کورونا انفیکشن نے عالمی سطح پر نئی اونچائیوں کو چھوا، متاثرین کی تعداد ایک کروڑ کے پار

Source: S.O. News Service | Published on 30th June 2020, 10:29 PM | ملکی خبریں | عالمی خبریں |

جنیوا؍نئی دہلی؍بیجنگ،30؍جون(ایس او نیوز؍ایجنسی) عالمی وباء کورونا وائرس کے پھیلاؤ میں اضافہ ہوتا جارہا ہے اور اس بیماری سے متاثرہ افراد کی تعداد دنیا بھر میں 1.02 کروڑ ہوگئی ہے اور تعداد اموات کی تعداد بھی پانچ سے زیادہ ہوگئی ہے۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ تازہ ترین اعداد و شمار کے مطابق، دنیا بھر میں کورونا سے متاثرہ افراد کی تعداد 10275599 تک جا پہنچی ہے جبکہ 504830 افراد اپنی زندگی سے ہاتھ دھو بیٹھے ہیں۔

کووڈ-19 کے معاملے میں، امریکہ دنیا بھر میں پہلے، برازیل دوسرے اور روس تیسرے نمبر پر ہے۔ دوسری طرف اس وبا کی وجہ سے تعداد اموات کے لحاظ سے ، امریکہ پہلے، برازیل دوسرے اور برطانیہ تیسرے نمبر پر ہے۔ ہندوستان میں گذشتہ 24 گھنٹوں کے دوران، کورونا انفیکشن کے 18522 نئے کیس رپورٹ ہوئے ہیں اور اب متاثرین کی کل تعداد 566840 ہوگئی ہے۔ اسی مدت کے دوران کورونا وائرس کی وجہ سے 418 اموات کے ساتھ تعداد اموات 16893 ہوگئی ہے۔ اس وقت ملک میں کورونا کے 215125 فعال معاملے ہیں اور اب تک 334822 افراد اس وبا سے صحت یاب ہوئے ہیں۔ انفیکشن کے معاملے میں ہندوستان دنیا کے سب سے زیادہ متاثرہ ممالک کی فہرست میں چوتھے نمبر پر ہے۔

عالمی سپر پاور مانے جانے والے امریکہ میں اب تک 2587154 افراد کورونا سے متاثر اور 126127 افراد ہلاک ہوچکے ہیں۔ برازیل میں اب تک 1368195 افراد اس کا شکار ہوچکے ہیں جبکہ 58314 افراد لقمہ اجل بن چکے ہیں۔ روس میں بھی کووڈ 19 کی وبا رکنے کا نام نہیں لے رہی ہے اور 641156 افراد متاثر ہوئے ہیں اور یہاں پر انفیکشن کی وجہ سے اب تک 9152 اپنی زندگیوں سے ہاتھ دھو بیٹھے ہیں۔ اس انفیکشن کی وجہ سے برطانیہ میں صورتحال مزید خراب ہوتی جارہی ہے۔ اب تک 311965 افراد اس وبا سے متاثر ہوچکے ہیں اور 43575 افراد لقمہ اجل بن چکے ہیں۔

پیرو اور چلی انفیکشن کے معاملے میں دنیا میں بالترتیب چھٹے اور ساتویں نمبر پر ہیں۔ پیرو میں متاثرہ افراد کی تعداد 282365 ہے اور ہلاک ہونے والوں کی تعداد 9504 ہے۔ چلی میں اب تک 275999 افراد کورونا وائرس سے متاثر ہوچکے ہیں اور ہلاک ہونے والوں کی تعداد 5575 ہے۔ اسپین میں اب تک 248970 افراد متاثر ہوئے ہیں جبکہ 28346 افراد لقمہ اجل بن چکے ہیں۔ یوروپی ملک اٹلی میں اس وبا نے بہت تباہی مچا ئی ہے۔ یہاں اب تک 240436 افراد کووڈ ۔19 سے متاثر ہوئے ہیں اور 34744 افراد ہلاک ہوچکے ہیں۔

خلیجی ملک ایران میں جو کورونا وائرس سے شدید متاثر ہے، متاثرہ افراد کی تعداد بڑھ کر 225205 ہوگئی ہے اور 10670 افراد لقمہ اجل بن چکے ہیں۔ کورونا انفیکشن کے معاملے میں میکسیکو فرانس سے آگے نکل گیا ہے اور متاثرہ افراد کی تعداد 220657 تک جا پہنچی ہے اور اب تک اس وائرس کی وجہ سے 27121 افراد ہلاک ہوچکے ہیں۔ یوروپی ملک فرانس میں، کورونا وائرس کی وجہ سے صورتحال کافی خراب ہے۔

پڑوسی ملک پاکستان میں کورونا متاثرین کی تعداد دو لاکھ سے تجاوز کر گئی ہے۔ اب تک یہاں 206512 افراد متاثر ہوئے ہیں اور 4167 افراد فوت ہوگئے ہیں۔ فرانس میں اب تک 201522 افراد متاثر ہوئے ہیں اور 29816 افراد لقمہ اجل بن چکے ہیں۔ ترکی میں کورونا متاثرین کی تعداد بڑھ کر 198613 ہوگئی ہے اور 5115 افراد ہلاک ہوگئے ہیں۔ جرمنی میں 193761 افراد متاثر ہوئے ہیں اور 8961 افراد لقمہ اجل بن چکے ہیں۔

