کولار،20؍اگست (ایس او نیوز ) سابق ریاستی وزیر اعلیٰ سدارامیا کے خلاف کورگ ضلع کے مڈی کیری میں بی جے پی اور آر ایس ایس کارکنوں کی جانب سے احتجاج اور انڈے پھینکے جانے کے خلاف یہاں کانگریس کی جانب سے امبیڈکر سرکل میں دھرنا دیا گیا۔

اس موقع پر خطاب کرتے ہوئے پارٹی کے کسان سیل کے ضلع صدر سرینواس نے کہا کہ سدارامیا ایک سابق وزیر اعلیٰ ہیں،ان کی حفاظت حکومت اور پولیس کی ذمہ داری ہے۔کورگ میں پولیس کی موجودگی میں بی جے پی اور آر ایس ایس والوں نے سدارامیا پر انڈے پھینک کر حملہ کیا۔

در اصل ریاستی بی جے پی کو داونگیرے میں لاکھو ں افراد کی موجودگی میں سدارامیا کا 75واں جنم دن منانا راس نہیں آیا اور وہ سدارامیا کی مقبولیت سے بوکھلا گئے ہیں۔ سدارامیا کی مقبولیت گھٹا نے بی جے پی مختلف حربے استعمال کررہی ہے لیکن اس میں کامیابی حاصل نہیں ہوگی۔

احتجاجی دھرنے میں محمد اقبال، منجو، اشوک، پیارے جان، تیاگ راج، عارف اللہ وغیرہ نے حصہ لیا۔