بھٹکل میں کورونا دھماکہ - ایک ہی دن میں 50 معاملے آئے سامنے ۔ سینٹ تھامس اسکول کے 17 طلبہ پوزیٹیو ۔ کوٹیباگیل میں لگیں پابندیاں 

Source: S.O. News Service | Published on 17th January 2022, 2:37 PM | ساحلی خبریں |

بھٹکل ،17؍ جنوری (ایس او نیوز) کل اتوار کو ایک ہی دن  51 کووڈ پوزیٹیو معاملات کے ساتھ بھٹکل تعلقہ میں اچانک کورونا دھماکہ سامنے آیا ہے۔ جس کے  بعد محکمہ صحت نے احتیاط اور چوکسی تیز کر دی ہے

شیرالی کے کوٹیباگیل میں واقع سینٹ تھامس اسکول کے 17 طلبہ کووڈ پوزیٹیو ثابت ہونے کے بعد محکمہ صحت، ریوینیواور پولیس نے اسکول پہنچ  کر جائزہ لیا ۔ محکمہ تعلیمات کے بلاک ایجوکیشن آفیسر نے ڈی ڈی پی آئی کو رپورٹ بھیج دی جس کے بعد چھٹی کا اعلان کرتے ہوئے اسکول کو بند کرنے کی سفارش روانہ کی ہے۔  اس کے علاوہ ایک اور اسکول میں 5 سے زائد طلبہ کی رپورٹ پوزیٹیو نکلی ہے اور وہاں  بھی طلبہ کو چھٹی دینے کے امکانات نظر آ رہے ہیں ۔

شیرالی کے کوٹیباگیل علاقے میں ایک نرس اور دیگر 4-5 افراد میں بھی کووڈ پوزیٹیو نکلنے کے بعد سینٹ تھامس اسکول کے اطراف 100 میٹر کے احاطہ میں احتیاطی پابندیاں لگاتے ہوئے چوکسی سخت کردی گئی ہے ۔ بھٹکل شہر میں انجمن اسکول کے تین اساتذہ کی کورونا جانچ  رپورٹ بھی پوزیٹیو آئی ہے ، جبکہ ٹاون پولیس اسٹیشن کے ایک کانسٹیبل کی رپورٹ پوزیٹیو آئی ہے ۔ مذکورہ کانسٹیبل کے رابطہ میں آنے والے 4 پولیس اہلکاروں کو کوارنٹین میں بھیجا گیا ہے ۔

بھٹکل تعلقہ میں کورونا کے اعداد و شمار میں اچانک اضافہ  کورونا پر قابو پانے میں مصروف سرکاری محکمہ جات بالخصوص محکمہ صحت کے لئے  تشویش کا سبب بن گیا ہے ۔ اسی وجہ سے شہر میں احتیاطی تدابیر پر عمل پیرائی کے سلسلے میں سختی شروع ہوگئی ہے ۔
    

ایک نظر اس پر بھی

اُڈپی - کنداپور نیشنل ہائی وے پر حادثہ - بائک سوار ہلاک

اڈپی - کنداپور نیشنل ہائی وے پر پیش آئی  بائک اور ٹرک کی ٹکر میں  بائک سوار کی موت واقع ہوگئی ۔     مہلوک شخص کی شناخت ہیرور کے رہائشی  کرشنا گانیگا  کی حیثیت سے کی گئی ہے جو کہ اُڈپی میونسپالٹی میں الیکٹریشین کے طور پر ملازم تھا ۔

بھٹکل، ہوناور، کمٹہ میں سنیچر کے دن بجلی منقطع رہے گی

ہیسکام کی طرف سے جاری پریس ریلیز کے مطابق ہوناور، مرڈیشور اور کمٹہ سب اسٹیشنس کے علاوہ مرڈیشور- ہوناور اور کمٹہ - سرسی 110 کے وی لائن میں میں مرمت ، دیکھ بھال،جمپس کو تبدیل کرنے کا کام رہنے کی وجہ سے مورخہ 20 اپریل بروز سنیچر صبح 9 بجے سے دوپہر 2 بجے تک بھٹکل، ہوناور اور کمٹہ تعلقہ ...

اڈپی - چکمگلورو حلقے میں عمر رسیدہ افراد، معذورین نے اپنے گھر سے کی ووٹنگ

جسمانی طور پر معذوری اور عمر رسیدگی کی وجہ سے پولنگ اسٹیشن تک جا کر ووٹ ڈالنا ممکن نہ ہونے کی وجہ سے 1,407 معذورین اور 85 سال سے زیادہ عمر کے 4,512 افراد نے   کرنے کے بجائے اپنے گھر سے ہی ووٹنگ کی سہولت کا فائدہ اٹھایا ۔ 

بھٹکل میں کوآپریٹیو سوسائٹی سمیت دو مقامات پر چوری کی واردات

شہر کے رنگین کٹّے علاقے میں واقع ونائیک کو آپریٹیو سوسائٹی کے علاوہ دیہی پولیس تھانے کے حدود میں ایک دکان اور مرڈیشور بستی مکّی کے ایک سروس اسٹیشن میں سلسلہ وار چوری کی وارداتیں انجام دیتے ہوئے لاکھوں روپے نقدی لوٹی گئی ہے ۔