اگر آپ عزت دار ماہی گیر ہیں تو آننت کمار ہیگڈے کو ہرگز ووٹ نہ دیں؛ بھٹکل میں ماہی گیروں سے پرمود مدھوراج کی اپیل

Source: S.O. News Service | By I.G. Bhatkali | Published on 20th April 2019, 10:20 PM | ساحلی خبریں |

بھٹکل 20/اپریل (ایس او نیوز) اگر آپ عزت دار ماہی گیر ہیں تو  آپ کو چاہئے کہ  ماہی گیروں کی پرواہ نہ کرنے والے بی جے پی اُمیدوار آننت کمار ہیگڈے  کو ہرگز ووٹ  نہ دیں۔ ملپے سے نکلی سات ماہی گیروں پر مشتمل بوٹ لاپتہ ہوکر  پانچ ماہ ہوچکے ہیں مگر مرکزی وزیر آننت کمار ہیگڈے کو ماہی گیروں کی پرواہ ہی نہیں ہے۔ یہ بات  ماہی گیرلیڈر اور سابق ماہی گیر وزیر  پرمود مدھوراج نے کہی۔ وہ یہاں بھٹکل میں کانگریس۔جے ڈی ایس مشترکہ اُمیدوار آنند اسنوٹیکر  کے حق میں  انتخابی پرچار چلانے  پہنچے تھے۔

اخبار نویسوں سے گفتگو کرتے ہوئے پرمود مدھوراج نے بتایا کہ  ہیگڈے کو  اس بات سے کوئی سروکار نہیں ہے کہ   لاپتہ ماہی گیروں کا پتہ لگائیں،اتنا ہی نہیں افسوس اس بات کا بھی ہے کہ موصوف وزیر نے ابھی تک اُترکنڑا کے  اُن ماہی گیروں کے گھروالوں سے جاکر بھی  ملاقات تک نہیں کی ہے حالانکہ لاپتہ ہونے والوں میں پانچ ماہی گیروں کا تعلق ضلع اُترکنڑا سے ہے۔ ایسے حالات میں ہیگڈے مودی کا نام لے کر لوگوں سے ووٹ مانگ رہے ہیں۔

ملپے سے لاپتہ ہونے والی بوٹ کے تعلق سے پرمود مدھوراج نے شک ظاہر کیا کہ  نیوی کی بوٹ نے ہی  لاپتہ ہونے والی ماہی گیروں کی بوٹ کو ٹکر دی ہے،  انہوں نے کہا "میرے خیال میں یہ ہِٹ اینڈ رن کا معاملہ ہے، مگر یہ بات وزیردفاع کے علم میں لانے کے باوجود  مرکزی حکومت اس پورے معاملے کو چھپانے میں لگی ہوئی ہے اور یہی حال ہے کہ ضلع کے رکن پارلیمان آننت کمار ہیگڈے لاپتہ ماہی گیروں کا پتہ لگانے میں دلچسپی نہیں دکھارہے ہیں"۔ پرمود  مدھوراج نے سوال کیا کہ  ایسے لیڈر کو  کیسے  ووٹ دے سکتے ہیں، عوام کو چاہئے کہ ایسے لوگوں کو  اس بار سبق سکھائیں۔

آننت کمار ہیگڈے پر مسلسل وار کرتے ہوئے پرمود مدھوراج نے کہا کہ ہیگڈے خود کہتے ہیں  کہ وہ عوام کی سیوا کرنے نہیں آئے ہیں بلکہ وہ صرف سیاست کرنے کے لئے آئے ہیں۔ پرمود مدھوراج نے خیال ظاہر کیا کہ ایسے رکن پارلیمان سے ایک گرام پنچایت ممبر بہتر ہے۔

سابق وزیر برائے مچھلی پالن پرمود مدھوراج جو اس وقت  اُڈپی۔چکمنگلور سے کانگریس۔جے  ڈی ایس کے مشترکہ اُمیدوار ہیں نے  اخبارنویسوں کو بتایا کہ  ماہی گیروں کو  مرکزی حکومت کی جانب سے کسی بھی طرح کی کوئی سہولت نہیں ہے، صرف ریاستی سرکار کی طرف سے ہی ماہی گیروں کے ڈیزل میں سبسیڈی دی جارہی ہے، انہوں نے یہ بھی کہا کہ مرکزی حکومت کی طرف سے  چھوٹی کشتیوں کے لئے  مٹی کا تیل  دینے کی سہولت بھی ختم کردی گئی ہے۔

