راہل گاندھی کی رہائش گاہ پر پہنچی دہلی پولیس، کانگریس کا شدید ردعمل

Source: S.O. News Service | Published on 19th March 2023, 9:24 PM | ملکی خبریں |

نئی دہلی،19/مارچ (ایس او نیوز/ایجنسی) بھارت جوڑو یاترا کے دوران دئے گئے بیان کے سلسلہ میں اتوار کے روز دہلی پولیس راہل گاندھی کی رہائش گاہ پر پہنچ گئی۔ پولیس کا کہنا تھا کہ راہل گاندھی کو ایک نوٹس بھیجا گیا تھا لیکن انہوں نے جواب نہیں دیا۔ تاہم انڈین نیشنل کانگریس نے دہلی پولیس کے اس عمل کو شرم ناک حرکت قرار دیتے ہوئے کہا ہے کہ وزیر اعظم مودی اڈانی معاملہ پر سوالوں سے گھبرا گئے ہیں اور ایسی حرکتوں سے پارٹی کا حوصلہ مزید مضبوط ہوگا۔

وہیں پولیس کی اس کارروائی کے بعد کانگریس کے اہم لیڈران متحرک ہو گئے اور یکے بعد دیگرے راہل گاندھی کی رہائش گاہ پر پہنچ گئے۔ رپورٹ کے مطابق پون کھیڑا، اشوک گہلوت، شکتی سنگھ گوہل، ابھیشیک منو سنگھوی اور جے رام رمیش راہل کی رہائش گاہ پر پہنچ گئے۔

پولیس نے پہلے پون کھیڑا کو رہائش گاہ کے اندر جانے سے روک دیا تھا لیکن بعد میں انہیں اجازت دے دی گئی۔ پون کھیڑا نے کہا کہ ’’راہل گاندھی کو دھمکانے کی کوشش کی جا رہی ہے۔ حکومت کو کیا لگتا ہے کہ وہ ڈر جائیں گے؟‘‘

وہیں، اسپیشل سی پی (لا اینڈ آرڈر) ساگر پریت ہڈا نے کہا کہ ہم ان سے بات کرنے آئے ہیں۔ راہل گاندھی نے 30 جنوری کو سری نگر میں ایک بیان دیا تھا کہ یاترا کے دوران انہوں نے کئی خواتین سے ملاقات کی اور انہوں نے راہل گاندھی کو بتایا کہ ان کے ساتھ جنسی زیادتی ہوئی ہے۔ اس لیے ہم ان سے معلومات حاصل کرنے کی کوشش کر رہے ہیں، تاکہ متاثرین کو انصاف مل سکے۔

خیال رہے کہ سری نگر میں اپنی بھارت جوڑو یاترا کے آخری دن راہل گاندھی نے کہا تھا کہ آج بھی خواتین کا جنسی استحصال ہو رہا ہے۔ دہلی پولیس نے اس معاملہ پر راہل گاندھی کو 16 مارچ کو نوٹس بھیجا تھا، جس میں پوچھا گیا تھا کہ وہ کون سی خواتین ہیں جنہوں نے یہ بات کہی ہے۔ راہل گاندھی کو اپنی تفصیلات دہلی پولیس کو دینی چاہئے۔ دہلی پولیس ذرائع کے مطابق کانگریس لیڈر نے ابھی تک دہلی پولیس کو جواب نہیں دیا ہے۔

وہیں، کانگریس نے دہلی پولس کے ذریعہ راہل گاندھی کو نوٹس دینے پر مرکز کو نشانہ بنایا۔ کانگریس نے کہا کہ وزیر اعظم مودی اور اڈانی کے درمیان تعلقات پر راہل گاندھی کے سوالات سے پریشان حکومت اپنی پولیس کے پیچھے چھپ جاتی ہے۔ کانگریس نے کہا تھا کہ ہم قانون کے مطابق مناسب وقت پر نوٹس کا جواب دیں گے۔ یہ نوٹس اس بات کا ایک اور ثبوت ہے کہ حکومت خوفزدہ ہے۔

