مغربی بنگال میں کورونا سے ہوئی پہلی موت، 57 سالہ شخص علاج کے دوران ہلاک

Source: S.O. News Service | Published on 23rd March 2020, 9:37 PM | ملکی خبریں | ان خبروں کو پڑھنا مت بھولئے |

کولکاتا،23؍مارچ (ایس او نیوز؍ایجنسی) کورونا وائرس کے بڑھتے خطرہ کے درمیان پیر کے روز مغربی بنگال میں اس وائرس کی وجہ سے پہلی موت درج کی گئی۔ میڈیا ذرائع کے مطابق اے ایم آر آئی اسپتال، کولکاتا میں علاج کرا رہے 57 سالہ شخص کا آج دوپہر میں انتقال ہو گیا جس سے اسپتال میں افرا تفری کا عالم پیدا ہو گیا۔ بتایا جاتا ہے کہ مہلوک دمدم شہر کا رہنے والا تھا اور گزشتہ 13 مارچ کو ہی وہ چھتیس گڑھ کے بلاس پور سے اپنے گھر لوٹا تھا۔

خبروں کے مطابق بلاس پور سے لوٹنے کے بعد وہ شخص شمالی کولکاتا واقع ایک مال میں گیا تھا۔ 14 مارچ کو اس کی طبیعت ناساز ہو گئی جس کے بعد وہ نگر بازار واقع ایک مقامی نرسنگ ہوم گیا۔ اس کے اندر موسمی بخار کی علامات دیکھنے کو مل رہی تھیں لیکن اس کی حالت بہت اچھی نہیں تھی۔ بہتر علاج کے لیے 16 مارچ کو اسے اے ایم آر آئی اسپتال کولکاتا میں داخل کرایا گیا تھا۔

پیر کی دوپہر جب اس شخص کا انتقال ہوا تو اس سے پہلے یہ تصدیق ہو چکی تھی کہ وہ کورونا وائرس پازیٹو ہے۔ یہ خبر لگنے کے بعد مہلوک شخص کے قریبی رشتہ داروں نے کورونا وائرس کے خوف کے مدنظر احتیاطی قدم اٹھاتے ہوئے خود کو اسپتال میں داخل کرایا۔ مہلوک شخص جن لوگوں کے رابطے میں آیا تھا انھیں بھی فوری طور پر سخت نگرانی میں رکھا گیا ہے اور ان کا کورونا وائرس ٹیسٹ کرایا جا رہا ہے۔

مغربی بنگال میں ہوئی موت کے بعد ہندوستان میں کورونا وائرس سے ہلاک ہونے والوں کی تعداد بڑھ کر 8 ہو گئی ہے۔ ہندوستان میں اس وقت متاثرین کی تعداد 429 بتائی جا رہی ہے اور یہ تعداد لگاتار بڑھ رہی ہے۔ دہلی سے ملحق گریٹر نوئیڈا میں ایک بار پھر دو مریض کورونا وائرس کے پازیٹو پائے گئے ہیں جس کے بعد ان دو سوسائٹیوں کو سیل کر دیا گیا ہے جہاں وہ رہتے ہیں۔

ایک نظر اس پر بھی

کشمیر کی پہلی وائرس متاثرہ خاتون روبہ صحت ہوکر ہسپتال سے رخصت

وادی کشمیر میں کورونا وائرس کے مثبت کیسز میں اضافے کے بیچ سری نگر کے خانیار علاقے سے تعلق رکھنے والی وادی کی پہلی وائرس متاثرہ خاتون مکمل طور پر صحت یاب ہوئی ہے اور اس کو شیر کشمیر انسٹی ٹیوٹ آف میڈیکل سائنسز صورہ سے ڈسچارج بھی کیا گیا ہے۔

تبلیغی جماعت کے خلاف کیس واپس لینے کا مطالبہ تبلیغی مرکز سے متعلق پیدا شدہ حالات پر سرکردہ مسلم دانشوروں کا بیان

 تبلیغی مرکز سے متعلق پیداشدہ صورتحال پر سرکردہ دانشوروں اور صحافیوں نے تشویش کا اظہار کرتے ہوئے یہاں جاری ایک بیان میں کہا ہے کہ کورونا وائرس کے خلاف جاری جنگ میں ہم حکومت کو اپنے بھرپور تعاون کا یقین دلاتے ہوئے اس سے یہ اپیل بھی کرنا چاہتے ہیں

کشمیر کی پہلی وائرس متاثرہ خاتون روبہ صحت ہوکر ہسپتال سے رخصت

وادی کشمیر میں کورونا وائرس کے مثبت کیسز میں اضافے کے بیچ سری نگر کے خانیار علاقے سے تعلق رکھنے والی وادی کی پہلی وائرس متاثرہ خاتون مکمل طور پر صحت یاب ہوئی ہے اور اس کو شیر کشمیر انسٹی ٹیوٹ آف میڈیکل سائنسز صورہ سے ڈسچارج بھی کیا گیا ہے۔

کورونا وائرس وباء:اڈپی ضلع میں 13مریضوں کو آئسولیشن وارڈ میں داخل کیا گیا۔ پوزیٹیو معاملات کے لئے مختص کیا گیا اسپتال

اڈپی ضلع ڈسٹرکٹ ہیلتھ آفیسر ڈاکٹر سوڈ نے بتایا ہے کہ کورونا وائرس سے متاثر ہونے کے شبہ میں یکم اپریل کے دن 13 مریضوں کو  ضلع کے مختلف اسپتالو ں میں داخل کیا گیا ہے۔

نظام الدین کے اجتماع میں شریک حضرات جانچ کروالیں: اقلیتی بہبود کے سکریٹر اے بی ابراہیم کی اپیل

ریاستی محکمہ اقلیتی بہبود کے سکریٹر اے بی ابراہیم نے اپنے ایک اخباری بیان میں تبلیغی مرکز نظام الدین کے اجتماع میں مارچ کے دوران شرکت کرنے الوں سے اپیل کی ہے کہ وہ اپنے ضلع یا تعلقہ میں محکمہ صحت سے رابطہ کر کے اپنی جانچ کروالیں۔