چین جو دنیا میں عالمی وبا کے پھیلا کا مرکز سمجھا جاتا ہے، اب تک 83531 افراد متاثر اور 4643 افراد فوت ہوچکے ہیں۔ کورونا وائرس نے بلجیم میں 9732، کناڈا میں 8566، نیدرلینڈ میں 6107، سویڈن میں 5310، ایکواڈور میں 4502، سوئٹزرلینڈ میں 1956، آئرلینڈ میں 1735 اور پرتگال میں 1568 افراد ہلاک ہوئے ہیں۔

ایک نظر اس پر بھی

بہار: اسمبلی انتخاب میں نوجوان ووٹر ہی کریں گے امیدواروں کی قسمت کا فیصلہ

اس بار اسمبلی انتخابات میں نوجوان ووٹروں  کی ایک بڑی تعداد اپنی  حق رائے دہی کا استعمال کرنے جارہی ہے۔ الیکشن کمیشن نے زیادہ سے زیادہ ووٹروں  کی تعداد میں 18 سال کی عمر کو عبور کرنے والے ووٹروں  کو اندراج کرنے کے لئے ایک مہم کا آغاز کیا ہے۔ انٹرنیٹ پر بھی نام شامل کیے جارہے ...

ممبئی پولیس نے عدالت کو بتایا- تبلیغی جماعت کے 20 غیر ملکی اراکین کے خلاف درج کیسز لئے جائیں گے واپس

ممبئی پولیس میں تبلیغی جماعت سے منسلک ایک معاملے میں ممبئی پولیس نے مقامی عدالت کو بتایا ہےکہ اندھیری میں 20 غیر ملکی شہریوں کے خلاف درج قتل اورقتل کی کوشش کا معاملہ واپس لیا جائے گا۔

اپوزیشن کی شدید مخالفت کے درمیان راجیہ سبھا میں زراعتی اصلاحات کا بل منظور

راجیہ سبھا میں آج اپوزیشن کے شدید ہنگامے کے درمیان زراعتی اصلاحات سے متعلق دو بل 'کسانوں کی پیداوار کے کاروبار اور تجارت (فروغ اور سہل کاری) بل 2020' اور 'کسان (تفویض اختیار اور تحفظ) کو قیمت کی یقین دہانی اور زراعتی خدمات کا معاہدہ بل، 2020 کو صوتی ووٹ کے ذریعہ منظور کیا گیا اوراس ...

شوپیان تصادم میں فوجی تحقیقات سے اجنبیت کے احساس میں نمایاں کمی ہوگی: الطاف بخاری

 جموں و کشمیر اپنی پارٹی کے صدر سید محمد الطاف بخاری نے کہا ہے کہ شوپیاں انکاونٹر کی تحقیقات میں فوج کا یہ اعتراف کرنا کہ ضابطہ اخلاق اور فوجی قوانین کی خلاف ورزی ہوئی ہے، اعتماد کے فقدان اور جموں وکشمیر کے لوگوں میں اجنبیت کے احساس میں نمایاں کمی لائے گا۔

ملک میں کورونا کیسز کی مجموعی تعداد 54 لاکھ سے تجاوز، اب تک 86 ہزار سے زیادہ ہلاک

 ملک میں خوفناک عالمی وبا کورونا وائرس کے بڑھتے قہر کے درمیان گزشتہ 24 گھنٹوں کے دوران وبا کے 92 ہزار سے زائد نئے کیسز کی آمد کے بعد متاثرین کی مجموعی تعداد 54 لاکھ سے تجاوز کر گئی جبکہ اسی عرصہ میں 94 ہزار سے زائد مریض شفایاب ہوئے ہیں۔

لیبیا : فائز السراج اکتوبر کے اختتام تک اقتدار سے دست بردار ہونے کے لیے تیار

لیبیا میں وفاق حکومت کی صدارتی کونسل کے سربراہ فائز السراج نے اعلان کیا ہے کہ وہ آئندہ ماہ اکتوبر کے اختتام تک اقتدار سے دست بردار ہونے اور اپنی ذمے داریاں ایگزیکٹو اتھارٹی کے حوالے کرنے کی خواہش رکھتے ہیں۔ ...

سمندری طوفان 'سیلی' امریکی ساحل سے ٹکرا گیا، شدید بارشوں کی پیشن گوئی

سمندری طوفان 'سیلی' بدھ کی صبح امریکی ریاست الاباما کے ساحلی قصبوں سے ٹکرا گیا۔ اپنے ساتھ تند و تیز ہوائیں اور شدید بارشیں لانے والے طوفان کے متعلق موسمیات کے ماہرین نے خبردار کیا ہے کہ وہ خلیجی ساحل کے کئی علاقوں میں بڑے پیمانے پر تباہی اور سیلاب لا سکتا ہے۔ ...

امن مذاکرات کے باوجود افغانستان میں طالبان کے حملوں میں 17 ہلاکتیں

دوحہ میں افغان حکومت اور طالبان کے وفود کے درمیان امن مذاکرات کے دوران طالبان افغانستان کے اندر بدستور اپنی عسکری کارروائیاں جاری رکھے ہوئے ہیں۔ ملک کے شمالی حصے میں گزشتہ 24 گھنٹوں میں مختلف واقعات میں کم از کم 17 افراد ہلاک ہو چکے ہیں۔ ...