پرمود مدھوراج نے مزید بتایا کہ گذشتہ اسمبلی انتخابات کے موقع پر آننت کمار ہیگڈے  ہوناور کے پریش میستا کی موت کو لے کر  پورے ساحلی کرناٹکا میں گھوم گھوم کر ووٹ مانگ رہے تھے ، جب یہ معاملہ سی بی آئی کے حوالے کیا گیا تو اب پارلیمانی انتخابات کے موقع پر  مودی کا نام لے کر ہیگڈے  لوگوں کے پاس  ووٹ مانگ رہے ہیں۔  اب پریش میستا کا معاملہ  ان کی زبان پر بھی نہیں آرہا ہے، اسی طرح اب شری رام کا نام بھی ان کی زبان پر نہیں آرہا ہے۔ پرمود مدھوراج کے مطابق   ہر انتخابات کے موقع پر ہیگڈے کسی نے کسی  کا نام لے کر اور نیا نیا بھس بدل کر عوام کے سامنے آتے ہیں۔

سابق بھٹکل ایم ایل اے منکال وئیدیا، بھٹکل بلاک کانگریس صدر سنتوش نائک، ضلع پنچایت صدر جئے شری موگیر، تعلقہ پنچایت صدر ایشور نائک، ایف کے موگیر، نارائن بی نائک، پُنڈلک ہیبلے، ویٹھل نائک، ٹی ڈی نائک، ستیش اچاریہ، ناگیش دیوڑیگا، سچن نائک سمیت کافی دیگر لوگ اس موقع پر موجود تھے۔

ایک نظر اس پر بھی

مینگلورو: پرکاش راج کا مودی حکومت پرسخت حملہ؛ کہا: چارسوبیسی کرنے والے لوگ اب کی بار400 پارکا نعرہ لگارہے ہیں

جنوبی ہند کے مشہوراداکارپرکاش راج نے مودی حکومت پرسخت تنقید کرتے ہوئے کہا جن لوگوں نے 420 (فراڈ) کا کام کیا ہے، وہ آنے والے لوک سبھا انتخابات میں 400 سیٹیں جیتنے کی بات کررہے ہیں۔ اوراب کی بار400 پار کا نعرہ لگارہے ہیں۔

اتر کنڑا میں انتخابی ضابطہ اخلاق کا نفاذ - چیک پوسٹوں پر تیز ہوئی جانچ پڑتال؛ بورڈس اور ہورڈنگس ہٹائے گئے

لوک سبھا انتخابات کے لئے ضابطہ اخلاق کے نفاذ کے ساتھ ہی اتر کنڑا کے مختلف مقامات پر چیک پوسٹس پر جانچ پڑتال کی کارروائیاں تیز ہوگئی ہیں ۔  اسی کے ساتھ ہی  سڑک کنارے لگائے گئے اشتہاری بینرس اور ہورڈنگس وغیرہ بھی ہٹائے گئے ہیں۔

ڈانڈیلی اغوا معاملہ : 2 کروڑ روپے تاوان طلب کرنے والے ملزمین گرفتار ؛ گرفتار شدگان میں بھٹکل کا شخص بھی شامل

ڈانڈیلی کے ایک شخص کا اغوا کرکے اس کی رہائی کے لئے 2  کروڑ روپے طلب کرنے والے ملزمین کو  ڈانڈیلی پولیس نے گرفتار کر لیا ہے  جن  کی شناخت ڈانڈیلی کے رہنے والے پرشو رام ایلپّا میدار، کالگونڈا تکا رام سر نائک، ہلیال کے رہنے والے ونائیک کمپنّا کرننگ اور  بھٹکل مدینہ کالونی کے رہنے ...

دکشن کنڑا میں انتخابی ضابطہ اخلاق کے تحت قائم ہوئے چیک پوسٹس - نقدی اور بیش قیمت اشیاء لے جانے کے لئے ضروری ہوگا دستاویزی ثبوت 

دکشن کنڑا میں انتخابی ضابطہ اخلاق کے نفاذ کے ساتھ محکمہ پولیس نے حفاظتی بندوبست تیز کر دیا ہے اور عوام سے کہا ہے کہ اگر وہ اپنے ساتھ  نقد رقم یا قیمتی اشیاء لے جاتے ہیں تو انہیں اس سے متعلقہ باضابطہ دستاویزی ثبوت اپنے پاس رکھنا ہوگا اور جانچ کے دوران افسران کے سامنے پیش کرنا ...

بھٹکل میں7/مئی اورپڑوسی اضلاع اُڈپی اور مینگلور میں 26/ اپریل کو ہوگی پولنگ؛ پورے ملک میں سخت انتخابی ضابطہ اخلاق نافذ

الیکشن کمشنر کے اعلان کے مطابق ریاست کرناٹک میں دو مرحلوں میں انتخابات ہوں گے، جس کے تحت بھٹکل سمیت اُترکنڑا،  چکوڈی، بیلگاوی، باگلکوٹ، وجئے پور (ایس سی)، کلبرگی (ایس سی)، رائچور (ایس ٹی)، بیدر، کوپّل، بلاری (ایس ٹی)، ہاویری ، دھارواڑ، داونگیرے اور شموگہ میں 7/مئی کو انتخابات ...