہے گی۔