دریں اثنا، کانگریس پارٹی کی طرف سے ایک ٹوئٹ میں لکھا گیا ’’بھارت جوڑو یاترا اور راہل گاندھی نے خواتین کو اپنے مسائل اور درد بانٹنے کے لیے ایک محفوظ پلیٹ فارم فراہم کیا۔ دہلی پولیس کی یہ شرم ناک حرکت ثابت کرتی ہے کہ وزیر اعظم مودی اڈانی معاملہ پر ہمارے سوالوں سے گھبرائے ہوئے ہیں۔ ایسی حرکات سے ہماری ہمت مضبوط ہوئی، ہم جواب لیتے رہیں گے۔‘‘

ایک نظر اس پر بھی

جمہوریت کے تحفظ کیلئے اپوزیشن متحد، سیاہ کپڑوں میں احتجاج

پارلیمنٹ کی رکنیت کیلئے  راہل گاندھی کو نااہل قرار دینے کے فیصلے نے اپوزیشن کو مزید متحد کردیا ہے۔ پیر کو اپوزیشن کے تمام اراکین  بطور احتجاج سیاہ کپڑے پہن کر پارلیمنٹ پہنچے جس میں ممتا بنرجی کی ترنمول کانگریس بھی شامل تھی جو اب تک کانگریس کی قیادت میں ہونے والے اپوزیشن کے ...

یوپی میں اب گھر پر بھی نماز پڑھنا جرم؟ گودام میں تراویح پڑھنے پر بجرنگیوں کے ہنگامہ کے بعدپولیس نے لگائی پابندی

مرادآباد،28/مارچ(ایس او نیوز؍ایجنسی) حجاب اور اذان  پر پابندی کے بعد  اب گھروں میں  اجتماعی نماز پڑھنے پر پابندی عائد کرنے کی کوشش  کا معاملہ  اُترپردیش کے مرادآباد سے سامنے آئی ہے۔ جہاں  کے  کٹگھر علاقے میں ہفتہ کی شب تراویح کی نماز پڑھنے کے دوران  تنازعہ پیدا  کیا گیا ...

عتیق احمد سخت سیکوریٹی میں الہ آباد جیل منتقل۔ آج اُمیش پال اغوا کیس کاسنایا جائے گا فیصلہ

یوپی پولیس  پیر کو سابق رکن پارلیمنٹ عتیق احمد کو لے کر الہ آباد پہنچ گئی جہاں انہیں نینی جیل کے ہائی سیکوریٹی بیرک میں  رکھا گیا ہے۔ان کے ساتھ ہی ان کے بھائی اشرف کو بھی بریلی کی جیل سے الہ آباد کی جیل میں  منتقل کردیاگیا ہے۔ دونوں بھائیوں کو منگل کو ایم پی ایم ایل اے کورٹ میں ...

’بنے گا پکوڑا، بنے گی چائے، اسکول-اسپتال بھاڑ میں جائے...‘ دہلی اسمبلی میں کیجریوال نے پڑھی نظم

وزیر اعلی اروند کیجریوال نے دہلی اسمبلی میں ایک نظم پڑھ کر بی جے پی کو نشانہ بنایا۔ کیجریوال نے طنزیہ انداز میں کہا کہ اس کائنات کی تخلیق 2014 میں اس وقت ہوئی جب مرکز میں بی جے پی برسراقتدار آئی! اس دوران وزیر اعلیٰ نے دہلی ماڈل گورننس کو زیرو کرپشن ماڈل قرار دیا۔

مہاراشٹر جالنہ میں شر پسندوں کا مسجد کے امام پر حملہ، ڈاڑھی کاٹی گئی ،ابوعاصم اعظمی نے کیا کارروائی کا مطالبہ

مہاراشٹر سماجوادی پارٹی لیڈر اور رکن اسمبلی ابوعاصم اعظمی نے مہاراشٹر میں ایک شرانگیزی کا مظاہرہ کر کے ایک مولانا کو زدوکوب کرنے والے شرپسندوں و خاطیوں کے خلاف سخت کارروائی کا مطالبہ کیا ہے۔  انہوں نے کہا ہے  کہ مہاراشٹر کے جالنہ اناؤا گاؤں میں ایک مسجد کے خطیب کو شرپسندوں نے ...