کورونا کے سامنے پوری دنیا پست، ہلاکتوں کی تعداد 6.63 لاکھ سے متجاوز

Source: S.O. News Service | Published on 29th July 2020, 10:19 PM | ملکی خبریں | عالمی خبریں |

جنیوا / بیجنگ / نئی دہلی،29؍جولائی(ایس او نیوز؍ایجنسی) جان لیوا اور خوفناک عالمی وبا کورونا وائرس (کووڈ۔19) رکنے کا نام نہیں لے رہا ہے اور دنیا بھرمیں 1.66 کروڑ سے زائد افراد اس مہلک وبا سے متاثر ہوچکے ہیں، جبکہ 6.59 لاکھ سے زیادہ افراد اس سے ہلاک ہوچکے ہیں۔ کورونا وائرس کی موذی وباء نے دنیا بھر میں مسلسل اپنے خونخوار پنجے گاڑ رکھے ہیں، جس کے ناصرف مریضوں میں بلکہ اس سے اموات میں بھی ہر روز اضافہ ہو رہا ہے۔ دنیا بھر میں کورونا وائرس سے متاثرہ افراد کی تعداد 1 کروڑ 68 لاکھ 99 ہزار 9 تک جا پہنچی ہے، جبکہ اس موذی وائرس سے ہلاکتیں 6 لاکھ 63 ہزار 539 ہو گئیں۔ کورونا وائرس کے دنیا بھر میں57 لاکھ 73 ہزار 298 مریض اسپتالوں، قرنطینہ سینٹرز میں زیرِ علاج اور گھروں میں آئسولیشن میں ہیں، جن میں سے 66 ہزار 449 کی حالت تشویش ناک ہے جبکہ 1 کروڑ 4 لاکھ 62 ہزار 172 مریض صحت یاب ہو چکے ہیں۔

تادم تحریر امریکہ کورونا وائرس سے سب سے زیادہ متاثرہ ملک ہے جہاں ناصرف کورونا مریض بلکہ اس سے ہلاکتیں بھی اب تک دنیا کے تمام ممالک میں سب سے زیادہ ہیں۔ امریکہ میں کورونا وائرس سے اب تک 1 لاکھ 52 ہزار 320 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 44 لاکھ 98 ہزار 343 ہو چکی ہے۔ کورونا وائرس کے امریکہ میں 21 لاکھ 60 ہزار 129 مریض اسپتالوں، قرنطینہ سینٹرز میں زیر علاج اور گھروں میں آئسولیشن میں ہیں، جن میں سے 18 ہزار 992 کی حالت تشویش ناک ہے جبکہ 21 لاکھ 85 ہزار 894 کورونا مریض اب تک شفایاب ہو چکے ہیں۔

کورونا وائرس کے مریضوں کی تعداد کے لحاظ سے ممالک کی فہرست میں برازیل دوسرے نمبر پر ہے جہاں یہ وائرس 88 ہزار 634 زندگیاں نگل چکا ہے، جبکہ کوروناوائرس کے مریضوں کی تعداد 24 لاکھ 84 ہزار649 تک جا پہنچی ہے۔ ہندوستان میں بدھ کے روز صحت کی مرکزی وزارت کی جانب سے جاری تازہ ترین اعداد و شمار کے مطابق ایک دن میں 35286 افراد وائرس سے شفایاب ہوئے ہیں، جس سے صحت مند افراد کی مجموعی تعداد 988029 ہوگئی ہے۔ اسی عرصہ کے دوران ایکٹیو کیسز میں 12459 کے اضافہ سے مجموعی تعداد 509447 ہوگئی جبکہ ہلاکتوں کی مجموعی تعداد 34193 ہوچکی ہے۔ گزشتہ 24 گھنٹوں کے دوران متاثرہ افراد کی مجموعی تعداد 15.31 لاکھ کو عبور کر چکی ہے۔

*کورونا وائرس سے روس میں کل اموات 13 ہزار 504 ہو گئیں جبکہ اس کے مریضوں کی تعداد 8 لاکھ 23 ہزار 515 ہو چکی ہے۔

*جنوبی افریقہ میں کورونا وائرس کی وباء سے مجموعی اموات 7 ہزار 257 ہو چکی ہیں، جہاں اس وائرس کے اب تک کل کیسز 4 لاکھ 59 ہزار761 رپورٹ ہوئے ہیں۔

*میکسیکو میں کورونا وائرس سے مجموعی اموات کی تعداد 44 ہزار 876 ہو گئی جبکہ کورونا کے کیسز 4 لاکھ 2 ہزار 697 ہو گئے۔

