حکومتی موقف کے برعکس جواد ظریف امریکا سے جامع مذکرات کے حامی

Source: S.O. News Service | Published on 24th January 2021, 9:03 PM | عالمی خبریں |

تہران،24جنوری (آئی این ایس انڈیا)  ایران کے وزیر خارجہ محمد جواد ظریف نے کہا ہے کہ امریکا کے ساتھ جامع مذاکرات ممکن ہیں۔ ان کا کہنا ہے کہ ایران کے جوہری پروگرام کے علاوہ امریکا کے ساتھ تمام حل طلب مسائل پر بات چیت کی جاسکتی ہے۔ خیال رہے کہ ایرانی حکومت امریکا کے ساتھ مذاکرات سے انکار کرتی رہی ہے۔

ایران کے فارسی اخبار'اعتماد' کو دیئے گیے ایک انٹرویو میں جواد ظریف نے کہا کہ امریکی انتظامیہ کے ساتھ جامع اور تمام حل طلب مسائل پر مذاکرات ممکن ہیں۔ان کا کہنا تھا کہ ایران امریکا کے ساتھ تیل، خلیجی ممالک کی سلامتی اور افغانستان میں امن سمیت تمام مسائل پر بات کر سکتا ہے۔

تاہم جواد ظریف نے واضح کیا کہ امریکا کے ساتھ مذاکرات ان کی ذاتی رائے ہے۔ یہ حکومت کاموقف نہیں۔ ان کا کہنا تھا کہ ہمیں امریکا کے ساتھ تعلقات کو حتمی شکل دینا چاہیے۔

جواد ظریف نے کہا کہ ٹرمپ کی اقتدار سے سبکدوشی کے بعد امریکا کے لیے جوہری معاہدے میں واپسی اور تعلقات کی بحالی کا موقع موجود ہے۔

مشرق وسطیٰ میں ایران نواز مسلح جماعتوں کی مدد کے بارے میں پوچھے گئے ایک سوال کے جواب میں جواد ظریف کا کہنا تھا کہ ایران صرف ترقیاتی منصوبوں کے لیے مختلف تنظیموں کی مدد کررہا ہے اور یہ امداد امریکی خارجہ پالیسی کے مفادات کا حصہ ہے۔ امداد لینے والی تنظیمیں خطے میں ایران کی آلہ کار نہیں ہیں۔

جواد ظریف کا یہ بیان ایک ایسے وقت میں آیا ہے جب ذرائع ابلاغ میں آنے والی خبروں میں بتایا گیا ہے کہ ایران نے سنہ 2012ء کے بعد شام میں اسد رجیم کا اقتدار بچانے کے لیے اسے 16 ارب ڈالر کی رقم دی جب کہ عراق، یمن، لبنان اور فلسطین میں عسکریت پسندوں کوبھی اربوں ڈالر دیے گئے۔

عالمی ذرائع ابلاغ کی رپورٹس کے مطابق ایران لبنانی حزب اللہ کو سالانہ 20 کروڑ ڈالر80 کروڑ 30 لاکھ ڈالر کے درمیان رقم فراہم کرتا رہا ہے۔ اسی طرح گذشتہ برسوں کےدوران فلسطینی تنظیم 'حماس' اور اسلامی جہاد کو 60 سے 70 ملین ڈالر کی رقم فراہم کرتا رہا ہے۔

ایک نظر اس پر بھی

طالبان نےالقاعدہ سے ناتانہیں توڑا،امریکا حملوں کے جواب کا حق محفوظ رکھتا ہے:جنرل میکنزی

امریکا کی مرکزی کمان کے سربراہ جنرل کینتھ میکنزی نے خبردار کیا ہے کہ امریکا اپنے انتخاب کے مطابق کسی بھی وقت اور کسی بھی جگہ پر حملوں کا جواب دینے کا حق محفوظ رکھتا ہے۔ان کا کہنا ہے کہ امریکا کی پہنچ بہت دور دور تک ہے۔

ایران : شوہر کی قاتل خاتون کی ’لاش‘ کو پھانسی دینے کا عجیب و غریب واقعہ

 سزائے موت سے قبل دل کا دورہ پڑنے سے انتقال کر جانے والی خاتون زہرہ اسماعیلی کو ایران میں پھانسی دے دی گئی ہے۔ غیر ملکی میڈیا رپورٹوں کے مطابق 42 سالہ زہرہ اسماعیلی کو اپنے شوہر کے قتل کے جرم میں سزائے موت دی گئی تھی، زہرہ اسماعیلی کو شرعی قانون قصاص کے تحت سزائے موت دی گئی ہے۔