کرونا وائرس: حجاج کرام کا طواف الوداع ،واپسی پر 14 دن قرنطین میں رہیں گے

Source: S.O. News Service | Published on 2nd August 2020, 10:13 PM | خلیجی خبریں |

ریاض،2؍اگست (ایس او نیوز؍ایجنسی) مکہ مکرمہ میں حجاج کرام آج دوسرے مناسک کی تکمیل کے بعد بیت اللہ کا طواف الوداع کررہے ہیں اوراس کے بعد وہ سعودی عرب میں اپنے اپنے آبائی علاقوں یا اقامت گاہوں کی جانب روانہ ہوجائیں گے۔

حجاج کرام کو قبل ازیں منیٰ سے خصوصی گاڑیوں کے ذریعے جمرات لایا گیا تھا جہاں انھوں نے سنتِ ابراہیمی کی پیروی کرتے ہوئے تیسری مرتبہ شیطان کو کنکریاں ماریں اور دعائیں کی تھیں۔

پھر انھیں مسجد الحرام لایا گیا ہے جہاں وہ گروپوں کی شکل میں اور کرونا وائرس سے بچاؤ کے لیے طے شدہ فاصلہ برقرار رکھتے ہوئے الوداعی طواف کررہے ہیں۔کعبۃ اللہ کے’’طواف زیارہ‘‘کے بعد ان کے مناسکِ حج کی تکمیل ہوجائے گی۔

العربیہ کے نمایندے کی اطلاع کے مطابق طواف زیارہ کے بعد بعض حجاج کو ان کی مخصوص جائے اقامت ہوٹل میں منتقل کردیا جائے گا جہاں وہ تنہائی میں رہیں گے جبکہ دوسرے حجاج کرام سعودی عرب میں اپنے شہروں اور علاقوں کی جانب لوٹ جائیں گے اور وہ اپنے اپنے گھروں یا اقامت گاہوں میں 14 روز تک قرنطین میں رہیں گے۔

مسجد الحرام کی سکیورٹی فورسز کے کمانڈر میجر جنرل یحییٰ بن عبدالرحمان العقیل نے سرکاری سعودی پریس ایجنسی سے گفتگو کرتے ہوئے کہا ہے کہ ’’حجاج کے طوافِ وداع کے لیے تمام ضروری احتیاطی اقدامات اور انتظامات مکمل کر لیے گئے ہیں اور ہم مسجدالحرام میں حجاج کے خیرمقدم کے لیے تیار ہیں۔‘‘

کرونا وائرس سے بچنے کے لیے حج کے دوران میں حجاج کرام کے مسجدالحرام میں داخلے کے لیے ابواب مخصوص کیے گئے ہیں۔ وہ ان کے علاوہ کسی اور دروازے سے اندر نہیں جاسکتے۔حجاج کے لیے مطاف میں چکر اور راستے متعیّن کر دیے گئے ہیں اور وہ سماجی فاصلہ برقرار رکھتے ہوئے گروپوں کی شکل میں طوافِ وداع کریں گے۔

سعودی عرب نے اس مرتبہ کرونا وائرس کی وَبا کے پیش نظرحج کو محدود کردیا تھا اور صرف دس ہزار خوش نصیبوں نے فریضۂ حج ادا کیا ہے۔ سعودی حکومت نے ان عازمینِ حج کا انتخاب ایک خودکار طریقے سے کیا تھا اور منتخب حاجیوں میں سعودی عرب میں مقیم غیرملکی تارکینِ وطن کی تعداد 70 فی صد ہے اور 30 فی صد سعودی شہری ہیں۔

منتخب سعودی شہریوں میں محکمہ صحت کے ان ورکروں اور سکیورٹی فورسز کے اہلکاروں کو ترجیح دی گئی ہے جو کرونا وائرس کے خلاف جنگ میں خود بھی اس مہلک وَبا کا شکار ہوگئے تھے مگر بعد میں صحت یاب ہوگئے تھے۔

ایک نظر اس پر بھی

نوید ائیکری بھٹکل کمیونٹی جدہ کے نئے جنرل سکریٹری منتخب، عبدالمُعیز جوکاکو بنے نئے سکریٹری

نوید حسن ائیکری بھٹکل کمیونٹی جدہ کے نئے جنرل سکریٹری اور عبدالمعیز جوکاکو نئے سکریٹری  منتخب ہوگئے  ہیں، اس بات کی اطلاع بھٹکل کمیونٹی جدہ کے صدر جناب عبدالسلام دامدا ابو نے دی ہے۔

سعودی عرب نے ہندوستان پر لگائی سفری پابندی

ہندوستان میں کورونا انفیکشن بے قابو ہوتا ہوا نظر آ رہا ہے۔ روزانہ تقریباً ایک لاکھ مریض سامنے آ رہے ہیں اور کورونا مریضوں کی تعداد کے معاملے میں ہندوستان دنیا میں دوسرے نمبر پر ہے۔

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...