*پیرو میں کورونا کے باعث 18 ہزار 612 ہلاکتیں اب تک ہو چکی ہیں جبکہ یہاں کورونا کیسز 3 لاکھ 95 ہزار 5 رپورٹ ہوئے ہیں۔

*چلی میں کورونا وائرس سے جاں بحق ہونے والوں کی تعداد 9 ہزار 240 ہو گئی جبکہ کورونا کے مجموعی کیسز 3 لاکھ 49 ہزار 800 ہو گئی ہے۔ اسپین میں کورونا وائرس کی وباء سے اموات 28 ہزار 436 ہو گئیں جبکہ اب تک اس کے 3 لاکھ 27 ہزار 690 مصدقہ متاثرین سامنے آئے ہیں۔ برطانیہ میں کورونا سے اموات کی تعداد 45 ہزار 878 ہوگئی ہے جبکہ کورونا کے کیسز کی تعداد 3 لاکھ 692 ہو چکی ہے۔

*ایران میں کورونا وائرس سے مرنے والوں کی کل تعداد 16 ہزار 147 ہو گئی جبکہ کورونا کے مجموعی کیسز 2 لاکھ 96 ہزار 273 ہو گئی ہے۔

*سعودی عرب میں کورونا وائرس سے اب تک مجموعی اموات 2 ہزار 789 رپورٹ ہوئی ہیں جبکہ مملکت میں اس کے مریضوں کی تعداد 2 لاکھ 70 ہزار 831 تک جا پہنچی ہے۔

*چین جہاں دنیا میں کورونا کا پہلا کیس سامنے آیا تھا وہاں کورونا وائرس پر کافی حد تک قابو پایا جا چکا ہے اور روزانہ صرف چند نئے کورونا مریض سامنے آتے ہیں جبکہ اس سے اموات میں کافی عرصے سے کوئی اضافہ سامنے نہیں آیا ہے۔ چین میں کورونا مریضوں کی تعداد 84 ہزار 60 ہو چکی ہے اور اس سے ہونے والی اموات کی تعداد 4 ہزار 634 پر رکی ہوئی ہے۔

*پڑوسی ملک پاکستان کورونا وائرس کے مریضوں کی تعداد کے حوالے سے ممالک کی فہرست میں 12 ویں نمبر پر ہے۔ اس ملک میں کورونا وائرس کے کیسز کی تعداد 2 لاکھ 76 ہزار 288 ہو چکی ہے۔

کولمبیا میں اب تک 257101 افراد متاثر ہوئے ہیں اور 8777 افراد لقمہ اجل بن چکے ہیں۔ یوروپی ملک اٹلی میں 246488 افراد اس مہلک وائرس سے متاثر ہوئے ہیں اور 35123 افراد لقمہ اجل بن چکے ہیں۔ بنگلہ دیش میں229185 افراد کورونا سے متاثر ہوئے ہیں، جبکہ 3000 افراد اس بیماری سے فوت ہو چکے ہیں۔ ترکی میں کورونا سے متاثر ہونے والوں کی تعداد 227982 ہوگئی ہے اور 5645 افراد لقمہ اجل بن چکے ہیں۔ فرانس میں کورونا وائرس متاثرین کی تعداد 221077 ہے اور 30226 افراد لقمہ اجل بن چکے ہیں۔ جرمنی میں 207707 افراد متاثر ہوئے ہیں اور 9131 افراد لقمہ اجل بن چکے ہیں۔

کورونا وائرس سے بیلجیئم میں 9822، کینیڈا میں 8957، نیدرلینڈ میں 6164، سویڈن میں 5702، ایکواڈور میں 5584،انڈونیشیا میں 4901 چین میں 4657، مصر میں 4691، عراق میں 4435، ارجنٹائنا میں 3179 بولیویا میں 2720، رومانیہ میں 2239 ہیں۔ سوئٹزرلینڈ میں 1978، فلپائن میں 1947، آئرلینڈ میں 1764، گوئٹے مالا میں 1782، پرتگال میں 1722، پولینڈ میں 1722، یوکرین میں 1650، پنامہ میں 1339، کرغزستان 1329 اور افغانستان میں 1270 افراد لقمہ اجل بن چکے ہیں۔

ایک نظر اس پر بھی

دہلی میں ای-گاڑی پالیسی کا اعلان، الیکٹرک گاڑیوں کی خریداری پر رعایت ملے گی

ہلی کی اروند کیجریوال حکومت نے دارالحکومت کو آلودگی سے پاک کرنے کے منصوبے کے تحت جمعہ کے روز ای- گاڑی پالیسی کو نافذ کرنے کا اعلان کیا، جس میں مختلف زمروں کی الیکٹرک گاڑیاں خریدنے کے لئے 30 ہزار سے لے کر 1.5 لاکھ روپے تک رعایت دی جائے گی۔

