ہندوستان میں کوروناوائرس کا قہر جاری: 24 گھنٹے میں 103 نئے مریض، اب تک 10 ہلاکتیں، متاثرین 500

Source: S.O. News Service | Published on 24th March 2020, 12:41 PM | ملکی خبریں | ان خبروں کو پڑھنا مت بھولئے |

نئی دہلی،24؍مارچ (ایس او نیوز؍ایجنسی) جیسا کہ خطرہ ظاہر کیا جا رہا تھا، ہندوستان میں بھی کورونا اپنا اثر دکھانے لگا ہے۔ حالات اس قدر خراب ہو گئے ہیں کہ کئی طرح کے احتیاطی اقدامات اٹھائے جانے کے باوجود گزشتہ 24 گھنٹے میں یعنی پیر کے روز کورونا وائرس پازیٹو 103 کیس رجسٹرڈ ہوئے۔ ہندوستان میں جہاں مہلوکین کی تعداد 10 ہو گئی ہے وہیں اس وائرس سے متاثر افراد کی تعداد 500 تک پہنچ گئی ہے۔ مہاراشٹر میں سب سے زیادہ 89 مریض اس وائرس کی زد میں ہیں۔ اس ریاست میں دو لوگ اس وبا کی زد میں آ کر ہلاک ہو چکے ہیں۔

میڈیا ذرائع سے موصول ہو رہی خبروں کے مطابق کورونا وائرس سے متاثر ہندوستانی ریاستوں میں دوسرا نمبر کیرالہ کا آتا ہے جہاں تقریباً 60 افراد سخت نگرانی میں رکھے گئے ہیں۔ اچھی بات یہ ہے کہ یہاں کسی کی موت واقع نہیں ہوئی ہے۔ مغربی بنگال میں پیر کے روز کورونا وائرس کی وجہ سے پہلی موت درج کی گئی۔ اس مہلک وائرس پر قابو پانے کے لیے ملک کی تقریباً 30 ریاستوں میں لاک ڈاؤن کا اعلان ہو چکا ہے۔ پنجاب، مہاراشٹر اور چنڈی گڑھ میں کرفیو بھی نافذ ہو چکا ہے۔ دہلی میں بھی غیر اعلانیہ کرفیو کا ماحول ہے۔

جہاں تک دیگر ریاستوں کا سوال ہے تو کرناٹک میں 33 افراد کورونا وائرس کی زد میں ہیں جب کہ ایک کی موت واقع ہو چکی ہے۔ اتر پردیش میں 30 لوگ متاثر ہیں اور فی الحال کسی ہلاکت کی خبر نہیں ہے۔ دہلی میں 30 لوگوں پر کورونا وائرس کا اثر پایا گیا ہے اور وزیر اعلیٰ کیجریوال نے پیر کے روز ویڈیو کانفرنسنگ میں اس بات کا تذکرہ بھی کیا تھا۔ ساتھ ہی انھوں نے کہا تھا کہ 7 مریض ہندوستان کے ہیں باقی کا تعلق بیرون ممالک سے ہے۔ ہماچل پردیش میں 3 کورونا پازیٹو کیسز سامنے آئے ہیں اور ایک کی موت بھی ہوئی ہے۔ مہاراشٹر میں 89 کورونا پازیٹیو موجود ہیں اور 2 کی موت ہوئی ہے۔ پنجاب میں اس وائرس کا شکار 21 لوگ ہیں اور ایک کی ہلاکت درج کی گئی ہے۔ مغربی بنگال میں ایک موت ہوئی ہے جب کہ 7 لوگ اس وائرس کی زد میں ہیں۔

قابل ذکر ہے کہ مرکزی حکومت نے وائرس پر قابو پانے کے لیے نافذ پابندیوں کی خلاف ورزی کرنے والوں کے خلاف سخت کارروائی کرنے کی ہدایت ذمہ داران کو دے دی ہے۔ چونکہ یہ وائرس اس وقت پوری دنیا کو پریشان کیے ہوئے ہے اس لیے ہندوستان میں بھی احتیاطی اقدام کیے جا رہے ہیں۔ کورونا وائرس سے پوری دنیا میں اب تک 16 ہزار 500 سے زیادہ لوگ فوت ہو چکے ہیں اور تقریباً 381500 افراد اس مہلک وائرس کی زد میں ہیں۔

ایک نظر اس پر بھی

بہار: اسمبلی انتخاب میں نوجوان ووٹر ہی کریں گے امیدواروں کی قسمت کا فیصلہ

اس بار اسمبلی انتخابات میں نوجوان ووٹروں  کی ایک بڑی تعداد اپنی  حق رائے دہی کا استعمال کرنے جارہی ہے۔ الیکشن کمیشن نے زیادہ سے زیادہ ووٹروں  کی تعداد میں 18 سال کی عمر کو عبور کرنے والے ووٹروں  کو اندراج کرنے کے لئے ایک مہم کا آغاز کیا ہے۔ انٹرنیٹ پر بھی نام شامل کیے جارہے ...

