کانگریس نے ’یدی یورپا ڈائری‘ کی لوک پال جانچ کی مانگ کی

Source: S.O. News Service | By Shahid Mukhtesar | Published on 15th April 2019, 11:04 PM | ریاستی خبریں | ملکی خبریں |

نئی دہلی، 15 اپریل(ایس او نیوز؍آئی این ایس انڈیا) کانگریس نے کرناٹک کے سابق وزیر اعلیٰ بی ایس یدی یورپا سے منسلک مبینہ ڈائری کے معاملے میں پیر کو نئے سرے سے دعوی کیا کہ اب وہ اصل ڈائری ہی سامنے آ گئی ہے اور اس معاملے میں لوک پال کو از خود نوٹس لے کر جانچ پڑتال کرنا چاہئے۔پارٹی کے سینئر لیڈر کپل سبل نے ایک ڈائری کی ویڈیو جاری کرتے ہوئے یہ الزام لگایا کہ یدی یورپا نے بی جے پی کے سینئر لیڈروں کو کروڑوں روپے دئے۔سبل کی طرف سے جس ڈائری کا ویڈیو جاری کیا گیا اس کی صداقت کی آزاد تصدیق نہیں ہوئی ہے۔ان الزام پر بھی فی الحال بی جے پی کی طرف سے کوئی جواب نہیں آیا ہے۔کانگریس لیڈر نے صحافیوں کو بتایاکہ وزیر اعظم کہتے ہیں کہ ان کے دور میں کوئی گھوٹالہ نہیں ہوا،جبکہ ایسا نہیں ہے۔یدی یورپا ڈائری کے بارے میں ہم نے پہلے بھی بات کی تھی،اب ہم آپ کے سامنے وہ اصل ڈائری رکھ رہے ہیں۔ انہوں نے دعوی کیاکہ جب بی جے پی لیڈروں کی بدعنوانی کے بارے میں کچھ سامنے آتا ہے تو وزیر اعظم صاحب خاموش رہتے ہیں۔ سبل نے کہاکہ اس ڈائری سے صاف ہے کہ بی جے پی کی مرکزی کمیٹی کے لوگوں کو پیسے دیئے گئے،ہم نے یہ مطالبہ کیا تھا کہ اسے چیک کرنا چاہئے۔لوک پال کی پہلی انکوائری یہی ہونا چاہئے۔اس بارے میں وزیر اعظم اور وزراء سے سوال کرنا چاہئے۔ ایک سوال کے جواب میں سبل نے کہا کہ لوک پال کو اس ڈائری پر از خود نوٹس لیتے ہوئے تحقیقات شروع کرنی چاہئے۔انہوں نے کہاکہ اس پر وزیر اعظم کو جواب دینے چاہئے،اگر وزیر اعظم کہتے ہیں کہ یدی یورپا جی نے جھوٹ بولا ہے تو یدی یورپا کو گرفتار کرنا چاہئے،اگر یہ سچ ہے تو اس میں شامل لوگوں کو جواب دینا ہوگا۔

ایک نظر اس پر بھی

کاسرگوڈ میں جانور لے جانے کے الزام میں دو لوگوں پر حملہ؛ بجرنگ دل کارکنوں کے خلاف معاملات درج کرنے پر مینگلور کے قریب وٹلا اور بنٹوال میں بسوں پر پتھراو

پڑوسی ریاست کیرالہ کے  کاسرگوڈ میں جانور لے جانے کے الزام میں دو لوگوں پر حملہ اور لوٹ مار کی وارداتوں کے بعد پولس نے جب  بجرنگ دل کارکنوں کے خلاف معاملات درج کئے  تو  مینگلور کے قریب  وٹلا اور بنٹوال  میں  بسوں پر پتھراو اور توڑ پھوڑ کی واردات پیش آئی ہے۔ پتھراو میں   نو ...

کورٹ نے راجیو سکسینہ کو بیرون ملک جانے کی اجازت دینے والے عدالت کے فیصلے پر روک لگائی

سپریم کورٹ نے آگسٹا ویسٹ لینڈ ہیلی کاپٹر سودے سے منسلک منی لانڈرنگ معاملے میں سرکاری گواہ راجیو سکسینہ کو دیگر بیماریوں کا علاج کرانے کے لئے بیرون ملک جانے کی اجازت دینے کے دہلی ہائی کورٹ کے حکم پر بدھ کو روک لگا دی