بے لگام میڈیا پر جمعیۃ کی عرضی: جب تک عدالت حکم نہیں دیتی حکومت خود سے کچھ نہیں کرتی: چیف جسٹس

مسلسل زہر افشانی کرکے اور جھوٹی خبریں چلاکر مسلمانوں کی شبیہ کوداغدار اور ہندوؤں اورمسلمانوں کے درمیان نفرت کی دیوارکھڑی کرنے کی دانستہ سازش کرنے والے ٹی وی چینلوں کے خلاف داخل کی گئی

دہلی فسادات: پروفیسر اپوروانند کی حمایت میں سامنے آئے ملک و بیرون ملک کے دانشوران

 ملک اور بیرون ملک کے ایک ہزار سے زائد معروف دانشوروں، نوکر شاہوں، صحافیوں، مصنفوں، ٹیچروں او اسٹوڈنٹس نے دہلی یونیورسٹی کے پروفیسر اپوروانند سے مشرقی دہلی میں فسادات کے معاملے میں پوچھ گچھ کئے جانے اور انکا موبائل فون ضبط کرنے کے واقعہ کی شدید مذمت کی ہے اور پولیس کے ذریعہ ...

کالعدم چینی کمپنیوں سے بی جے پی کے گہرے رشتے ہیں: کانگریس

 کانگریس نے الزام عائد کیا ہے کہ حکومت نے قومی سلامتی کے لیے خطرہ بتاتے ہوئے جن چینی کمپنیوں پر پابندی لگائی ہے ان میں سے کئی کے بھارتیہ جنتا پارٹی (بی جے پی) سے گہرے رشتے ہیں اور گزشتہ عام انتخابات میں ان کمپنیوں نے اس کے لیے تشہیری مہم کا کام کیا تھا۔

سری لنکا: عام انتخابات میں مہندا راج پکشے کی جماعت فتح یاب

سری لنکا کے وزیر اعظم مہندا راجپکشے کی زیرقیادت سری لنکا پڈوجانا پیرامونا (ایس ایل پی پی) نے پارلیمانی انتخابات میں زبردست فتح حاصل کی۔ ملک میں 225 نشستوں کے لئے ہونے والے پارلیمانی انتخابات میں ایس ایل پی پی نے 145 نشستوں پر جیت درج کرکے دو تہائی اکثریت حاصل کرلی ہے۔

لبنان: تین روزہ قومی سوگ کا آغاز، عالمی امداد بھی جاری

لبنان میں جہاں ایک طرف زبردست دھماکے کی وجوہات کی تفتیش جاری ہے وہیں جمعرات سے تین روزہ قومی سوگ کا آغاز ہوگیا ہے۔ بیروت میں ہونے والے دھماکے میں 135 افراد ہلاک ہوئے تھے۔لبنان کے دارالحکومت بیروت میں منگل کے روز ہونے والے بم دھماکے سلسلے میں حکومت نے جس تین روزہ سوگ کا اعلان کیا ...

عالمی ادارہ صحت نے کہا؛ سماجی فاصلہ برقرار نہ رکھنے سے بڑھ رہے ہیں کورونا کے معاملات، نوجوان مریضوں کی تعداد میں تین گنا اضافہ

عالمی ادارہ صحت (ڈبلیو ایچ او) کا کہنا ہے کہ سماجی فاصلہ برقرار نہ رکھنے کی وجہ سے گزشتہ پانچ ماہ کے دوران کرونا وائرس سے متاثرہ نوجوانوں کی تعداد میں تین گنا اضافہ ہوا ہے۔ڈبلیو ایچ او کی رپورٹ کے مطابق فروری کے آخر سے لے کر جولائی کے وسط تک، کرونا وائرس کا شکار ہونے والے 60 لاکھ ...

جاپانی ماہرین کا کورونا وائرس کی وبا پر قابو پانے کے لئے سوپر کمپیوٹر کے استعمال کا اعلان

کورونا وائرس کی روکتھام کے اقدامات سے متعلق جاپان کے انچارج وزیر نیشی مورا یاسوتوشی نے امید ظاہر کی ہے کہ حکومت، مصنوعی ذہانت اور دیگر ٹیکنالوجیز کو بروئے کار لاتے ہوئے، انفیکشنز پر قابو پانے کے نئے موثر اقدامات دریافت کرنے میں، رواں ماہ کے آخر تک کامیاب ہو جائے گی۔ جاپانی ...