کورونا وائرس کا لاک ڈاون اور بھٹکل پولس کی انسانیت نوازی؛ بے گھرلوگوں کو ہرروز تقسیم کررہے ہیں کھانا
بھٹکل 27/اپریل (ایس او نیوز) کورونا وباء کو لے کر ہر بڑا اور چھوٹا آدمی متاثر ہے، مگر عام آدمی اور مزدور سے بھی زیادہ اگر کوئی پریشان ہیں تو وہ سڑکوں پر رہنے والے بھکاری لوگ ہیں جن کا کوئی گھر نہیں اور وہ ہرروز کہیں نہ کہیں سے بھیک مانگ کر اپنا گذر بسر پورا کرتے تھے۔
بھٹکل میں لاک ڈاون کو لے کر جس طرح کئی ادارے غریبوں اور مستحق لوگوں کو راشن کٹس سپلائی کرنے میں مصروف ہیں، ایسے میں بھٹکل کی پولس نے بھی انسانیت نوازی کی ایک مثال قائم کرتے ہوئے بھٹکل میں مجبور ، لاچار اور بے گھر افراد کو کھانا تقسیم کرنے میں جُٹی ہوئی ہے۔
بھٹکل عیدگاہ کے قریبی علاقوں، پی ایل ڈی بینک کے باہر، بس اسٹائنڈ کے باہر اور اسی طرح دیگر گلی نُکڑ پر سڑک کنارے پائے جانے والے کئی ایک بے گھر اور مجبور لوگوں کو بھٹکل پولس کی طرف سے ہر روز کھانا دیا جارہاہے ۔
تصویر میں بھٹکل ڈی وائی ایس پی گوتم کے ساتھ دیگر پولس اہلکاروں کو بھی دیکھا جاسکتا ہے۔