بھٹکل :12؍جولائی  (ایس اؤ نیوز) آگ چھو جانے سے پکوان گیس سلینڈر  پھٹ پڑنے سے ایک شخص شدید زخمی ہوکر اسپتال میں زیر علاج ہونے کا واقعہ جمعرات کی رات  تعلقہ کے اترکوپا گرام پنچایت حدود میں پیش آیا ہے۔

سلینڈر دھماکے میں شدید زخمی ہونے والے کی شناخت اترکوپا وندلسے کے مکین انیس اینتھونی (35)بتائی گئی ہے۔ کیرلا سے تعلق رکھنے والے سیجو کے گھر میں ربر شیٹھ ملاز م ہے۔ گھر میں لگی آگ بجھانے جانے کے دوران سلینڈر پھٹ پڑنے سے حادثہ پیش آیا ہے۔ دھماکے سے گھر کی دیواریں ، چھت گرگیا ہے۔ گھر میں موجود چار پانچ لوگ خطرے عافیت پائے ہیں۔ گھر کے ساز وسامان بکھرے پڑے ہیں۔ گھرمالک سیجو نے ساحل آن لائن سے بات کرتے ہوئے کہاکہ گھر میں جب سلینڈر دھماکہ کا حادثہ ہواتو میں گھر میں نہیں تھا، بیٹی بیمار ہونے کی وجہ سے باہر چلا گیا تھا۔ آگ لگنے کی وجہ ابھی تک سمجھ میں نہیں آئی ، بارش ہونے سے ہمارے لئے پریشانی ہونے کی بات کہی ۔ مرڈیشور پولس جائے وقوع پہنچ کر معائنہ کیا ہے۔