کرناٹک کے بعد یوپی میں کانگریس نے تحلیل کیں تمام ضلعی کمیٹیاں، اجے کمار للو کو ملی بڑی ذمہ داری

Source: S.O. News Service | By Shahid Mukhtesar | Published on 24th June 2019, 11:09 PM | ملکی خبریں |

لکھنؤ، 24 جون (ایس او نیوز/آئی این ایس انڈیا) لوک سبھا انتخابات میں شکست کے بعد کانگریس میں اتھل پتھل کا دور جاری ہے۔کرناٹک ریاست کی یونٹ تحلیل ہونے کے بعد یوپی کانگریس نے بھی ریاست کی ساری ضلع یونٹ تحلیل کر دی ہیں۔آل انڈیا کانگریس کمیٹی (اے آئی سی سی) نے پارٹی کے جنرل سکریٹری اور مشرقی مغربی یوپی کے انچارج کی ہدایت پر یہ فیصلہ لیا۔اسی کے ساتھ کانگریس نے اپنے رکن اسمبلی اجے کمار للو کو مشرقی یوپی کی تنظیم میں ردوبدل کا انچارج مقرر کیا گیا ہے۔تنظیم کے سیکرٹری جنرل کے سی وینو گوپال کی جانب سے پریس نوٹ جاری کر معلومات دی۔اس میں کہا گیا ہے کہ اے آئی سی سی نے اپنے سیکرٹری جنرل کی تجویز کے مطابق کچھ ضروری فیصلے لئے ہیں۔اس کے مطابق، یوپی کی تمام ضلع کمیٹیاں تحلیل کر دی گئی ہیں۔اسی کے ساتھ جہاں جہاں اسمبلی ضمنی انتخابات ہونے ہیں وہاں انتخابات کی تیاری کے لیے دو رکنی ٹیم قائم کر دی گئی ہے۔اسی کے ساتھ لوک سبھا انتخابات کے دوران ڈسپلن شکنی کے معاملات کو دیکھنے کے لیے 3 رکنی ٹیم قائم کی گئی ہے۔لوک سبھا انتخابات میں کراری شکست کے بعد یوپی میں کانگریس کی نظر اب 2022 اسمبلی انتخابات پر ہے۔کہا جا رہا ہے کہ پارٹی اسمبلی انتخابات کے لئے نئے سرے سے عوام کی سطح پر تنظیم کو تیار کرے گی۔بتا دیں کہ لوک سبھا انتخابات میں کانگریس کی خراب کارکردگی کے بعد یہ کارروائی کی جا رہی ہے۔لوک سبھا انتخابات میں کانگریس نے صرف رائے بریلی میں ہی کامیابی حاصل کی تھی۔یہاں تک کہ گاندھی خاندان کے روایتی نشست امیٹھی میں بھی پارٹی کو ہار کا منہ دیکھنا پڑا تھا۔یہاں کانگریس صدر راہل گاندھی کو بی جے پی کی اسمرتی ایرانی سے 55 ہزار ووٹوں سے شکست ملی تھی۔لوک سبھا انتخابات میں خراب کارکردگی کے بعد یوپی کانگریس کے صدر راج ببر نے استعفیٰ بھی بھیجا تھا۔اس سے پہلے کرناٹک کانگریس کی تمام ضلع کمیٹیوں کو تحلیل کر دیا گیا تھا،اگرچہ ریاستی صدر دنیش گڈو راؤ اور ایگزیکٹو چیئرمین ایشور بی کھادرے کو برقرار رکھا گیا تھا۔
 

ایک نظر اس پر بھی

آئین کے بنیادی اقدار کے مطابق بھائی چارہ، یکجہتی قائم رکھیں: اشوک گہلوت

راجستھان کے وزیر اعلیٰ اشوک گہلوت نے یومِ جمہوریہ 2020 کے موقع پر ریاست کے باشندوں کو مبارکباد دیتے ہوئے کہا ہے کہ اس مبارک موقع پر ہم میں ہرشخص آئین کے بنیادی اقدار کے مطابق آپسی بھائی چارے اور یکجہتی کے ساتھ ملک کے اتحاد اور سالمیت کو قائم رکھیں۔

