بھٹکل 4/جولائی (ایس او نیوز) بھٹکل کے آج جن 16 لوگوں کی رپورٹ کورونا  پوزیٹیو آئی ہے، اُن میں سے تین لوگ دبئی سے آئے ہوئے لوگ ہیں، آٹھ لوگ وجئے واڑہ ،  تین لوگ  اُترپردیش  اور مہاراشٹرا سے لوٹا ہوا ایک شخص بھی آج کی لسٹ میں شامل ہیں۔

ذرائع نے بتایا کہ دبئی سے  لوٹے ہوئے جن تین لوگوں کی رپورٹس  آج  پوزیٹیو آئی ہے، یہ لوگ ہوم کورنٹائن میں تھے اور دوسری مرتبہ  ان کے سیمپل جانچ کے لئے روانہ کئے گئے تھے، حالانکہ  سرکاری کورنٹائن  مکمل کرنے کے بعد  اور  گھر روانہ کرنے سے پہلے ان کے سیمپل کی جانچ کی جاچکی  تھی اور رپورٹ نیگیٹیو آچکی تھی، مگر دوسری مرتبہ  جانچ کرنے پر   ان کی رپورٹ پوزیٹیو آئی ہے۔ ان میں 33 سالہ شخص،  22 سالہ لڑکی اور  42 سالہ شخص شامل ہیں۔ یاد رہے کہ  2/جولائی کو بھی بھٹکل کے  جن 11 لوگوں کی رپورٹ پوزیٹیو آئی تھی، اُن میں سے نو لوگ بھی دبئی سے لوٹ کر آئے ہوئے لوگ تھے جن کی ابتدائی رپورٹ نیگیٹیو آنے کے بعد دوبارہ جانچ کرنے پر رپورٹ پوزیٹیو آئی تھی۔

آج پوزیٹیو آنے والوں میں وجئے واڑہ سے لوٹے ایک ہی خاندان کے سات لوگ بھی شامل ہیں جن میں  آٹھ سالہ لڑکی، دو سالہ بچی، 28 سالہ شخص، 15 سالہ لڑکا، 13 سالہ لڑکی، 4 سالہ لڑکا اور 2 سالہ بچہ شامل ہیں، اسی طرح وجئے واڑہ سے لوٹنے والوں میں ایک  36 سالہ خاتون کی رپورٹ بھی پوزیٹیو آئی ہے۔ مہاراشٹرا سے لوٹنے والے 47 سالہ شخص، اُترپردیش سے لوٹنے والے 18، 22 اور 35 سالہ شخص  کی بھی رپورٹس آج پوزیٹیو آئی ہے۔