کانگریس سب سے زیادہ دھوکے باز پارٹی: اکھلیش یادو

Source: S.O. News Service | By Jafar Sadique Nooruddin | Published on 19th April 2019, 10:42 PM | ملکی خبریں |

لکھنؤ:19 /اپریل(ایس اونیوز /آئی این ایس انڈیا) کانگریس پر حملہ تیز کرتے ہوئے سماج وادی پارٹی کے صدر اکھلیش یادو نے اسے سب سے زیادہ دھوکے باز پارٹی قرار دیا اور الزام لگایا کہ کانگریس نے ان کے اور باپ ملائم سنگھ یادو کے خلاف سی بی آئی کا غلط استعمال کیا۔اکھلیش نے یہاں پارٹی کے دفتر پر نامہ نگاروں سے کہاکہ وہ کانگریس ہی ہیں، جس نے مجھے اور نیتا جی(ملائم) کے خلاف سی بی آئی کا غلط استعمال کیا، مجھے کسی سے کوئی ڈر نہیں ہے،جس شخص نے میرے خلاف مفاد عامہ کی عرضی دائرکی، وہ کانگریسی ہے اور لکھنؤ میں کانگریس امیدوار کی نامزدگی کے وقت موجود تھا۔اکھلیش سے کانگریس صدر راہل گاندھی کے بدایوں میں جمعرات کو دیئے گئے بیان کے بارے میں پوچھا گیا تھا، جس میں انہوں نے ایس پی۔بی ایس پی پر نشانہ لگاتے ہوئے کہا تھا کہ دونوں ہی وزیر اعظم نریندر مودی سے خوفزدہ ہیں کیونکہ انہوں نے اپنے اقتدار کے وقت ریاست کو شدید نقصان پہنچایا ہے۔راہل نے کہا تھا کہ ایس پی اور بی ایس پی کے لیڈر مودی کے خلاف ایک لفظ نہیں بول سکتے کیونکہ وہ مودی سے ڈرتے ہیں،ہم کھلا بولتے ہیں، اگر نریندر مودی چور ہیں تو کانگریس اور راہل گاندھی یہ بات ہر اجلاس میں کھل کر کہے گی۔ایس پی۔بی ایس پی اور بی جے پی نے اتر پردیش کا کافی زیادہ نقصان کیا ہے۔اکھلیش یادونے کہا کہ جس شخص نے ان کے خلاف مفاد عامہ کی عرضی دائر کی تھی، اس نے بی جے پی سے بھی ہاتھ ملایا۔اکھلیش یادو نے کہاکہ کانگریس جواب دے کہ کیا یہ شخص نامزدگی میں موجود تھا یا نہیں۔بی جے پی کی بھوپال سے امیدوار پرگیہ ٹھاکر کے ممبئی حملے کے شہید کے بارے میں دیئے بیان پر پوچھے جانے پر اکھلیش نے کہاکہ آپ دیکھئے کہ بی جے پی کیا پیغام دینے کی کوشش کر رہی ہے،وہ اس طرح کے امیدوار دے رہی ہے۔پریس کانفرنس کے دوران مچھلی شہر سے بی جے پی کے ایم پی رام کردار نشاد ایس پی میں شامل ہوئے۔حال ہی میں ایس پی چھوڑ بی جے پی کا دامن تھامنے والے امریندر نشاد اور ان کی ماں راجمتی نشاد دوبارہ ایس پی میں شامل ہوئے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...