منگلورو04/جون (ایس او نیوز)سرکاری سطح پرکووِڈ 19کی وباء پر قابو پانے کے لئے ابتدا میں جوسخت اقدامات کیے جارہے تھے، اب بدلتے ہوئے حالات کے ساتھ ان میں نرمی لانے کا کام مسلسل ہورہا ہے۔

 پہلے کسی علاقے میں کووِڈ پوزیٹیو کا معاملہ سامنے آنے پر اس کے گھر سے 200میٹر تک کا علاقہ سیل ڈاؤن اوردو تا پانچ کلو میٹر تک کے علاقے کو کنٹینمنٹ اوربفر زون وغیرہ میں تبدیل کیا جاتا تھا۔میڈیکل ایجوکیشن کے وزیر ڈاکٹر کے سدھا کر نے بتایا ہے کہ اب اس قانون میں ترمیم کی گئی ہے، اور آئندہ جب کوئی کیس پوزیٹیو نکلے گاتو صرف مریض کے گھر کو ہی سیل ڈاؤن کیا جائے گا۔

انہوں نے کہا کہ ریاست میں مہاراشٹرا سے آنے والے تمام افراد کی طبی جانچ کی جاتی تھی اب اس کے بعد جن افراد میں مرض کی علامات موجود ہوں گے، صرف انہی کے گلے سے تھوک کے نمونے حاصل کرکے لیباریٹری میں  جانچ کے لئے بھیجے جائیں گے۔