چھتیس گڑھ: وہاٹس ایپ پر فحش ویڈیو شیئر کرنے پر کانگریس لیڈر گرفتار
چھتیس گڑھ، 10 اگست(ایس او نیوز/آئی این ایس انڈیا) وہاٹس ایپ گروپ پر فحش ویڈیو شیئر کرنے کے الزام میں چھتیس گڑھ کانگریس کے ایک لیڈر کو گرفتار کر لیا ہے۔پولیس نے جمعہ کو کہا کہ پون دوبے نام کے چھتیس گڑھ کانگریس کے ایک لیڈر نے ایک وہاٹس ایپ گروپ پر ایک قابل اعتراض ویڈیو شیئر کیا تھا۔پون دوبے بلاسپور ضلع کانگریس کا جوائنٹ سکریٹری ہے۔پون دوبے کے خلاف گوریلا بلاک کی خواتین کانگریس لیڈروں نے پولیس میں شکایت درج کرائی تھی۔پیڈرا گوریلا کی ای ایس پی پرتیبھا تیواری نے کہا کہ پیڈرا، گوریلا اور مرواہی بلاک کی خواتین نے ایک وہاٹس ایپ گروپ بنایا ہے۔اس گروپ میں کانگریس پروگرام پارٹی سرگرمیوں کی اطلاع ڈالتے ہیں،کئی خواتین لیڈران اس گروپ کی رکن ہیں۔ پون دوبے بھی اس گروپ کے رکن ہیں۔رپورٹ کے مطابق 6 اگست کو پون دوبے نے اس گروپ میں مبینہ طور پر ایک فحش ویڈیوز ڈالا، خواتین میں پون دوبے کے اس قدم کے خلاف غصہ ہے۔خواتین نے 7 اگست کو پون دوبے کے خلاف کیس درج کرایا، اگلے دن پولیس نے اسے گرفتار کر لیا ہے۔پون دوبے کے خلاف تعزیرات ہند کی دفعہ 292 اور آئی ٹی ایکٹ کی دفعات کے تحت مقدمہ درج کیا گیا ہے۔رپورٹ کے مطابق یہ ویڈیو آرٹیکل 370 سے منسلک ہے۔اس ویڈیو میں برقع پہنے ہوئے بعض خواتین موجود تھی۔اس ویڈیو کے خلاف تقریبا درجن بھر خواتین پولیس تھانے پہنچی اور پون دوبے کے خلاف کیس درج کرایا۔