کورونا سے دنیا میں 31 ہزار سے زیادہ اموات، تقریباً سات لاکھ متاثر

Source: S.O. News Service | Published on 29th March 2020, 11:17 PM | عالمی خبریں |

بیجنگ؍جینوا؍نئی دہلی،29؍مارچ (ایس او نیوز؍یو این آئی) دنیا کے 185ممالک میں پھیل چکے کورونا وائرس (کووڈ-19) کا قہر جاری ہے۔ اب تک اس مہلک وائرس سے دنیا میں 31748 افراد لقمہ اجل بن چکے ہیں۔ جبکہ 67813 متاثر ہیں۔ ہندوستان میں کورونا کا دائرہ وسیع ہوتا جا رہا ہے۔ ملک میں گزشتہ 24 گھنٹوں میں اس کے 149 نئے معاملے سامنے آنے کے بعد اب تک متاثرہ افراد کی تعداد 917 ہو گئی ہے۔ جبکہ دو مریض کی موت کے بعد مرنے والوں کی تعداد 25 ہو گئی۔

وزارت صحت نے ہفتہ کو بتایا کہ ملک میں کورونا کے 917 معاملوں کی تصدیق ہوئی ہے، یہ تعداد بعد میں 987 ہو گئی۔ اس عالمی وبا کے مرکز چین میں صورت حال میں بہتری آئی ہے۔ اور گزشتہ 24 گھنٹوں کے درمیان 45 نئے معاملے سامنے آئے ہیں۔ جبکہ پانچ ا فراد کی موت ہوئی ہے۔ چین میں اب تک81439 نتیجے مثبت پائے گئے ہیں۔ اور 3300 افراد کی موت ہو چکی ہے۔ اس وائرس کے تعلق سے تیار کی گئی ایک رپورٹ کے مطابق چین میں ہوئی اموات میں 80 فیصد افراد 60 سال سے اوپر کے تھے۔ چین میں 81285 افراد میں کورونا کی تصدیق ہوئی ہے۔ تقریباً 3287ہلاک ہو چکے ہیں۔

گزشتہ 24 گھنٹوں کے درمیان کورونا سے متعلق سنگین صورت حال اٹلی اور اسپین سے سامنے آئی ہے۔عالمی وبا کورونا (کووڈ-19) سے بری طرح متاثر اٹلی میں اس انفکشن سے مرنے والوں کی تعداد دس ہزار سے تجاوز کر گئی ہے۔ اٹلی کے محکمہ شہری تحفظ کے سربراہ ، انجیلو بوریلی نے ہفتے کے روز ٹیلی ویژن کانفرنس میں بتایا کہ گزشتہ 24 گھنٹوں کے درمیان اس وائرس سے 889 اموات ہوئی ہیں۔ اٹلی میں کورونا انفکشن کے 3651 نئے معاملے سامنے آئے ہیں۔ جس سے مجموعی تعداد 92472 ہو گئی ہے۔

فرانس بھی کورونا وائرس سے شدید طور پرمتاثر ہوا ہے اور اب تک اس سے 2314 افراد لقمہ اجل بن چکے ہیں جبکہ 37575 اس میں مبتلا ہیں۔ برطانیہ میں اب تک کورونا سے 1019، نیدرلینڈ میں 639، جرمنی 325، سویزرلینڈ 235، بیلجیئم 353، ترکی 108، برازیل 114، سویڈن 102، انڈونیشیا 102، پرتگال 100، آسٹریا 68، فلپائن 68، کینیڈا 60، ڈنمارک 65، جاپان 52، سویڈن 102، ایکواڈور48، عراق 42، مصر 36، یونان 32 اور ملائیشیا میں 27 افراد ہلاک ہوئے ہیں۔

ہمسایہ ملک پاکستان میں بھی کورونا وائرس کا قہر شدید ہے۔ یہاں اب تک 1495 افراد میں کورونا وائرس کے انفیکشن کی تصدیق ہوچکی ہے جبکہ اس سے 12 افراد ہلاک ہو چکے ہیں۔ بنگلہ دیش میں اب تک 48 افراد کےمتاثر ہونے کی خبر ہے، جبکہ پانچ اموات ہوئی ہیں۔ سری لنکا میں، 113 افراد میں انفیکشن کی تشخیص ہوئی ہے۔ نیپال میں اب تک صرف چار متاثرہ مریضوں کا پتہ چلا ہے ، ان میں سے ایک پوری طرح صحت یاب ہو چکا ہے۔ جبکہ افغانستان میں 110 افراد اس سے متاثر ہیں۔