دہلی کے راج پتھ پر دھوم دھام سے71 واں جشن یوم جمہوریہ منایا گیا دنیانے فوج کی طاقت، ہندوستان کی شان و شوکت اور ثقافتی ورثے کا کیا مشاہدہ

صدر رام ناتھ کووندنے اتوار کو 71 ویں یوم جمہوریہ کے موقع پر راج پتھ پرسلامی لی۔لیفٹیننٹ جنرل مستری، جنرل آفیسرکمانڈنگ، ہیڈکوارٹر دہلی ایریا کی طرف سے اس سال یوم جمہوریہ کی پریڈ کی قیادت کی گئی۔ اس دوران راج پتھ پر سخت سیکورٹی کے درمیان ملک کے وزیر اعظم نریندر مودی، مہمان خصوصی ...

تلنگانہ میں بھی شہریت قانون کے خلاف اسمبلی میں تجویز لانے پر کیا جارہا ہے غور؛ وزیراعلیٰ نے  کہا ضرورت پڑی تو تاریخی اجلاس عام بھی کریں گے

شہریت ترمیم قانون (سی اے اے) پارلیمنٹ سے پاس ہونے کے بعد تنازعہ رکنے کا نام نہیں لے رہا ہے۔کیرلا، پنجاب اور راجستھان میں اس قانون کے خلاف اسمبلی میں تجویز  پاس ہو چکی ہے۔اس کڑی میں اب نئی ریاست تلنگانہ کا بھی شمار ہونے والا ہے۔

دہلی الیکشن:سینئر لیڈران کے میدان چھوڑنے سے کانگریس کی حلیف پارٹیوں کی بڑھ گئی ٹکٹوں میں شراکت

مہاراشٹر، ہریانہ اور جھارکھنڈ کے انتخابات کے دوران ٹکٹوں کی تقسیم سے مایوس ہوئے یوتھ کانگریس، این ایس یو آئی اور خواتین کانگریس کی دہلی اسمبلی انتخابات کے لئے امیدواروں کے انتخاب میں شرکت میں اضافہ ہوا ہے اور اس کی ایک بڑی وجہ کانگریس کے کئی سینئر لیڈروں کا انتخاب لڑنے کی ...

مدھیہ پردیش کے اندور میں پرچم کشائی سے پہلے کانگریس لیڈران کے درمیان جم کر ہاتھاپائی

پورا ملک یوم جمہوریہ کا جشن منا رہا ہے۔دنیا نے راج پتھ سے ہندوستان کی طاقت کا نظارہ دیکھا،دنیا کے کئی ممالک میں ہندوستانی سفارت خانے پر  دھوم دھام سے یوم جمہوریہ منایا گیا۔دوسری طرف ایک تصویر مدھیہ پردیش کے اندور سے بھی سامنے آئی ہے۔ملی معلومات کے مطابق، یہاں کانگریس دفتر میں ...

یوم جمہوریہ کے موقع پر پس مرگ پدما وبھوشن ایوارڈ پانے والوں میں شامل ہیں اڈپی پیجاورمٹھ سوامی اور جارج فرنانڈیز

یوم جمہوریہ کے موقع پر مرکزی حکومت کی طرف سے مختلف شعبہ ہائے زندگی میں نمایاں خدمات انجام دینے والی شخصیات کو پدما بھوشن اور پدماوبھوشن جیسے اعزازات سے نوازا جاتا ہے۔ امسال جن شخصیات کو پس مرگ پدماوبھوشن ایوارڈ سے نوازا گیا ہے اس میں پیجاور مٹھ کے سوامی اور سابق مرکزی وزیر ...