پرینکا گاندھی کی قیادت میں یوپی اسمبلی انتخابات لڑے گی کانگریس، لیکن وزیر اعلیٰ عہدے پر ابھی فیصلہ نہیں: سلمان خورشید

Source: S.O. News Service | Published on 13th September 2021, 1:19 PM | ملکی خبریں |

آگرہ، 13؍ستمبر (ایس او نیوز؍ایجنسی)  سابق مرکزی وزیر اور کانگریس کے سینئر لیڈر سلمان خورشید نے اتوار کو کہا کہ کانگریس  آئندہ اترپردیش اسمبلی انتخابات  میں پرینکا گاندھی کی قیادت میں میدان میں اترے گی۔ حالانکہ ابھی تک وزیراعلیٰ عہدہ کے امیدوار کے لئے آخری فیصلہ نہیں ہوا ہے۔ انہوں نے یہ بھی کہا کہ کانگریس کسی بھی پارٹی کے ساتھ اتحاد نہیں کرے گی۔ انہوں نے کہا، ’پارٹی کسی بھی دوسری پارٹی کے ساتھ اتحاد نہیں کرے گی۔ ہم مضبوط ارادے کے ساتھ الیکشن لڑیں گے۔ پارٹی کارکنان مقامی لوگوں کی پریشانیوں کو جاننے کے لئے ہر اسمبلی حلقہ میں جائیں گے....‘۔ انہوں نے کہا کہ کانگریس پوپی کی سبھی 403 سیٹوں پر امیدوار اتارے گی۔ سلمان خورشید نے زور دے کر کہا کہ انتخابی منشور میں عام شہریوں کی آوازیں شامل ہوں گی۔

کانگریس پارٹی کے ذریعہ وزیر اعلیٰ عہدہ کے امیدوار کے چہرے سے متعلق پوچھے جانے پر سلمان خورشید نے کہا کہ پارٹی کا چہرہ پرینکا گاندھی ہیں۔ حالانکہ انہوں نے یہ بھی کہا کہ ’پرینکا گاندھی نے ابھی تک باضابطہ طور پر اس کا اعلان نہیں کیا ہے، اس لئے ہم بھی ایسا نہیں کرسکتے ہیں، لیکن پارٹی ان کی قیادت میں الیکشن لڑے گی‘۔ انہوں نے کہا، ’پارٹی کے رکن اسمبلی نشستوں کا دورہ کر رہے ہیں اور لوگوں سے رابطہ کرنے اور مقامی لوگوں کی پریشانیوں کو جاننے کی کوشش کر رہے ہیں‘۔

واضح رہے کہ کانگریس کے انتخابی منشور کمیٹی کے چیئرمین سلمان خورشید اور پارٹی کے قومی ترجمان سپریا شری نیت اتوار کے روز آگرہ کے تورا گاوں میں تھے۔ یہاں نے انہوں نے لوگوں سے بات چیت کی اور ان کی پریشانیوں کے بارے میں جانا۔ اس دوران سابق مرکزی وزیر سلمان خورشید نے گاوں کے لوگوں سے پوچھا کہ ان کے کیا کیا مسائل ہیں، جس پر گاوں کے لوگوں اور خواتین نے پنشن نہ ملنے اور آوارہ جانوروں کے ذریعہ فصل برباد کئے جانے سمیت دیگر پریشانیاں بھی بتائیں۔

لوگوں سے بات کرنے کے بعد کانگریس لیڈران نے گاوں کا دورہ بھی کیا۔ انہوں نے کہا کہ کانگریس اپنا انتخابی منشور تیار کرنے کے لئے لوگوں تک پہنچ رہی ہے، جس سے کہ انتخابی منشور میں جو بات لکھی جائے، وہ لوگوں کے دل کی بات ہو۔

ایک نظر اس پر بھی

سول سروسز امتحان میں 27 مسلم امیدوار کامیاب، صدف چودھری کو ملک بھر میں 23 واں مقام حاصل

  ملک کے سب سے اہم قرار دیئے جانے والے یو پی ایس سی کے سول سروسز امتحان کے نتائج جاری کر دیئے گئے ہیں۔ اس مرتبہ مسلم طبقہ سے تعلق رکھنے والے کل 27 امیدواروں نے کامیابی حاصل کی ہے، جن میں سے 7 خواتین شامل ہیں۔

سول سروسز امتحان 2020 کے حتمی نتائج کا اعلان، بہار کے شبھم کمار کو اول مقام حاصل

  یونین پبلک سروس کمیشن (یو پی ایس سی) کی جانب سے جنوری 2021 میں منعقدہ سول سروسز امتحان 2020 کے تحریری حصے اور اگست-ستمبر 2021 میں منعقد پرسنالٹی ٹیسٹ (شخصیت) کے لیے انٹرویو کے نتائج کی بنیاد پر انڈین سول سروسز، انڈین فارن سروسز، انڈین پولیس سروسز اور سینٹرل سروسز میں تقرری کے لیے ...

راکیش ٹکیت کاامریکی صدرجوبائیڈن کو ٹیوٹ 11مہینے میں 700کسانوں کی موت، مانگی مدد

وزیر اعظم نریندر مودی اپنے امریکی دورے پر ہیں، جہاں انہوں نے امریکی نائب صدر کملا ہیرس سے ملاقات کی- اب پی ایم مودی صدر جو بائیڈن کے ساتھ اپنی پہلی ملاقات کرنے والے ہیں، جس میں کئی امور پر بات چیت ہونی ہے- لیکن اس دوران کسان رہنما اور بی کے یو کے ترجمان راکیش ٹکیت نے امریکی صدر جو ...

پسماند ہ طبقہ سے اتنی نفرت کیوں؟ ذات پرمبنی مردم شماری سے مرکزکے انکارپرلالویادوکاحملہ

بہارمیں ذات کی مردم شماری کے معاملے پر سیاست جاری ہے۔ آر جے ڈی کے سربراہ لالو پرساد یادو نے مرکزی حکومت کو نشانہ بنایا ہے کہ اس نے سپریم کورٹ میں حلف نامہ داخل کر کے 2021 میں ذات پرمبنی مردم شماری سے انکار کیا۔