بھٹکل انجمن ڈگری کالج اینڈ پی جی سنٹر میں ’’یوم ِ دستور ‘‘ پروگرام کاانعقاد : ہر شہری کو دستور کا شعور لازمی ہے
بھٹکل:26؍نومبر(ایس اؤ نیوز)ہمیں اپنے حقوق حاصل کرنے اور اپنے فرائض کو ادا کرنے کے لئے دستور کا شعور ہونا ضروری ہے ۔ بھٹکل سرکاری پی یو کالج کی پرنسپال ڈاکٹر بھاگیرتھی نے ان خیالات کااظہار کیا۔
وہ یہاں انجمن ڈگری کالج اینڈ پی جی سنٹر بھٹکل کے شعبہ این ایس ایس کے زیرا ہتمام منعقدہ ’’یوم دستور ‘‘ کے پروگرام میں مہمان خصوصی کی حیثیت سے اپنے خیالات کااظہار کررہی تھیں۔ انہوں نے طلبا کو بھارتی دستور کا تعارف پیش کرتےہوئے مقننہ، عدلیہ اور بیوکریسی کی تفصیلی جانکاری دی۔ ہمیں اپنے دستور کا ادب واحترام کرتے ہوئے اس کے منشاء کو پورا کرنےکی کوشش کرنے کی بات کہی۔
کالج سنیئر پروفیسر ایم ایم جمعدار نے اپنے خیالات کااظہار کرتےہوئے کہاکہ اس ملک سے ہمیں کیا ملا ہےکے بجائے اس ملک کو ہم نے کیا دیا ہے اس تعلق سے احتساب ہوناچاہئے۔ ملک کی ترقی ہم سب متحد کر کام کرنے کی بات کہی۔ پروگرام کی صدارت کرتےہوئے کالج پرنسپال پروفیسر ایم کے شیخ نے کہاکہ اگر دستور نہ ہوتا تو دلت ، مظلوم ، پسماندہ طبقات اور خواتین کی جینا دوبھر ہوجاتا۔ دستور نے بغیر کسی تعصب اور تفریق کے ہم سب کو خودداری کے ساتھ جینے کا حق دینے کا خیال ظاہر کیا۔
متعلم شوکت علی کی تلاوت قرآن سے پروگرام کا آغاز ہوا۔ شعبہ این ایس ایس کے افسر پروفیسر آر ایس نایک نے افتتاحی کلمات پیش کرتےہوئے سبھی کا استقبال کیا۔پروفیسر پرشورام نے دستور کی تمہید کی سبھی کو خواندگی کرائی ۔ پروفیسر دامودر نائک نے نظامت کے فرائض انجام دئیے ۔ متعلم روہیت نائک نے شکریہ اداکیا۔