کرونا وائرس :عُمان میں 327 نئے کیس ریکارڈ ، 3؍اموات

Source: S.O. News Service | Published on 22nd May 2020, 9:02 PM | خلیجی خبریں |

مسقط،22؍مئی(ایس او نیوز؍ایجنسی)عُمان کی وزارت صحت نے گذشتہ 24 گھنٹے میں کرونا وائرس کے 327 نئے کیسوں اور تین اموات کی اطلاع دی ہے۔اب تک اس خلیجی سلطنت میں اس مہلک وائرس سے 30 افراد کی اموات ہوچکی ہیں۔

وزارتِ صحت نے جمعرات کے روز ایک بیان میں بتایا ہے کہ نئے تشخیص شدہ کیسوں میں 105 عُمانی شہری ہیں اور 222 غیرملکی تارکینِ وطن ہیں۔اس ننھے خلیجی عرب ملک میں اب کرونا وائرس کے تشخیص شدہ مریضوں کی تعداد 6370 ہوگئی ہے۔

اس نے مزید کہا ہے کہ وفات پانے والے تینوں تارکین وطن ہیں۔وہ کرونا وائرس کا شکار ہونے کے بعد تاخیر سے صحت مرکز میں پہنچے تھے اور اس وقت تک ان کی حالت بگڑ چکی تھی۔

وزارت صحت نے واضح کیا ہے کہ اس وقت کرونا وائرس کا شکار ہونے والے زیادہ تر افراد کو کسی اسپتال یا طبی مرکز میں داخل ہونے کی ضرورت نہیں بلکہ انھیں اپنے گھروں ہی میں الگ تھلگ ہوجانا چاہیے اور طبی حکام سے مستقل رابطے میں رہنا چاہیے۔

عُمان میں اب تک کرونا وائرس کے 1821 مریض صحت یاب ہوچکے ہیں۔وزارت صحت نے عوام پر زور دیا ہے کہ وہ کرونا وائرس کو پھیلنے سے روکنے کے لیے حفاظتی احتیاطی تدابیر کی پاسداری کریں اور رہ نما ہدایات کے مطابق سماجی دوری اختیار کریں۔

عُمان نے گذشتہ سوموار کو عیدالفطر کے موقع پر تمام سماجی اجتماعات پر پابندی عاید کرنے کا اعلان کیا تھا اور کہا تھا کہ جو کوئی بھی اس کی خلاف ورزی کا مرتکب ہوگا تو اس کو جیل اور جرمانے کی سزا کا سامنا کرنا پڑے گا۔

عُمانی حکومت نے عید کی نماز کے اجتماعات ،مویشیوں کی نیلامی ، خاندانوں کی میل ملاقاتوں ، سیروں اور اجتماعی یا گروہی تقریبات پر پابندی عاید کردی ہے۔

ایک نظر اس پر بھی

سعودی عرب کی حکومت کا اہم فیصلہ

سعودی پبلک پراسیکیوشن نے قانون تحفظ اطفال کے حوالے بعض نکات کی وضاحت کی ہے، جس کے مطابق بچوں کے ساتھ کیے جانے والے غیر قانونی سلوک پر سخت سزائیں دی جائیں گی۔ ...

مطافِ کعبہ میں تنہا دعا کرنے والی دنیا کی خوش قِسمت خاتون

کورونا وائرس کی وَبا کے پیش نظر اس مرتبہ حج کے ایّام میں بعض بڑے نادر اور منفرد واقعات پیش آئے ہیں جن کا عام حالات میں تصور بھی ممکن نہیں۔ ایسے واقعات میں تازہ اضافہ ایک تنہا مسلم خاتون کی کعبۃ اللہ کے سامنے عبادت وریاضت ہے اور ان کے ساتھ مطاف میں کوئی دوسرا فرد نظر نہیں آرہا ہے۔

ترکی عرب امور میں مداخلت سے باز رہے: متحدہ عرب امارات کا انتباہ

متحدہ عرب امارات نے  لیبیا سے متعلق ترکی کے بیان کا سخت نوٹس لیتے ہوئے ترکی کو کہا ہے کہ وہ عرب ممالک کے امور میں مداخلت کرنے سے باز رہے۔متحدہ عرب امارات کے وزیر مملکت برائے خارجہ امور انور قرقاش نے سلطنت عثمانیہ کا حوالہ دیتے ہوئے کہا کہ ترکی اب اس دور کی طرح کا رویہ اختیار ...