بھٹکل: 26؍اکتوبر(ایس اؤ نیوز)تعلقہ میں گذشتہ پانچ دنوں سے جاری بارش کا زور آج سنیچر کو کم ہوگیا، البتہ جمعہ کی شب کو تعلقہ میں مسلسل بارش برسنے کی وجہ سے دو مکانات کو نقصانات پہنچنے کی اطلاعات موصول ہوئی ہیں۔
طوفانی ہواوں کے ساتھ ہوئی زوردار بارش کے نتیجے میں شرالی کے گوڑی ہتلو میں واقع گنگما ایرپا نائک اور ہیبلے کے کوکنیر میں واقع رام چندرانپآ موگیر کے مکانوں کی کھپریل کی چھت اور دیواروں کو نقصان پہنچا ہے۔
محکمہ تحصیل کے افسران نے جائے وقوع پر پہنچ کر معائنہ کیا ہے اور نقصانات کا تخمینہ لگایا جارہاہے۔
محکمہ موسمیات کے مطابق بھٹکل میں گزشتہ 24گھنٹوں میں 45ملی میٹر بارش درج کی گئی ہے جس کے بعد امسال کی جملہ بارش کی پیمائش 5339.4ملی میٹر ریکارڈ کی گئی ہے۔