لندن،3؍اپریل (ایس او نیوز؍ایجنسی) دنیا بھر میں کورونا کیسز کی تعداد 9/لاکھ 35/ہزار سے تجاوز کرگئی جب کہ 47,314 افراد فوت ہو چکے ہیں -

پاکستان میں 2100 سے زائد افراد میں کورونا وائرس کی تشخیص ہوئی جب کہ 26 افراد جان کی بازی ہار گئے ہیں -یورپ میں کورونا نے تباہی مچا دی ہے جہاں بتیس ہزار سے زائد افراد ہلاک ہوچکے ہیں - اٹلی اور اسپین کورونا کے نئے مراکز ہیں جہاں مریضوں کی تعداد ایک ایک لاکھ سے بڑھ گئی ہے اور دونوں ممالک میں بائیس ہزار سے زائد اموات ہوئی ہیں -امریکہ میں چوبیس گھنٹوں میں کورونا ایک ہزار پچاس سے زائد جانیں نگل چکا ہے- صرف نیویارک میں پانچ سو پانچ افراد ہلاک ہوئے-24 گھنٹوں میں چھبیس ہزار سے زائد نئے کیسز رپورٹ ہوئے ہیں اور امریکہ میں کوروناکیسز کی مجموعی تعداد دو لاکھ پندرہ ہزار سے بڑھ گئی ہے-

اٹلی میں ایک روز میں مزید سات سو ستائیس افراد چل بسے اور تیرہ ہزار ایک سو سے زائد افراد مہلک وائرس کا نشانہ بنے- اٹلی میں ایک لاکھ دس ہزار سے زائد افراد متاثر ہیں -جرمنی 18،اٹلی 16اور ایران میں 15/ہزار سے زائد مریض صحت یاب ہو چکے ہیں - ملک میں کوڈ -19 کے معاملے بڑھ کر جمعرات کو 2100ہو گئے اور وہیں اس سے اب تک 60 لوگوں کی جان جا چکی ہے- مرکزی وزارت صحت کے مطابق ملک میں کورونا وائرس سے اب 1700لوگ متاثر ہیں -جبکہ 150 لوگ وہ ہیں، جنہیں یا تو علاج کے بعد چھٹی مل چکی ہے یا دوسرے ملک جا چکے ہیں -

ملک میں کووڈ19- کے معاملے 2100 سے متجاوز-60/اموات

وزارت کی طرف سے جمعرات کو جاری بیان کے مطابق ملک میں کورونا کے 15نئے معاملے سامنے آئے، جن میں سے چار مہاراشٹر، تین مدھیہ پردیش اور آندھرا پردیش اور پنجاب سے ایک ایک معاملہ آیا- ملک میں وائرس سے مہاراشٹر میں 13 لوگوں کی جان گئی- اس کے بعد گجرات میں 6، مدھیہ پردیش میں 6، پنجاب میں 4، کرناٹک میں 3، تلنگانہ میں 3، مغربی بنگال میں 3، دہلی میں 2، جموں و کشمیر میں 2، اتر پردیش میں 2 اور کیرلا میں 2 اموات ہوئی ہیں، جبکہ آندھرا پردیش، تمل ناڈو، بہار، ہریانہ اور ہماچل پردیش سے ایک ایک موت کی خبر ہے-ملک میں سب سے زیادہ کیس 335 مہاراشٹر، پھر کیرلا میں 265 اور اس کے بعد تمل ناڈو میں 234 معاملے-دہلی میں بھی معاملے بڑھ کر 152 ہو گئے ہیں. اتر پردیش میں 113، کرناٹک میں 110 اور تلنگانہ میں 96 معاملے- وہیں راجستھان میں 108، مدھیہ پردیش میں 99، آندھرا پردیش میں 86، گجرات میں 82 اور جموں و کشمیر میں 62 لوگ متاثر ہیں -پنجاب میں کووڈ-19 کے 42 کیس سامنے آئے ہیں، جبکہ ہریانہ میں 43 معاملات کا پتہ چلا ہے-انڈمان اور نیکوبار جزائر سے دس کیس سامنے آئے ہیں -چھتیس گڑھ میں نو کیس، جبکہ اتراکھنڈ میں اب تک سات معاملے سامنے آئے ہیں -گوا میں کوورونا وائرس کے پانچ کیس سامنے آئے ہیں -