نیو منگلورو بندرگاہ پر کنٹینر لاری سمندرمیں گرگئی؛ ڈرائیور سمیت دو افراد ہلاک
منگلورو:22؍جون(ایس اؤ نیوز)نیو منگلورو بندرگاہ کے اندرونی علاقے (این ایم پی ٹی )میں ایک کنٹینر لاری توازن کھو کر سمندر میں گرنے کےنتیجے میں ڈرائیور سمیت دو افراد ہلاک ہوگئے۔ حادثہ اتوار کی رات پیش آیا ۔ مہلوکین کی شناخت کنٹینر لاری ڈرائیور باگلکوٹ ضلع ہنگند کے مکین راجا صاحب ملا (26) اور مزدور بھیمپا (22) کی حیثیت سے کی گئی ہے۔
ذرائع کے مطابق اتوار کی رات 30-10بجے راجاصاحب اور بھیمپا جہاز سے اپنی کنٹینر میں میگنیز لوڈ کرنےکے انتظار میں تھے۔ اس دوران لاری کو بائیں جانب مڑنا تھا ، مگر ڈرائیور نے توازن کھودیان اور لاری سیدھے آگے چلے گئی اور این ایم پی ٹی کے 10ویں پرتھ کے قریب سمندر میں جا گری ۔
لاری کو سمندر میں گرتے ہوئے دیکھ کر این ایم پی ٹی سے گزرتے ہوئی ایک ٹگ کے پائلٹ نے فوراً کنٹرول روم کو خبر کی۔ اطلاع پاتے ہی سی آئی ایس ایف کاعملہ کشتی لے کر تلاشی کا کام شروع کردیا۔ رات 30-11بجے کے قریب راجا صاحب کا پتہ چلتےہی انہیں فوری طورپر شہرکے پرائیویٹ اسپتال میں داخل کیا گیا جہاں راجا صاحب کی موت ہونے کی تصدیق کی گئی۔ لاپتہ بھیمپا کی نعش پیر کو برآمد کرلی گئی۔