حیدرآباد، 18؍اپریل (ایس او نیوز؍ایجنسی)  تو ہین عدالت کے کیس میں قصور وار پائے گئے ایک آئی اے ایس افسر کو جرمانہ کی سزا سے بچنے کیلئے تلنگانہ ہائی کورٹ نے کسی بھی مسجد میں ایک ہفتے تک20  روزہ داروں کو افطار کرانے کا حکم دیا ہے۔

 سید یاسین قریشی جوا یکسائز محکمہ میں ڈپٹی کمشنر کے عہدہ پر فائز ہیں،کو عدالتی حکم کی پیروی نہ کرنے پر ایک رکنی بنچ نے بھاری جرمانہ کی سزاسنائی تھی۔

 ٹائمز آف انڈیا کی رپورٹ کے مطابق اس سزا کے خلاف قریشی نے جب اپیل داخل کی اور اس میں تخفیف چاہی تو چیف جسٹس ہیما کو بلی اور جسٹس بی وجیہ  سین  ریڈی نے انہیں سماجی  خدمت ( کمیونٹی سروس ) کی سزاسنائی۔

 بنچ نے سید یاسین قریشی کی اپیل پر فیصلہ سناتے ہو ئے کہا کہ اگر وہ ایک ہفتے تک کسی بھی مسجد میں20  روزہ داروں کو افطار کرانے کیلئے تیار ہو جاتے ہیں توان پر عائد جر ما نہ ختم  کیا جا سکتا ہے۔ یہ پہلاموقع نہیں ہے جب تلنگانہ ہائی کورٹ نے اس طرح کی سزاسنائی ہے۔ 

اس سے قبل کورٹ نے  نلگونڈا کے کلکٹر پرشانت جے پاٹل کو ایک یتیم خانہ میں 6؍مہینے تک ہر ہفتے 2 ؍ گھنٹے خدمت کرنے کی سزاسنائی تھی۔