ممبئی پولیس نے عدالت کو بتایا- تبلیغی جماعت کے 20 غیر ملکی اراکین کے خلاف درج کیسز لئے جائیں گے واپس

ممبئی پولیس میں تبلیغی جماعت سے منسلک ایک معاملے میں ممبئی پولیس نے مقامی عدالت کو بتایا ہےکہ اندھیری میں 20 غیر ملکی شہریوں کے خلاف درج قتل اورقتل کی کوشش کا معاملہ واپس لیا جائے گا۔

اپوزیشن کی شدید مخالفت کے درمیان راجیہ سبھا میں زراعتی اصلاحات کا بل منظور

راجیہ سبھا میں آج اپوزیشن کے شدید ہنگامے کے درمیان زراعتی اصلاحات سے متعلق دو بل 'کسانوں کی پیداوار کے کاروبار اور تجارت (فروغ اور سہل کاری) بل 2020' اور 'کسان (تفویض اختیار اور تحفظ) کو قیمت کی یقین دہانی اور زراعتی خدمات کا معاہدہ بل، 2020 کو صوتی ووٹ کے ذریعہ منظور کیا گیا اوراس ...

شوپیان تصادم میں فوجی تحقیقات سے اجنبیت کے احساس میں نمایاں کمی ہوگی: الطاف بخاری

 جموں و کشمیر اپنی پارٹی کے صدر سید محمد الطاف بخاری نے کہا ہے کہ شوپیاں انکاونٹر کی تحقیقات میں فوج کا یہ اعتراف کرنا کہ ضابطہ اخلاق اور فوجی قوانین کی خلاف ورزی ہوئی ہے، اعتماد کے فقدان اور جموں وکشمیر کے لوگوں میں اجنبیت کے احساس میں نمایاں کمی لائے گا۔

ملک میں کورونا کیسز کی مجموعی تعداد 54 لاکھ سے تجاوز، اب تک 86 ہزار سے زیادہ ہلاک

 ملک میں خوفناک عالمی وبا کورونا وائرس کے بڑھتے قہر کے درمیان گزشتہ 24 گھنٹوں کے دوران وبا کے 92 ہزار سے زائد نئے کیسز کی آمد کے بعد متاثرین کی مجموعی تعداد 54 لاکھ سے تجاوز کر گئی جبکہ اسی عرصہ میں 94 ہزار سے زائد مریض شفایاب ہوئے ہیں۔

بہار: اسمبلی انتخاب میں نوجوان ووٹر ہی کریں گے امیدواروں کی قسمت کا فیصلہ

اس بار اسمبلی انتخابات میں نوجوان ووٹروں  کی ایک بڑی تعداد اپنی  حق رائے دہی کا استعمال کرنے جارہی ہے۔ الیکشن کمیشن نے زیادہ سے زیادہ ووٹروں  کی تعداد میں 18 سال کی عمر کو عبور کرنے والے ووٹروں  کو اندراج کرنے کے لئے ایک مہم کا آغاز کیا ہے۔ انٹرنیٹ پر بھی نام شامل کیے جارہے ...

کنڑا روزنامہ’کراولی منجاؤ‘ کے ایڈیٹر گنگادھر ہیرے گُتّی کو صحافتی خدمات کے لئے ایوار ڈ

برہماور تعلقہ جرنلسٹ ایسو سی ایشن کی جانب سے صحافتی خدمات کے لئے دیا جانے والا ‘وڈّرسےرگھو رام شیٹی‘ ایوارڈ امسال شمالی کینرا کے معرو ف کنڑا روزنامہ ’کرالی منجاؤ‘ کے ایڈیٹر گنگادھر ہیرے گُتی کو تفویض کرنے کا فیصلہ کیا ہے۔خیال رہے کہ یہ ایوارڈ ’مُنگارو‘ اخبار کے آنجہانی ...