بنگلورو، 26 جون(ایس او نیوز/آئی این ایس انڈیا) کرناٹک کے بلاری سے کانگریس ممبر اسمبلی بھیم نایک نے اپنی ہی سرکار کے وزیر پی ٹی پرمیشور پر سنگین الزامات عائد کئے ہیں۔انہوں نے الزام لگایا ہے کہ پی ٹی پرمیشور نے ایک ڈیم کی تعمیر کے منصوبے میں ٹھیکیدار سے کمیشن مانگا ہے۔انہوں نے کہا کہ ٹھیکیدار، وزیر پی ٹی پرمیشور کے پاس جاتا ہے۔اس کے بعد وزیر ٹھیکیدار سے پوچھتے ہیں کہ اس 150 کروڑ کی گرانٹ میں سے کمیشن دیناہو گا۔بھیم نایک کے مطابق وزیر نے ٹھیکیدار سے کہا کہ 12 کلومیٹر پائپ لائن میرے حلقہ سے ہوکر جاتی ہے،80 کام میرا حلقہ ہے،مجھے کمیشن کی ضرورت ہے، تبھی میں کام شروع کرنے دوں گا۔ساتھ ہی انہوں نے پی ٹی پرمیشور کو بیکار کا وزیر قرار دیا،بھیم نایک نے کہا کہ میں نے اس کی شکایت ڈی شیو کمار سے کی ہے،وہ اس کے بارے میں جانتے ہیں۔