امیٹھی میں راہل گاندھی کو جتانے کے لیے ایس پی اور بی ایس پی لیڈروں سے بھی رابطہ: ذرائع

Source: S.O. News Service | By Jafar Sadique Nooruddin | Published on 26th April 2019, 8:07 PM | ملکی خبریں |

نئی دہلی: 26 /اپریل(ایس اونیوز /آئی این ایس انڈیا) بی جے پی کی طوفانی انتخابی مہم کا سامنا کر رہی کانگریس امیٹھی میں پارٹی صدر راہل گاندھی کوفرق سے جیت دلانے کے لیے پوری طاقت جھونک رہی ہے۔یہاں مسئلہ 2014 عام انتخابات میں اس وقت پیدا ہوا جب بی جے پی نے امیٹھی میں راہل کے خلاف اسمرتی ایرانی کو اتارا۔نئی امیدوار نے اس وقت کے کانگریس کے نائب صدر کو چیلنج اور 2009 میں ان کے جیت کے 3.7 لاکھ فرق کو کم کرکے صرف ایک لاکھ ووٹوں تک پہنچادیا۔یہ کانگریس مینیجرز کے لئے آنکھ کھول دینے والا تھا، جس کے بعد وہ راہل کی جیت کے فرق کو برقرار رکھنے کے لئے تیزی سے کام میں لگ گئے۔اس کے بعد ایک منصوبہ بندی کے تحت ٹیموں کو بھیجا گیا اور آن لائن ایپ شکتی کے ذریعے مسلسل نگرانی رکھی گئی۔شکتی ایسا آن لائن پلیٹ فارم ہے جس کے ذریعہ ملک بھر میں بوتھ سطح گروپوں کی کارکردگی کو ٹریک کیا جاتا ہے۔امیٹھی میں پارٹی رابطہ کاروں نے ایک خاص کوشش بھی کی ہے، جہاں راہل کو پارٹی کے وزیر اعظم کے عہدے کے امیدوار کے طور پر پیش کیا گیا ہے۔پارٹی کے نظام کو درست کرنے کے علاوہ، کارکنوں سے جیت کا فرق پانچ لاکھ ووٹ کویقینی بنانے کے لئے کہا گیا ہے۔ذرائع کا کہنا ہے کہ نام نہاد مخالف سماج وادی پارٹی کے بااثر لیڈروں کی بھی اس کام میں مدد لی جا رہی ہے۔ایس پی-بی ایس پی اتحاد نے عام انتخابات میں کانگریس سے کنارہ کشی اختیار کرلی ہے لیکن اکھلیش یادو کی پارٹی سماجوادی پارٹی کا 2017 اسمبلی انتخابات میں کانگریس کے ساتھ انتخاب سے قبل اتحاد تھا اور دونوں پارٹیوں میں امکانات مکمل طورپر ختم نہیں ہوا ہے۔ذرائع کا کہنا ہے کہ اتر پردیش کے سینئر کانگریس لیڈر پرمود تیواری کی ایس پی اور بی ایس پی کے مقامی لیڈروں سے راہل کو حمایت دینے کے لئے کئی بار بات چیت ہوئی ہے۔انہوں نے ساتھ ہی پارٹی کارکنوں سے مقصد متحد ہوکر کام کرنے کی اپیل کی۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...