انتخابی نتائج کے بعد کانگریس جے ڈی ایس کا وجودختم ہوجائے گا: یڈیورپا

Source: S.O. News Service | By Shahid Mukhtesar | Published on 21st May 2019, 11:03 AM | ریاستی خبریں |

بنگلورو، 21مئی (ایس او نیوز) ریاستی بی جے پی صدر بی ایس یڈیورپا نے کہاکہ 23 مئی کو لوک سبھا انتخابات کے نتائج ظاہر ہونے کے بعد کانگریس اور جے ڈی ایس کے سبھی قائدین اپنے اپنے گھروں میں آرام کرتے ہوئے نظر آئیں گے اور ریاست کا اقتدار بی جے پی کے ہاتھوں میں ہوگا۔اخباری نمائندوں سے بات چیت کرتے ہوئے انہوں نے کہاکہ ایکز ٹ پولس میں نتائج بی جے پی کی توقعات کے عین مطابق ہیں، 23مئی کو بھی ریاستی عوام کا یہی فرمان کرناٹک اور ملک بھر میں ظاہر ہوگا اور وزیراعظم مودی غیر معمولی اکثریت کے ساتھ دوبارہ اقتدار پر آئیں گے۔انہوں نے کہاکہ ملک کی کوئی طاقت مودی کو وزیراعظم کے عہدے سے دور نہیں رکھ سکتی۔ پچھلے پانچ سالوں کے دوران مودی حکومت نے عوام کی امنگوں کے مطابق کام کیا اور ملک کے عوام دوبارہ انہیں ایک اور موقع دیناچاہتے ہیں۔ انہوں نے کہاکہ پچھلے ایک سال سے ریاست میں بڑی پارٹی ہونے کے باوجود اقتدار سے باہر رہتے ہوئے بھی بی جے پی نے اپنے آپ کو مضبوط کرنے کی جدوجہد جاری رکھی اور پارٹی کو بنیادی سطحوں پر منظم کیا۔ ایکزٹ پولس کا نتیجہ ظاہر کرتا ہے کہ اس ایک سالہ محنت کا ثمر بی جے پی کو اب مل رہاہے، یڈیورپا نے دعویٰ کیا کہ ریاست کے سرکردہ بشمول سابق وزیراعظم دیوے گوڈا، کانگریس قائدین ملیکارجن کھرگے، ویرپا موئیلی، کے ایچ منی اپا، نکھل کمار سوامی وغیرہ شکست کھانے والے ہیں۔ایکزٹ پولس کے مطابق کانگریس جے ڈی ایس اتحاد دو عدد کے نشانے پر بھی پہنچ نہیں پارہا ہے۔ اسی لئے اب کانگریس رہنماؤں کو چاہئے کہ جے ڈی ایس سے اتحاد توڑ کر اپنے گھروں میں آرام کریں۔ 
 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