لوک سبھا میں کانگریس کا مطالبہ،ابھینندن کی مونچھوں کو ’قومی مونچھیں‘قراردے مودی حکومت
نئی دہلی، 24 جون (ایس ا و نیوز/آئی این ایس انڈیا) لوک سبھا میں صدر کے خطاب پر بحث کے دوران ایوان میں کانگریس لیڈر ادھیر رنجن چودھری نے ایک منفرد مانگ رکھی ہے۔بالاکوٹ ایئراسٹرائک کے بعد پاکستان میں گھس کر ان کے طیارے کو گرانے والے فضائیہ کے ونگ کمانڈر ابھینندن کو انہوں نے انعام دینے کا مطالبہ کیا ہے۔اتنا ہی نہیں کانگریس لیڈر نے کہا ہے کہ ابھینندن کی مونچھوں کو ’قومی مونچھیں‘ قرار دینا چاہئے۔لوک سبھا میں کانگریس ایوان کے لیڈر ادھیر رنجن چودھری نے اپنی تقریر کے دوران مودی حکومت پر جم کر نشانہ لگایا۔اس دوران جب وہ وملکی سیاست پر بولے تو انہوں نے ایئراسٹرائک کا بھی ذکر کیا۔ادھیر رنجن نے کہا کہ بالاکوٹ میں جو فضائیہ نے ائیراسٹرائک کی، کانگریس پارٹی اس کی حمایت کرتی ہے۔اس کے ساتھ ہی انہوں نے مطالبہ رکھا کہ ونگ کمانڈر کو ایوارڈ سے نوازا جانا چاہئے اور ان کی مونچھوں کو قومی مونچھیں قرار دینا چاہئے۔کانگریس لیڈر نے کہا کہ ہم چاہتے ہیں ہمارے نوجوان اس حوصلہ افزاء ہوں۔ادیر رنجن چودھری کی اس مانگ پر لوک سبھا میں جم کر تالیاں بجی۔