قطر:کرونا وائرس کے 1547 نئے کیسوں کی تصدیق، کل تعداد 30 ہزار سے متجاوز

Source: S.O. News Service | Published on 17th May 2020, 2:26 PM | خلیجی خبریں |

دوحہ،17؍مئی (ایس او نیوز؍ایجنسی) قطر میں کرونا وائرس کے کیسوں کی تعداد 30 ہزار سے متجاوز ہوگئی ہے۔

قطر کی وزارتِ صحت نے ہفتے کے روز کرونا وائرس کے 1547 نئے کیسوں کی تصدیق کی ہے۔ برطانوی خبررساں ایجنسی رائیٹرز نے قطر کے سرکاری اعداد وشمار کے حوالے سے اطلاع دی ہے کہ اب کرونا کے کیسوں کی کل تعداد 30972 ہوگئی ہے۔

دریں اثناء اس مہلک وائرس کا شکار ایک ضعیف العمر مریض وفات پا گیا ہے۔اس کی عمر 74 سال تھی اور وہ دوحہ میں انتہائی نگہداشت کے یونٹ میں زیر علاج تھا۔نیز کرونا وائرس کا شکار مزید 242 مریض صحت یاب ہوگئے ہیں اور اب کل صحت یاب ہونے والے مریضوں کی تعداد 3788 ہوگئی ہے۔

قطر نے گذشتہ بدھ کو کرونا وائرس سے بچاؤ کے لیے تاحکم ثانی گھروں سے باہر نکلنے والے تمام افراد کے لیے چہرے پر ماسک پہننا لازمی قرار دے دیا تھا۔اس کی خلاف ورزی کے مرتکبین کو جیل اور 55 ہزار ڈالر تک جرمانے کی سزا ہوسکتی ہے۔

قطر میں آبادی کے تناسب سے کرونا وائرس کے زیادہ کیس منظرعام پر آئے ہیں۔اس کی کل آبادی صرف ساڑھے27 لاکھ ہے لیکن کیسوں کی تعداد قریباً 31 ہزار ہوچکی ہے۔ قطر خلیج تعاون کونسل کے رکن چھے ممالک میں کرونا کے کیسوں کی تعداد کے لحاظ سے دوسرے نمبر پر ہے۔

قطر نے اس مہلک وائرس کو پھیلنے سے روکنے کے لیے تمام غیر ضروری کاروباروں کو تاحکم ثانی بند کررکھاہے۔ البتہ سپر مارکیٹیں اور دواخانے بدستور کھلے ہیں۔قطری حکومت نے 17 مارچ کو مساجد کو بند کرنے کا حکم دیا تھا اور جمعہ سمیت پنج وقتہ نمازوں کی باجماعت ادائی کو موقوف کردیا تھا۔

قطری حکومت نے شاپنگ مالوں میں واقع بنکوں کی تمام شاخوں اور دکانوں کو بھی بند کردیا تھا۔اس نے حجام کی دکانیں ، ہوٹلوں میں ورزش گاہیں اور پرچون کی دکانیں بھی بند کردی ہیں اور انڈسٹریل ایریا میں تمام سرگرمیاں معطل کررکھی ہیں۔

ایک نظر اس پر بھی

سعودی عرب نے پرائیویٹ ملازمین کو 2 سال تک نصف تنخواہ کی ادائیگی کا کیا اعلان

دنیا بھر میں کورونا وائرس کے پیش نظر حکومتوں نے عوام، مزدوروں اور ملازمین کو ریلیف فراہم کرنے کے اعلانات کر رکھے ہیں اور اس سلسلہ میں متعدد ممالک کی حکومتوں نے ملازمین کو خصوصی ریلیف فراہم کرنے کے انتظامات بھی کئے ہیں۔

دبئی سے مینگلور جانے کے لئے350 سے زائد درخواستیں موصول،کن کن کو کریں روانہ ؟ ذمہ داران کے سامنے اہم سوال

چارٹرڈ فلائٹ پر دبئی میں پھنسے بھٹکل اور اطراف کے لوگوں کو مینگلور روانہ کرنے کے تعلق سے سینکڑوں  لوگوں کے رابطہ کرنے پر دبئی میں موجود بھٹکل کے ذمہ داران سوچ میں پڑ گئے ہیں کہ اتنی بڑی تعداد میں لوگ دبئی لاک ڈاون میں پھنسے ہیں تو اُنہیں انڈیا روانہ کرنے کے لئے کس طرح کے ...

کورونا وباء اور لاک ڈاون کے چلتے دبئی میں پھنسے بھٹکل کے عوام کے لئے زبردست خوش خبری؛ 11 جون کو مینگلور کے لئے نکل رہی ہے چارٹرڈ فلائٹ

کورونا وباء کے بعدلاک ڈاون کے چلتے دبئی اور عرب امارات میں پھنسے بھٹکل اور اطراف کے عوام کے لئے ایک زبردست خوش خبری یہ ہے کہ  بھٹکل کے معروف بزنس مین اور نُہیٰ جنرل ٹریڈنگ کمپنی    کے مالک جناب عتیق الرحمن مُنیری نے  عوام کی تکلیفات کو دور کرنے اور اُنہیں اُن کے وطن  واپس ...