ممبئی،8؍اکتوبر(ایس او نیوز؍آئی این ایس انڈیا) مہاراشٹر میں اسمبلی انتخابات کو لے کر آج کانگریس اور نیشنلسٹ کانگریس پارٹی (این سی پی) نے عوام سے کئی وعدے کئے۔ دونوں جماعتوں کے رہنماؤں نے کئی وعدے کئے اور ان کی پارٹیوں کی اتحاد کی حکومت بننے پر انہیں پورا کرنے کا بھروسہ جتایا۔ این سی پی کے لیڈر جینت پاٹل نے کہا کہ موٹر ٹرانسپورٹ کے نئے قانون کے تحت فیصلہ جرمانہ رقم کو کم کریں گے۔ نئی صنعتوں میں 80 فیصد عہدوں پر مقامی افراد کو موقع دینے کے لئے خصوصی قانون بنائیں گے۔ 65 سال سے زیادہ عمر کے لوگوں کو 1500 روپے ماہانہ پنشن دیئے جائیں گے ۔ اس موقع پر کانگریس کے ریاستی صدر بالا صاحب تھورات بھی موجود تھے۔جینت پاٹل نے کہا کہ نوجوانوں اور تعلیم یافتہ بے روزگاروں کو پانچ ہزار روپے ماہانہ بھتہ دیا جائے گا۔ ریاست کے ہر شہری کا ہیلتھ انشورنس کیا جائے گا اور کسانوں کا مکمل قرض معاف کرنے کے فیصلے کو لاگو کریں گے۔انہوں نے کہا کہ کے جی سے پی جے تعلیم کے تحت پہلے مرحلے میں سرکاری اور منظور کالجوں میں تمام طلباء کو مفت تعلیم دی جائے گی۔ مزدوروں کی کم از کم تنخواہ 21 ہزار روپے کیا جائے گا۔ دسویں پاس 10 لاکھ لڑکیوں کو پہلے سال مفت لیپ ٹاپ دیے جائے گا ۔ذریعہ ٔ معاش کے حامل نہ ہونے والے 65 سال سے زیادہ عمر کی خاتون اور مرد کو 1500 روپے ماہانہ پنشن دیئے جائیں گے ۔