نئی دہلی، 23/جولائی (ایس او نیوز/آئی این ایس انڈیا) کانگریس نے ملک کے دوسرے قمری مشن چندریان -2 کے کامیاب آغاز پر متعلقہ سائنسدانوں اور منصوبہ سے وابستہ لوگوں کو مبارکباد دی اور کہا کہ یہ وہ فیصلہ کن اور خوش گوار لمحہ ہے،جو بھارت کو عظیم ملک بنا۔ پارٹی کے مرکزی ترجمان رندیپ سرجے والا نے پہلے وزیر اعظم پنڈت جواہر لال نہرو کے مشہور ’ٹرسٹ ود ڈیسٹینی‘تقریر کا حوالہ دیتے ہوئے ٹویٹ کیا کہ:’بھارت کے ’ٹرسٹ ود ڈیسٹینی‘ چندریان -2 کے کامیاب آغاز کے ساتھ جاری ہے۔ یہ وہ خوشکوار اور فیصلہ کن لمحہ ہے، جو ہمیں ایک عظیم ملک بناتا ہے۔انہوں نے کہا کہ:’اسرو کے تمام سائنسدانوں اور انجینئرس کو مبارکباد پیش کیا، جنہوں نے 130 کروڑ ہندوستانیوں کے افتخار کے لیے دن رات محنت کی‘۔ واضح رہے کہ چندریان -2 پیر کو شری ہری کوٹہ  واقع ستیش دھون خلائی مرکز سے لانچ کیا گیا۔ طاقتور راکٹ جے ایس ایس وی  مارک 3ایم 1 نے تجربہ کے تقریباً 16 منٹ بعد ’چندریان2 کو زمین کے مدار میں کامیابی سے نصب کردیا۔