12سال سے زیاد عمر کی گائے کے ذبیحہ کی گنجائش موجود، انسداد گئو کشی قانون سے متعلق وزیر اعلیٰ سدارامیا کا بیان

Source: S.O. News Service | Published on 6th June 2023, 11:07 AM | ریاستی خبریں |

بنگلورو، 6/جون (ایس او نیوز/ایجنسی) وزیر اعلیٰ سدارامیا نے کہا کہ قانون میں 12 سال سے زیادہ عمر کی گائے کو ذبح کرنے کی اجازت ہے۔ انسداد گئو کشی قانون کو واپس لینے کی وضاحت کرتے ہوئے سدرامیا نے کہا کہ اس قانون کو واپس لینے کا فیصلہ کابینہ میں بحث کے بعد ہوگا۔ 

ریاستی وزیر برائے مویشی پالن کے وینکٹیش نے اپنے ایک بیان میں کہا ہے کہ جب بھینس کو ذبح کیا جاسکتا ہے تو گائے کو کیوں نہیں؟ اس تعلق سے کئے گئے سوال پر جواب دیتے ہوئے سدارامیا نے کہا کہ قانون میں 12 سال سے زیادہ عمر کی گائے کو ذبح کرنے کی اجازت ہے۔ گائے کے ذبیحہ قانون پر پابندی پر نظر ثانی کرنے سے پہلے ہم اس پر ریاستی کابینہ اجلاس میں بحث کریں گے پھر کوئی فیصلہ کیا   جائے گا۔ 1964 کے قانون کے تحت 12 سال سے زیادہ عمر کی گائے کا ذبیحہ کرنے کی اجازت ہے اور جو گائے زرعی سرگرمیوں کے قابل نہیں اس کو بھی ذبح کرنے کی گنجائش ہے۔ وینکٹیش نے بھی یہی کہا تھا۔

سدارامیا نے کہا کہ انہوں نے واضح  طور پر یہ نہیں کہا تھا ۔ بی جے پی حکومت کے دوران اقتدار میں نافذ انسداد گئو کشی قانون کو واپس لئے جانے کے امکان ہی سے بی جے پی احتجاج کرنے کا منصوبہ تیار کررہی ہے۔ کرناٹکا انسداد گئو کشی اور مویشی تحفظ قانون 2020 کا اطلاق 2021 میں ہوا۔ اس وقت کانگریس اپوزیشن میں تھی اس بل کی کانگریس نے مخالفت کی تھی۔ 

ریاستی وزیر شرنابسپا درشن پور نے یادگیر میں کہاہے کہ حکومت انسداد گئوکشی قانون کو واپس لینے پر غور کررہی ہے۔ وزیر اعلیٰ سدارامیا مناسب فیصلہ کریں گے۔ اس قانون پر پابندی عائد کرنے وہ اپنی رائے کابینہ اجلاس میں دی گے۔ 

ریاست میں بجرنگ دل پر پابندی عائد کرنے سے متعلق انہوں نے کہا کہ قومی مخالف سرگرمیوں میں ملوث اداروں کے خلاف حکومت کارروائی کرے گی۔ انہوں نے کہا کہ قومی مخالف سرگرمیوں میں ملوث تمام اداروں کے خلاف ہم کارروائی کریں گے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