کرونا وائرس:دبئی سے برطانیہ اور یورپی یونین جانے والے مسافروں کو کون سا ٹیسٹ کرانا ہوگا؟

Source: S.O. News Service | Published on 26th July 2020, 9:45 PM | خلیجی خبریں | عالمی خبریں |

دبئی،26؍جولائی(ایس او نیوز؍ایجنسی) متحدہ عرب امارات سے برطانیہ اور یورپی یونین کے رکن ممالک میں جانے والے فضائی مسافروں کو کووِڈ- 19 کا پی سی آر ٹیسٹ کرانا لازمی قرار دے دیا گیا ہے۔

اماراتی حکام اور ابو ظبی کی صحت خدمات(صحہ) کے مطابق نئے قواعد وضوابط کے تحت متحدہ عرب امارات میں آنے اور یہاں سے روانہ ہونے والے تمام فضائی مسافروں پر پی سی آر ٹیسٹ کرانے کی پابندی عاید کی گئی ہے۔قبل ازیں یو اے ای سے روانہ ہونے والے مسافروں پر یہ ٹیسٹ کرانے کی پابندی عاید نہیں تھی۔

ان نئے قواعد وضوابط کا یو اے ای بھر میں اطلاق ہوتا ہے جبکہ ابوظبی نے ایک اضافی پابندی بھی عاید کی ہے اور وہاں دوسری امارتوں سے آنے والے شہریوں اور مکینوں کو کووِڈ-19 کا منفی ٹیسٹ دکھانا ہوگا جبکہ دبئی میں یہ پابندی عاید نہیں ہے۔

مگر اب دبئی کے بین الاقوامی ہوائی اڈے سے برطانیہ اور یورپی یونین جانے والے مسافروں کو کووِڈ-19 پی سی آر کا ٹیسٹ کرانا ہوگا۔البتہ 12 سال سے کم عمر بچے اور مختلف معذوریوں کا شکار افراد اس پابندی سے مستثنیٰ ہوں گے۔

کرونا کے ٹیسٹ صحہ کی ایپ ڈاؤن لوڈ کرکے کرائے جاسکتے ہیں یا پھر دبئی کی صحت اتھارٹی سے کرائے جاسکتے ہیں۔پی سی آر ٹیسٹ کی لاگت 370 درہم ہے،البتہ مندرجہ ذیل افراد کو اس فیس سے مستثنیٰ قرار دیا گیا ہے:

اماراتی شہری ، اماراتی خواتین کے بچّے، حاملہ خواتین۔
اماراتی شہریوں کے گھروں میں کام کرنے والے ورکر۔
امارات کے 50 سال سے زیادہ عمر کے مکین۔
مختلف دائمی امراض کا شکار افراد۔

ایک اماراتی عہدے دار کے مطابق کووِڈ-19 کا پی سی آر ٹیسٹ دبئی سے روانہ ہونے سے 96 گھنٹے (چارروز) قبل کرانا ہوگا اور ٹیسٹ کے تنائج اتوار سے جمعرات تک کسی بھی دودن میں دفتری اوقاتِ کار میں موصول ہوجانے چاہییں۔اس لحاظ سے عازم سفر افراد کو روانگی سے کم سے کم 48 گھنٹے قبل اپنے ٹیسٹ کرانا ہوں گے۔

ایک نظر اس پر بھی

بیروت دھماکے کے بعد غصے میں بپھرے عوام کو مظاہرے کے لیے اکٹھا ہونے کی کال

لبنان میں جمعے کی شام متعدد شہری تنظیموں اور سوسائٹیز کی جانب سے سامنے آنی والی کال میں عوام سے مطالبہ کیا گیا ہے کہ وہ ہفتے کی سہ پہر مقامی وقت کے مطابق 4 بجے سے بیروت کے وسط میں الشہداء اسکوائر پر جمع ہونا شروع ہو جائیں۔

لبنان کی مشکل اور پیچیدہ صورت حال میں مدد کے لیے حاضر ہیں: احمد ابو الغیط

عرب لیگ کے سکریٹری جنرل احمد ابو الغیط آج ہفتے کے روز بیروت پہنچے ہیں۔ اپنے دورے میں وہ لبنانی صدر میشل عون، وزیر اعظم حسان دیاب اور پارلیمنٹ کے اسپیکر نبیہ بری سے ملاقات کریں گے۔ ابو الغیط بیروت کی بندرگاہ پر دھماکے کی جگہ کا دورہ بھی کریں گے۔بیروت کے ہوائی اڈے پر پہنچنے کے ...

سعودی عرب کی حکومت کا اہم فیصلہ

سعودی پبلک پراسیکیوشن نے قانون تحفظ اطفال کے حوالے بعض نکات کی وضاحت کی ہے، جس کے مطابق بچوں کے ساتھ کیے جانے والے غیر قانونی سلوک پر سخت سزائیں دی جائیں گی۔ ...

برازیل میں کورونا سے اموات 1 لاکھ سے متجاوز

امریکہ کے بعد برازیل میں بھی کورونا وائرس سے ہونے والی ہلاکتیں ایک لاکھ سے اوپر چلی گئیں، وائرس دنیا کے 7 لاکھ 27 ہزار سے زائد جانیں لے گیا۔پیرس کے پرہجوم علاقوں میں پیر سے ماسک پہننا لازمی قرار دے دیا گیا ہے جبکہ ویتنام کے دارالحکومت ہنوئی میں دنانگ شہر سے آنے والے ہزاروں لوگوں ...

بیروت دھماکے کے بعد غصے میں بپھرے عوام کو مظاہرے کے لیے اکٹھا ہونے کی کال

لبنان میں جمعے کی شام متعدد شہری تنظیموں اور سوسائٹیز کی جانب سے سامنے آنی والی کال میں عوام سے مطالبہ کیا گیا ہے کہ وہ ہفتے کی سہ پہر مقامی وقت کے مطابق 4 بجے سے بیروت کے وسط میں الشہداء اسکوائر پر جمع ہونا شروع ہو جائیں۔

لبنان کی مشکل اور پیچیدہ صورت حال میں مدد کے لیے حاضر ہیں: احمد ابو الغیط

عرب لیگ کے سکریٹری جنرل احمد ابو الغیط آج ہفتے کے روز بیروت پہنچے ہیں۔ اپنے دورے میں وہ لبنانی صدر میشل عون، وزیر اعظم حسان دیاب اور پارلیمنٹ کے اسپیکر نبیہ بری سے ملاقات کریں گے۔ ابو الغیط بیروت کی بندرگاہ پر دھماکے کی جگہ کا دورہ بھی کریں گے۔بیروت کے ہوائی اڈے پر پہنچنے کے ...

لیبیا کی قومی وفاق حکومت کو ترک ڈرون طیاروں اور جدید اسلحہ کی فراہمی

ترکی نے قومی وفاق حکومت کو جدید اسلحہ اور ڈرون طیاروں کی فراہمی شروع کی ہے۔ ترکی کی طرف سے لیبیا کی قومی وفاق حکومت کو 4 ڈرون طیارے فراہم کیے گئے ہیں۔ ذرائع کا کہنا ہے کہ ترکی کا ایک کارگو طیارہ الوطیہ ہوائی اڈے پر جدید اسلحہ چھوڑ کر واپس ترکی روانہ ہوگیا ہے۔