کورونا پازیٹو خاتون نے بچی کو جنم دیا، دنیا میں پانچواں اور ہندوستان میں دوسرا کیس
اورنگ آباد،19؍اپریل (ایس او نیوز؍یو این آئی) کوویڈ -19 بیماری کی ایک مصدقہ حاملہ خاتون نے آج اورنگ آباد کے اسپتال میں ایک صحت مند بچی کو جنم دیا۔ کورونا وائرس کا شکار اس حاملہ خواتین کے ذریعے بچے کی پیدائش کا دنیا میں یہ پانچواں اور ہندوستان میں دوسرا کیس ہے۔ شہر کے چکل ٹھانہ علاقہ میں سیول اسپتال میں ڈاکٹروں نے عمل جراحی کے ذریعے یہ عمل انجام دیا۔
یہ خاتوں کچھ دنوں قبل اپنے شوہر اور ایک 17 سالہ لڑکے کے ہمراہ زچگی کے لیے ممبئ سے بذریعے ایمبولنس اورنگ آباد آئی تھی۔ یہاں آنے کے بعد ان تینوں کی جانچ کی گئی۔ 17سالہ لڑکے کی رپورٹ مثبت آئی تھی۔اور بعد میں اس خاتوں کی رپورٹ بھی مثبت آئی۔
کوویڈ -19 کی اس مصدقہ مریض کی زچگی ڈاکٹرس کے لیے چیلنج تھی۔ آج عمل جراحی کے ذریعے ڈاکٹر کملاکر مدکھیڑکر ، ڈاکٹر کویتا جادھو، ڈاکٹر پی ایم کلکرنی، ڈاکٹر بھارتی ناگرے، ماہر اطفال ڈاکٹر سوریکھا ڈھپلے، ڈاکٹر جیوتی درونٹے، اور ڈاکٹر آشا میری تھامس نے اس عمل کو بخوبی انجام دیا گیا۔ اور ایک صحت مند بچی کی پیدائش کو یقینی بنایا۔