نئی دہلی،3؍مئی (ایس  او نیوز؍ایجنسی)  کیرالہ کانگریس کے صدر ملاپیپلی رام چندرن نے کہاہے کہ ایل ڈی ایف حکومت اپنے کرپٹ طریقوں کے لیے مشہورہے۔یہ سمجھنے سے قاصرہیں کہ اس الیکشن میں ایک وزیراعلیٰ کو اتنا بڑا مینڈیٹ کیسے ملا؟ اس کے لیے محتاط سوچ کی ضرورت ہے۔ سابق وزیراعلیٰ اومان چانڈی اور اپوزیشن لیڈر رمیش چھنیتھلا بھی یہ سمجھنے سے قاصر ہیں کہ یو ڈی ایف اتنے پیچھے کیوں گرگیا۔

عام آدمی پارٹی کے رہنما اور دہلی کے وزیر اعلیٰ اروندکجریوال نے بھی کیرالہ کے وزیراعلیٰ پنارائے وجین کوایک بار پھر کامیابی پر مبارکباد دی ہے۔ کجریوال نے کہا ہے کہ عوامی فلاح و بہبود کی پالیسیوں کی وجہ سے کیرالہ کے عوام نے آپ پر ایک بار پھر اعتماد بحال کردیا ہے۔ اداکار پرکاش راج نے وجین کو مبارکباد پیش کرتے ہوئے لکھا ہے کہ فرقہ وارانہ منافرت پر اچھی حکمرانی نے کامیابی حاصل کی ہے۔

کیرالہ نے آپ کو پسند کیا ہے ، کیوں کہ آپ جو کہتے ہیں وہ کرتے ہیں۔آر جے ڈی رہنما تیجسوی یادو نے بھی کیرالہ کے وزیراعلیٰ پی وجین کو مبارکباد دی ہے۔کیرالہ کے وزیر خزانہ اور سی پی ایم کے سینئر رہنما تھامس ایساک نے کہاہے کہ ایل ڈی ایف کے لیے یہ مضبوط جیت ہے۔

سی ایم وجین نے پیشن گوئی کی تھی کہ ایل ڈی ایف آسانی سے 100 کا ہندسہ عبور کرلے گا اور بی جے پی واحد نشست کھو دے گی۔سی پی ایم کے جنرل سکریٹری سیتارام یچوری نے کیرالہ میں بائیں بازو کی فتح پر عوام کا شکریہ اداکیاہے۔