کاروار:22؍نومبر(ایس اؤ نیوز)ریاست میں ہورہے ضمنی انتخابات رائے دہندگان کے لئے ایک وقار بن گیا ہے ، ان انتخابات میں میری یا کانگریس کے وقار کاسوال نہیں ہے، ووٹروں کی خود اعتمادی کو دھکا لگاہے، اس کا وہی صحیح اور ٹھیک ٹھیک جواب دیں گے۔ کانگریس کے دگج لیڈر ڈی کے شیوکمار نے ان خیالات کا اظہار کیا۔

ہبلی سے ہیلی کاپٹر کے ذریعے انکولہ پہنچنے ڈی کے شیوکمار تعلقہ کے اندلے اور گوکرن  مندر میں پوجا کے لئے جانے سے پہلے ہیلی پیاڈ پر اخباری نمائندوں سے بات کررہے تھے۔ ہیلی پیاڈ پر یلاپور ضمنی انتخابات میں کانگریس امیدوار بھیمنانائک نے شیوکمار کا استقبال کیا۔مندرجانے کی بابت کہا کہ میرے ذہن میں موجود کاموں سے ایک کام دیوی سےپرساد لینا بھی ہے۔  میری مشکلات کو دور کرنے کے لئے میرے ساتھیوں نے پرارتھنائیں کی ہیں، وہیں سب دکھ کرنے والی دیوی ہے، اسی پر اعتماد کرتے ہوئے پرارتھنا کے لئے پہنچنےکی جانکاری دی۔ جمعہ کو انہوں نے مندر میں خصوصی پوجا کی۔

اندلےسےنکل کر گوکرن کی طرف روانہ ہوئے تو ان کے ساتھ جے ڈی ایس لیڈر رویندر نائک بھی ساتھ میں تھے۔ گوکرن پہنچ کر انہوں نے مہا گنپتی ، مہابلیشور اور پاروتی دیوی کی پوجا کی۔ اس موقع پر کانگریس لیڈر کرشنا گوڈا، جی ایم شٹی ، سنتوش شٹی ، پردیپ شٹی ، یوتھ کانگریس صدر شری دھر گوڈا سمیت کئی لیڈران موجود تھے۔