بی بی ایم پی کے دو وارڈوں کے لئے کانگریس جے ڈی ایس امیدوار میدان میں

Source: S.O. News Service | By Shahid Mukhtesar | Published on 14th May 2019, 1:02 PM | ریاستی خبریں |

بنگلورو،14؍مئی(ایس او  نیوز) برہت بنگلور مہانگر پالیکے کے دو وارڈوں کے لئے 29 مئی کو ہونے والے ضمنی انتخاب کے لئے کانگریس جے ڈی ایس اتحاد نے اپنے امیدواروں کا اعلان کردیا ہے۔سگایا پورم وارڈ سے کانگریس نے پلنی اما کو امیدوار بنایا ہے جبکہ کاویری پورم وارڈ سے آنجہانی سابق ڈپٹی میئر رمیلا اوما شنکر کی جگہ پر جے ڈی ایس نے سشیلا سریش کو ٹکٹ دینے کا فیصلہ کیا ہے۔ سگایا پورم میں جے ڈی ایس کے ٹکٹ کی دعویدار ماری متو نے بطور آزاد امیدوار میدان میں اترنے کا فیصلہ کیا ہے۔ بتایاجاتاہے کہ آج جے ڈی ایس رکن اسمبلی کے گوپالیہ ، کانگریس سے سابق رکن اسمبلی پریا کرشنا ، جے ڈی ایس رکن کونسل شرونا اور دیگر لیڈروں نے آپس میں طے کیا کہ اتحاد کے امیدواروں کی کامیابی کے لئے مشترکہ جدوجہد کی جائے۔ یہ بات جے ڈی ایس کے بنگلور ضلع صدر آر پرکاش نے بتائی اور کہاکہ دونوں پارٹیوں کے قائدین مل کر ان دونوں وارڈوں میں کامیابی کی جدوجہد کریںگے۔
 

ایک نظر اس پر بھی

ریاستی حکومت نے آئی ایم اے فراڈ کیس کی جانچ سی بی آئی کے حوالے کیا

ریاست کی سابقہ کانگریس جے ڈی ایس حکومت کے دور میں کی گئی مبینہ ٹیلی فون ٹیپنگ کی سی بی آئی جانچ کے ا حکامات صادر کرنے کے دودن بعد ہی آج ریاستی حکومت نے کروڑوں روپیوں کے آئی ایم اے فراڈ کیس کی جانچ سی بی آئی کے سپرد کرنے کا فیصلہ کیا ہے۔

کیا شمالی کینرا سے شیورام ہیبار کے لئے وزارت کا قلمدان محفوظ رکھا گیا ہے؟

کرناٹکاکے وزیراعلیٰ  ایڈی یورپا نے دو دن پہلے اپنی کابینہ کی جو تشکیل کی ہے اس میں ریاست کے 13اضلاع کو اہمیت دیتے ہوئے وہاں کے نمائندوں کو وزارتی قلمدان سے نوازا گیا ہے۔اور بقیہ 17اضلاع کو ابھی کابینہ میں نمائندگی نہیں دی گئی ہے۔

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