کرونا وائرس: ابو ظبی میں داخلے سے پہلے لیزر سکریننگ ،مثبت نتیجہ پرمزید ٹیسٹ ہوں گے

Source: S.O. News Service | Published on 14th July 2020, 10:29 PM | خلیجی خبریں |

ابو ظبی،14؍جولائی (ایس او نیوز؍ایجنسی) متحدہ عرب امارات کے دارالحکومت ابو ظبی میں داخل ہونے کے خواہاں مسافروں کی لاک ڈاؤن کے دوران میں آمد کے موقع پر کووِڈ19 کی جانچ کے لیے لیزر سکریننگ کی جارہی ہے۔

ابو ظبی کے میڈیا دفتر کے مطابق’’لیزر پر مبنی ڈی پی آئی تیکنیک سے وائرس کے نتیجے میں خون میں رونما ہونے والی تبدیلی کا چند سیکنڈز میں سراغ لگایا جاسکتا ہے۔‘‘

اس نے مزید وضاحت کی ہے کہ جن لوگوں کا منفی نتیجہ ہوگا،انھیں ابو ظبی میں داخلے کی اجازت دے دی جائے گی۔جن افراد کے ٹیسٹ کا نتیجہ مثبت ہوگا،ان کا مزید ٹیسٹ کیا جائے گا کہ ان کے خون میں حرارت کیوں ہے۔انھیں کرونا وائرس کے ٹیسٹ کے نتائج آنے تک الگ تھلگ رہنا ہوگا۔

یو اے ای نے مئی میں کرونا وائرس کی وَبا سے نمٹنے کے لیے اقدامات کے تحت یہ لیزر ٹیکنالوجی متعارف کرائی تھی۔ یو اے ای کی سرکاری خبررساں ایجنسی وام کے مطابق کرونا وائرس جونہی خون کے خلیے میں داخل ہوتا ہے تو ڈیفریٹو فیز انٹرفرمیٹری (ڈی پی آئی) کی تیکنیک سے اس کا سراغ لگایا جا سکتا ہے۔

ابو ظبی میڈیا دفتر کا کہنا ہے کہ ’’اس ڈیوائس سے ان افراد کی تعداد کو محدود کرنے میں مدد ملے گی، جن کا کووِڈ-19 کے کیسوں کی تشخیص کے لیے پی سی آر کا ٹیسٹ ناگزیر ہوگا۔‘‘

اس نئی آپشن کے باوجود ابو ظبی کی ایمرجنسی ،کرائسس اور ڈیزاسٹر کمیٹی اور محکمہ صحت نے امارت میں آنے والے مسافروں پر زوردیا ہے کہ وہ آمد سے پہلے اپنا پروگرام ترتیب دے لیں اور پیشگی ٹیسٹ کرالیں تاکہ انھیں کسی قسم کی تاخیر کا سامنا نہ کرنا پڑے۔‘‘

ابو ظبی حکومت نے 2 جون کو کرونا وائرس کو پھیلنے سے روکنے کے لیے شہریوں اور مکیوں کے امارت سے خروج اور داخلے پر پابندی عاید کردی تھی۔حال ہی میں حکام نے ابوظبی کے شہریوں اورمکینوں کو باہر جانے کی تو اجازت دے دی ہے لیکن انھیں دوبارہ داخلے کے لیے کرونا وائرس کے ٹیسٹ کا منفی نتیجہ پیش کرنا ہوگا۔

ایک نظر اس پر بھی

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔

دبئی :شیرورگرین ویلی اسکول کے صدر ڈاکٹر سید حسن کی دختر دانیا کو ملا شیخہ فاطمہ بنت مبارک ایوارڈ آف ایکسلینس‘

عرب امارات میں بہترین ہمہ جہتی تعلیمی کارکردگی کے لئے طالب علموں کو دیا جانے والا ’’ہَرہا ئنیس شیخہ فاطمہ بنت مبارک ایوارڈ آف ایکسلینس“ امسال دانیا حسن کو تفویض کیا گیا ہے جس کا تعلق  بھٹکل کے پڑوسی علاقہ شرور سے ہے۔

سعودی فرماں روا شاہ سلمان آرام کی غرض سے نیوم میں

خادم الحرمین الشریفین شاہ سلمان بن عبدالعزیز آل سعود بدھ کے روز تبوک صوبے کے سرحدی علاقے نیوم پہنچ گئے۔ سعودی فرماں روا وہاں آرام کی غرض سے کچھ وقت گزاریں گے۔ اس سے قبل شاہ سلمان بدھ کے روز دارالحکومت ریاض سے روانہ ہوئے تھے۔

یو اے ای : بیرون ملک مقیم مکینوں کی واپسی کے لیے پیشگی منظوری کی شرط ختم

متحدہ عرب امارات کی قومی ایمرجنسی کرائسِس اور ڈیزاسسٹر مینجمنٹ اتھارٹی نے کرونا وائرس کو پھیلنے سے روکنے کے لیے عاید کردہ پابندیوں میں مزید نرمی کردی ہے اور بیرون ملک مقیم یو اے ای کے مکینوں کو بدھ سے واپسی کے لیے اب حکام سے پیشگی منظوری لینے کی ضرورت نہیں ہوگی۔