نئی دہلی،24/مارچ (ایس او نیوز/آئی این ایس انڈیا) دہلی کے وزیر اعلی اروند کیجریوال نے منگل کو کہا کہ قومی دارالحکومت میں گزشتہ 24 گھنٹے میں کرونا وائرس سے انفیکشن کا ایک بھی نیا معاملہ سامنے نہیں آیا ہے۔

انہوں نے کہا کہ اس وقت صورتحال کو کنٹرول میں رکھنا سب سے بڑا چیلنج ہے۔ وزیر اعلی نے ٹوئٹر کے ذریعے معلومات دی کہ کووڈ -19 سے متاثر پانچ لوگوں کو علاج کے بعد اسپتال سے چھٹی دے دی گئی ہے۔ انہوں نے کہا کہ گزشتہ 24 گھنٹوں میں دہلی میں کوئی نیا کیس نہیں آیا۔ 5 لوگ علاج کرواکر جا چکے ہیں۔ ابھی خوش نہیں ہونا ہے۔ ابھی سب سے بڑا چیلنج ہے کسی بھی حالت میں صورتحال کو کنٹرول نہیں رکھنا۔ اس میں آپ سب کا تعاون ضروری ہے۔ اس سے پہلے دہلی میں کووڈ -19 کے 30 معاملے کی تصدیق ہو چکی ہے۔