ملک میں کوروناوائرس سے 29 اموات،1071 متاثر، کورونا پوری دنیا میں 34,512 جانیں تلف،723,962 متاثرین
بیجنگ؍جنیوا؍ نئی دہلی،31؍مارچ (ایس او نیوز؍ یو این آئی) پوری دنیا کے زیادہ تر (اب تک 185) ممالک میں کرونا وائرس (کووڈ-19) کی وبا تھمنے کا نام نہیں لے رہی ہے اور اس کے متاثرین سے پوری دنیا میں اب تک34,512لوگوں کی موت ہوچکی ہے جبکہ تقریباً723,962لوگ اس سے متاثر ہیں -
ہندوستان میں بھی کرونا وائرس کی وبا پھیلتی جارہی ہے اور متاثروں کی تعداد بڑھ کر1071ہوگئی ہے اور مرنے والوں کی تعداد بڑھ کر29ہوگئی ہے -
وزارت صحت نے پیر کی صبح بتایا کہ ملک میں کرونا وائرس کے1071معاملوں کی تصدیق ہوچکی ہے -دنیا کے سب سے طاقت ور ملک امریکہ میں یہ بیماری سنگین روپ لے چکی ہے - یہاں کرونا وائرس سے اب تک2467لوگوں کی موت ہوچکی ہے جبکہ سب سے زیادہ140,886لوگ اس سے متاثر ہوچکے ہیں -
کورونا وائرس سے بری طرح متاثر اٹلی میں اس کے متاثروں سے سب سے زیادہ موتیں ہوئی ہیں جہاں مرنے والوں کی تعداد بڑھ کر 10,779ہوگئی ہے جبکہ 97,689لوگ اس سے متاثر ہیں -اس عالمی وبا کے مرکز چین میں اب تک 81,470 لوگوں کو کرونا وائرس سے متاثر ہونے کی تصدیق ہوئی ہے اور 3304 لوگوں کی اس وائرس کی زد میں آنے سے موت ہوچکی ہے -
اس وائرس کے سلسلے میں تیار کی گئی ایک رپورٹ کے مطابق چین میں ہوئی موت کے 80 فیصد معاملے ساٹھ برس سے زیادہ عمر کے لوگوں کے تھے -گزشتہ چوبیس گھنٹوں کے دوران کرونا وائرس کے سلسلے میں سب سے زیادہ سنگین صورت حال اٹلی اور اسپین سے سامنے آئی ہے - اسپین میں اس سے مرنے والوں کی تعداد بڑھ کر 7340 ہوگئی ہے -
تازہ اعدادوشمار کے مطابق اسپین میں کرونا سے متاثر لوگوں کی تعداد بڑھ کر 85,195 ہوگئی ہے - اس کے علاوہ فرانس اور ایران میں بھی صورت حال سنگین ہے - فرانس میں اب تک 40,174 لوگ اس سے متاثر ہیں جبکہ2,606 لوگوں کی موت ہوچکی ہے -ایران میں اس وائرس کی زد میں آکر مرنے والوں کی تعداد بڑھ کر 2757 ہوچکی ہے جبکہ 41495 لوگ اس وائرس سے متاثر ہوئے ہیں -ملک میں کورونا وائرس (کووڈ -19) سے اب تک 29 افراد کی موت ہو چکی ہے جبکہ متاثرین کی تعداد بڑھ کر 1071 ہو گئی ہے -
وزارت صحت کی پیر کی صبح جاری رپورٹ کے مطابق کورونا وائرس ملک کی 27 ریاستوں اور مرکز کے زیر انتظام علاقوں میں پھیل چکا ہے اور اب تک اس کے 1071کیسز کی تصدیق ہو چکی ہے - ان میں 49 غیر ملکی مریض بھی شامل ہیں -
کورونا وائرس کے انفیکشن سے ملک بھر میں اب تک 29 افراد کی موت ہوئی ہے جبکہ 100 لوگ صحت مند ہو چکے ہیں -کیرلا، مہاراشٹر، کرناٹک، تلنگانہ، گجرات، راجستھان، اترپردیش اور دہلی میں اب تک سب سے زیادہ کیسزسامنے آئے ہیں -
کورونا وائرس سے مہاراشٹر میں 8، گجرات میں 5، کرناٹک میں 3، دہلی میں 2، جموں و کشمیر میں 2، مدھیہ پردیش میں 2 اور کیرلا، بہار، پنجاب، ہماچل پردیش، تلنگانہ، تمل ناڈو اور مغربی بنگال میں ایک ایک شخص کی موت ہو چکی ہے -