کیاکرناٹکا میں قابو میں آرہا ہے کورونا ؟ پانچ ہزار سے زائد معاملات آنے کا سلسلہ جاری،اُڈپی اور مینگلور میں ایک ہی دن دس اموات

Source: S.O. News Service | By I.G. Bhatkali | Published on 1st August 2020, 11:58 PM | ساحلی خبریں | ریاستی خبریں |

بنگلور یکم اگست (ایس او نیوز)  کرناٹک میں آج پھر ایک بار پانچ ہزار سے زائد کورونا کے معاملات درج کئے گئے  البتہ  آج بنگلور میں  کورونا سے متاثرہ  لوگوں کی تعداد جو کافی دنوں سے  دو ہزار کو پار کررہی تھی، آج دو ہزار  سے  گھٹ گئی۔ راحت کی دوسری خبر یہ بھی رہی کہ آج ایک ہی دن 3860 لوگ ڈسچارج بھی ہوئے۔

محکمہ صحت کی جانب سے جاری بلٹین کے مطابق آج کرناٹک کے مختلف اضلاع سے جملہ  5172 نئے معاملات درج کئے گئے جس میں بنگلور کی تعداد 1852 رہی۔ ریاست کے مختلف اضلاع میں آج جملہ 98 اموات بھی درج کی گئی جس میں صرف بنگلور سے 27 لوگ اور ساحلی اضلاع اُڈپی اور دکشن کنڑا سے  دس لوگ شامل رہے۔

کورونا کے معاملات میں  بنگلور کے بعد دوسرے نمبر پر میسور ہے جہاں آج  365 نئے معاملات درج کئے گئے، جبکہ آج یہاں نو لوگوں کی موت بھی واقع ہوئی۔ بلاری میں 269، کلبرگی اور  بیلگاوی میں 219 اور دھارواڑ، ہاسن اور  دکشن کنڑا میں بالترتیب 184، 146 اور 139 کی رپورٹ پوزیٹیو رہی۔

ساحلی اضلاع میں بھی عوام کو سختتشویش:   ایک طرف بنگلور میں کورونا سے لوگ پریشان ہیں تو ساحلی اضلاع اُڈپی اور دکشن کنڑا میں بھی عوام میں کورونا کے بڑھتے معاملات کو لے کر تشویش بڑھتی جارہی ہے۔اُڈپی اور مینگلور دو جڑواں شہروں میں آج کورونا سے دس لوگوں کی موت  ریکارڈ کی گئی۔ بتایا گیا ہے کہ صرف مینگلور میں ہی آج چار لوگوں کی موت ہوئی جبکہ اُڈپی میں  چھ لوگوں کی  موت ہوئی۔

مینگلور سے ملی اطلاع کے مطابق آج وینلاک اسپتال اور دیگر پرائیویٹ اسپتالوں  سے کورونا سے متاثرہ  54 لوگ صحت مند ہوکر ڈسچارج بھی ہوئے ہیں۔ دکشن کنڑا میں آج  جو 139 معاملے سامنے آئے اُس میں 91 معاملات صرف مینگلور شہر کے بتائے گئے ہیں۔ بنٹوال کے 19، بیلتنگڈی کے 14،  پتور کے 9 اور 6 دوسرے اضلاع سے آئے ہوئے لوگوں کے ہیں۔

اُڈپی سے ملی  اطلاع کے مطابق  4875 لوگوں نے 28 دنوں کا کورنٹائن مکمل کیا، جبکہ اتنی ہی تعداد کے لوگوں نے 14 دنوں کو کورنٹائن بھی مکمل کیا۔ اب تک 1316 لوگ ہوم کورنٹائن میں ہیں، 306 لوگ ایسولیشن وارڈ میں ہیں جس میں آج کے تازہ 30 پوزیٹیو آنے والے لوگ بھی شامل ہیں۔ آج اُڈپی کے اسپتالوں سے 35 لوگ ڈسچارج ہوئے جس کے ساتھ ایسولیشن وارڈس سے ڈسچارج ہونے والوں کی تعداد بڑھ کر 1647 ہوگئی۔ آج اُڈپی میں جو 136 پوزیٹیو کیسس کی تصدیق ہوئی ہے اس میں 70 مرد اور 66 عورتیں ہیں، اس میں 65 اُڈپی تعلقہ سے، 37 کنداپور سے اور 33 کارکلا سے ہے۔ داونگیرے سے تعلق رکھنے والا ایک شخص بھی آج ایک پرائیویٹ اسپتال میں داخل ہوا ہے۔

ایک نظر اس پر بھی

کیرالہ میں پیش آیا چٹان کھسکنے کا خطرناک حادثہ۔ 15ہلاک اور60سے زائدافراد ہوگئے لاپتہ۔ ملبے میں دب گئیں 30جیپ گاڑیاں 

کیرالہ کے مشہور تفریحی مقام ’مونار‘ سے قریب ’ایڈوکی‘ میں چٹان کھسکنے کا ایک خطرناک حادثہ پیش آیا جس میں تاحال 15افراد ہلاک ہونے اور 60سے زیادہ لوگ لاپتہ ہونے کے علاوہ 30جیپ گاڑیاں چٹان کے ملبے میں دب کر رہ جانے کی خبر ہے۔

کیرالہ میں پیش آیا چٹان کھسکنے کا خطرناک حادثہ۔ 15ہلاک اور60سے زائدافراد ہوگئے لاپتہ۔ ملبے میں دب گئیں 30جیپ گاڑیاں 

کیرالہ کے مشہور تفریحی مقام ’مونار‘ سے قریب ’ایڈوکی‘ میں چٹان کھسکنے کا ایک خطرناک حادثہ پیش آیا جس میں تاحال 15افراد ہلاک ہونے اور 60سے زیادہ لوگ لاپتہ ہونے کے علاوہ 30جیپ گاڑیاں چٹان کے ملبے میں دب کر رہ جانے کی خبر ہے۔

کورونا کی وبا اور دعوت رجوع الی اللہ، اس عنوان کے تحت جماعت اسلامی ہند، کرناٹک کی 15 روزہ مہم کا آغاز

  کورونا کی وبا سے اس وقت پوری انسانیت پریشان ہے۔ اس مرض کا مقابلہ کرنے کیلئے حفاظتی اور احتیاطی تدابیر اختیار کرتے ہوئے لوگ اپنے رب سے رجوع ہوں۔ کورونا جیسی بیماریوں پر قابو پانے کیلئے طبی علاج کے ساتھ روحانی اور اخلاقی طاقت کا ہونا بھی ضروری ہے۔

کرناٹک سے 40 امیدوار سیول سرویسز امتحان میں کامیاب

کرناٹک سے زائداز 40 امیدواروں نے 2019 کے یونین پبلک سرویس کمیشن (یو پی ایس سی ) سیول سرویس امتحان میں کامیابی حاصل کی اور اب آئی اے ایس ، آئی ایف ایس اور آئی پی ایس اور دیگر میں ملازمت حاصل کریں گے۔