نئی دہلی 17جون (ایس او نیوز/آئی این ایس انڈیا) دہلی صوبائی کانگریس کمیٹی کی صدر شیلا دکشت کی قیادت میں 18 جون کو کانگریس کارکن دہلی کی تمام 70 اسمبلیوں میں 70 جگہ بجلی، پانی کی قلت کو احتجاج کریں گے۔ گرمی کی وجہ سے دہلی میں کئی جگہ بجلی کی کٹوتی ہو رہی ہے تو دہلی کے کئی علاقوں میں پانی کی فراہمی کی دقت ہے۔ 12 جون کو سابق وزیر اعلی شیلا دکشت نے سی ایم کجریوال سے ملاقات کر کے درست چارج کے نام پر 1 سال میں وصول کئے گئے 7401 کروڑ روپے کے بدلے 6 ماہ صارفین کو فری بجلی دیئے جانے کی مانگ کی تھی۔ بی جے پی نے ڈی ای آر سی میں دو ممبر مقرر نہ کرنے کو سنگین معاملہ بتاتے ہوئے اس کی جانچ کا مطالبہ کیا ہے۔ سابق مرکزی وزیر وجے گوئل نے پریس بریفنگ کر کجریوال حکومت کے سستی بجلی کے نعرے کو جھوٹا بتایا۔ اور حکومت کو فکسڈ چارج کے 7000 کروڑ عوام کو لوٹانے کو کہا۔بی جے پی ممبر پارلیمنٹ وجے گوئل کے دہلی میں مہنگی بجلی ملنے کے الزامات پر عام آدمی پارٹی نے ملک کی مختلف ریاستوں کی بجلی قیمتیں بتائی ہیں۔ پارٹی کے مرکزی ترجمان سوربھ بھاردواج نے ہفتہ کو بیان جاری کر کہا کہ ہم حقائق کی بنیاد پر گفتگو کر سکتے ہیں۔