مہلک کورونا وائرس پھیلنے پر تشویش کا اظہار کرتے ہوئے، اقوام متحدہ نے اس انفیکشن کی روک تھام کے لئے ایک کروڑ پچاس لاکھ امریکی ڈالر کی امداد کی پیش کش کی ہے۔ اس فنڈ کو خصوصی طور پر ان ممالک میں استعمال کیا جائے گا جن میں صحت کی دیکھ بھال کے کمزور نظام موجود ہیں۔ ڈبلیو ایچ او نے کورونا کے خلاف لڑائی کے لئے 67 کروڑ 50 لاکھ ڈالر جمع کرنے کی اپیل کی ہے۔

قابل ذکر ہے کہ گزشتہ سال دسمبر کے اواخر میں چین کے صوبہ ہوبی کے دارالحکومت ووہان سے کورونا وائرس کی شروعات ہوئی تھی۔ اب یہ دنیا کے بیشتر ممالک میں پھیل چکا ہے۔

ایک نظر اس پر بھی

لبنان: تین روزہ قومی سوگ کا آغاز، عالمی امداد بھی جاری

لبنان میں جہاں ایک طرف زبردست دھماکے کی وجوہات کی تفتیش جاری ہے وہیں جمعرات سے تین روزہ قومی سوگ کا آغاز ہوگیا ہے۔ بیروت میں ہونے والے دھماکے میں 135 افراد ہلاک ہوئے تھے۔لبنان کے دارالحکومت بیروت میں منگل کے روز ہونے والے بم دھماکے سلسلے میں حکومت نے جس تین روزہ سوگ کا اعلان کیا ...

عالمی ادارہ صحت نے کہا؛ سماجی فاصلہ برقرار نہ رکھنے سے بڑھ رہے ہیں کورونا کے معاملات، نوجوان مریضوں کی تعداد میں تین گنا اضافہ

عالمی ادارہ صحت (ڈبلیو ایچ او) کا کہنا ہے کہ سماجی فاصلہ برقرار نہ رکھنے کی وجہ سے گزشتہ پانچ ماہ کے دوران کرونا وائرس سے متاثرہ نوجوانوں کی تعداد میں تین گنا اضافہ ہوا ہے۔ڈبلیو ایچ او کی رپورٹ کے مطابق فروری کے آخر سے لے کر جولائی کے وسط تک، کرونا وائرس کا شکار ہونے والے 60 لاکھ ...

جاپانی ماہرین کا کورونا وائرس کی وبا پر قابو پانے کے لئے سوپر کمپیوٹر کے استعمال کا اعلان

کورونا وائرس کی روکتھام کے اقدامات سے متعلق جاپان کے انچارج وزیر نیشی مورا یاسوتوشی نے امید ظاہر کی ہے کہ حکومت، مصنوعی ذہانت اور دیگر ٹیکنالوجیز کو بروئے کار لاتے ہوئے، انفیکشنز پر قابو پانے کے نئے موثر اقدامات دریافت کرنے میں، رواں ماہ کے آخر تک کامیاب ہو جائے گی۔ جاپانی ...

بیروت میں ہوئے زبردست دھماکہ کی کیا ہے اصل کہانی ؟ 6 سال سے ایک بحری جہاز پر 2750 ٹن دھماکا خیز مواد امونیم نائٹریٹ رکھا ہوا تھا؛ اب تک 135 کی موت

بیروت،06 /اگست (آئی این ایس انڈیا)منگل چار اگست کی سہ پہر ہونے والے زور دار دھماکے کے نتیجے میں بیروت میں بحری جہازوں کے لنگر انداز ہونے کا مقام مکمل طور پر تباہ ہو گیا۔ اس کا شمار لبنان کے اہم ترین مقامات میں ہوتا ہے جو ریاستی خزانے میں مالی رقوم پہنچانے کا نمایاں ترین ذریعہ تھا۔ ...

امریکہ کا ایران پر عائد ہتھیاروں کی پابندی میں توسیع پر اصرار بدستور قائم

امریکہ ابھی تک ایران پر عائد ہتھیاروں کی بین الاقوامی پابندی کی قرار داد میں توسیع کے موقف پر مصر ہے۔ یہ پابندی رواں سال اکتوبر میں اختتام پذیر ہو رہی ہے۔اس سلسلے میں امریکی وزیر خارجہ مائیک پومپیو نے زور دے کر کہا ہے کہ اُن کا ملک آئندہ ہفتے اقوام متحدہ کی سلامتی کونسل میں ایک ...