سعودی عرب :کرونا وائرس کے کیسوں کی شرح میں معمولی اضافہ، مزید 3989 افراد متاثر

Source: S.O. News Service | Published on 28th June 2020, 10:15 PM | خلیجی خبریں |

ریاض،28؍جون(ایس او نیوز؍ایجنسی) سعودی عرب میں گذشتہ دو روز میں کرونا وائرس کے کیسوں کی شرح میں معمولی اضافہ دیکھنے میں آیا ہے اور اتوار کو وزارت صحت نے کووِڈ-19 کے 3989 نئے کیسوں کی تشخیص کی اطلاع دی ہے۔

وزارتِ صحت کے ترجمان نے بتایا ہے کہ گذشتہ 24 گھنٹے میں الہفوف شہر میں کووِڈ-19 کے سب سے زیادہ کیس ریکارڈ کیے گئے ہیں۔ان کی تعداد 487 ہے۔ دارالحکومت الریاض میں 389 اور الدمام میں 320نئے کیسوں کی تشخیص ہوئی ہے۔باقی کیس سعودی عرب کے دوسرے شہروں اور صوبوں میں ریکارڈ کیے گئے ہیں۔

ترجمان ڈاکٹر محمد العبد العالی نے نیوز بریفنگ میں بتایا کہ کرونا وائرس کا شکار چار افراد وفات پا گئے ہیں۔اب مملکت میں وفات پانے والے کل مریضوں کی تعداد 1551 ہوگئی ہے۔ انھوں نے آج کووِڈ-19 کے مزید 2627 مریضوں کے تن درست ہونے کی اطلاع دی ہے۔اس طرح اب صحت یاب ہونے والے مریضوں کی تعداد 124755 ہوگئی ہے۔

انھوں نے کہا کہ ’’اگر ہم کرونا کے تشویش ناک کیسوں کی بات کریں تو ان کی تعداد دو سے ڈھائی ہزار کے درمیان ہے۔اگرچہ یہ کافی تعداد ہے لیکن بظاہر مستحکم ہے۔‘‘

ترجمان کا کہنا تھا کہ’’ہم جون میں اور بالخصوص وسط جون کے بعد کرونا وائرس کے متاثرین کی شرح دیکھیں تو یہ ایک اور ڈیڑھ کے درمیان ہے۔اس شرح کا تعلق ہمارے احتیاطی اقدامات یا ان کی عدم پاسداری سے ہے۔ ہم آپ کو یہ باور کرانا چاہتے ہیں کہ ماہرین انفیکشن کی شرح کو ایک فی صد تک رکھنے پر زوردے رہے ہیں تاکہ اس وائرس کے پھیلنے کی شرح بھی کم رہے۔حالیہ دنوں میں ہم نے کیسوں کی شرح میں معمولی اضافہ نوٹ کیا ہے۔اس کے پیش نظر ہمیں زیادہ محتاط ہونے کی ضرورت ہے۔‘‘

ڈاکٹر العبدالعالی نے شہریوں پر زوردیا ہے کہ وہ کرونا وائرس کو پھیلنے سے روکنے کے لیے حفاظتی احتیاطی تدابیر کی پاسداری کریں، سماجی فاصلہ اختیار کریں اور ہر وقت ماسک پہن کر رکھیں تاکہ کرونا وائرس کو پھیلنے سے روکا جاسکے۔

انھوں نے وضاحت کی ہے کہ سعودی عرب میں زیادہ تر کیس پیشگی حفاظتی تدابیر کی پاسداری نہ کرنے کا نتیجہ ہیں۔لوگ سماجی میل ملاپ کے وقت احتیاطی تدابیر اختیار نہیں کررہے ہیں اور وہ اپنے ساتھ دوسروں کو بھی اس کا وَبائی وائرس کا شکار کررہے ہیں۔

ایک نظر اس پر بھی

ایران پر اسلحہ کے حصول پرعاید پابندیاں برقرار رکھنے کی جدوجہد جاری رکھیں گے: پومپیو

امریکی وزیر خارجہ مائیک پومپیو نے اپنے برطانوی ہم منصب ڈومینک راب کے ساتھ مشترکہ پریس کانفرنس میں کہا ہے کہ واشنگٹن ایران پر عائد اسلحہ کے پابندی کو برقرار رکھنے کے لیے اپنی کوششیں جاری رکھے گا۔ ...

کینسر کے شکار سعودی استاد کی بسترعلالت سے طلبا کی تدریس

سعودی عرب میں اپنے طلبا کو زیور علم سے آراستہ کرنے کے جذبے سے سرشار کینسر کا شکار ایک استاد کا سبق آموز اور قابل تقلید واقعہ سامنے آیا ہے جو چار ماہ سے خود اسپتال میں بستر علالت پر ہونے کے باوجود اپنی تکلیف کو بھلا کر بچوں کی تدریس کے فرائض انجام دے رہا ہے۔ ...