پٹنہ میں دس جولائی سے ایک ہفتہ کے لئے مکمل لاک ڈاؤن

Source: S.O. News Service | Published on 8th July 2020, 10:00 PM | ملکی خبریں |

پٹنہ،8؍جولائی(ایس او نیوز؍ایجنسی) بہار کے پٹنہ ضلع میں کورونا انفیکشن کے تیزی سے بڑھتے معاملوں پر لگام لگانے کے لئے 10؍ جولائی سے ایک ہفتہ کے لئے لاک ڈاؤن نافذ کرنے کا فیصلہ لیا گیا ہے۔ ضلع مجسٹریٹ کمار روی نے بدھ کو یہاں بتایا کہ گزشتہ تین ہفتوں میں پٹنہ ضلع میں کووڈ۔19 کے معاملے میں کافی اضافہ ہوا ہے۔ کورونا انفیکشن کی توسیع کو روکنے کے لئے پورے ضلع میں دس جولائی سے 16 جولائی ایک ہفتہ تک لاک ڈاﺅن نافذ کرنے کا فیصلہ لیا گیا ہے۔

کمار روی نے بتایا کہ لاک ڈاﺅن مدت میں ضلع کے سبھی پرائیوٹ اور تجارتی مراکز بند رہیں گے لیکن عوامی نظام تقسیم ( پی ڈی ایس) سمیت خوردنی اشیاء کی دکانیں، پھل، سبزی، دودھ اور ڈیری، گوشت، مچھلی اور مویشیوں کے چارے کی دکانیں کھلی رہیں گی۔ حالانکہ پھل، سبزی اور گوشت۔ مچھلی کی دکانوں کو صبح چھ بجے سے دس بجے تک اور شام چار بجے سے سات بجے تک کھولنے کی اجازت ہوگی۔

ضلع مجسٹریٹ نے کہا کہ ان کے علاوہ بینک اور انشورنش دفاتر، اے ٹی ایم، پرنٹ اور الیکٹرانک میڈیا، ٹیلی مواصلات، انٹر نیٹ اور اطلاعات و ٹیکنالوجی پر مبنی خدمات، ای کامرس کے توسط سے اناج، دوائیوں اور آلات کی ڈیلیوری، پٹرول پمپ، رسوئی گیس، بجلی پیداوار اور تقسیم، کولڈ اسٹوریج اور ویئر ہاﺅس، پرائیوٹ سیکوریٹی خدمات، صنعتی ادارے اور طبی خدمات بحال رہیں گی۔

کمار روی نے بتایا کہ اس دوران دفاع ، مرکزی سیکوریٹی فورس، ٹریزری، سی این جی ۔ ایل پی جی اور پی این جی، آفات مینجمنٹ، بجلی پیدوار اور تقسیم، ڈاک گھر، نیشنل انفارمیٹک سینٹر، محکمہ موسمیات کے دفاتر کو چھوڑ کر سبھی سرکاری دفاتر بند رہیں گی۔ حالانکہ اس دوران پولیس، ہوم گارڈ، شہری تحفظ، فائر بریگیڈ اور ایمرجنسی خدمات، آفات مینجمنٹ، الیکشن اور جیل محکمہ کے دفاتر، ضلع انتظامیہ، پانی اور صفائی اور نگر پالیکا دفاتر کھلے رہیں گے۔ نگر پالیکا دفاتر میں صرف صفائی عملہ اور آبی سپلائی افسر ہی آئیں گے۔ انہوں نے کہا کہ کھلے رہنے والے سرکاری دفاتر کم سے کم ملازمین کے ساتھ کام کریں گے۔ دیگر سبھی دفاتر اپنے ملازمین اور افسران کو ورک فراہم ہوم کی سہولیات عطا کرسکتے ہیں۔

ضلع مجسٹریٹ نے بتایا کہ ضلع کے جوڈیشیل آفیسر پٹنہ ہائی کورٹ کی ہدایت کے مطابق کام کریں گے۔ انہوں نے بتایا کہ ضلع کے سبھی پرائیوٹ اور سرکاری اسپتال اور دوا کی دکانیں کھلی رہیں گی۔ اس دوران میں سبھی پوجاپاٹھ مقامات بند رہیں گے اور کچھ مستثنیات کو چھوڑ کر مذہبی پروگراموں کا انعقاد نہیں ہوگا۔ غور طلب ہے کہ پٹنہ ضلع میں حالیہ دنوں میں کورونا انفیکشن کے ریاست میں سب سے ز یادہ 1349 معاملے ہیں۔ وہیں انفکیشن سے بارہ لوگوں کی اموات ہو چکی ہیں۔ حالانکہ ابھی تک پٹنہ میں کل متاثرین میں سے 641 لوگ صحتیاب ہو کر اپنے گھروں کو لوٹ چکے ہیں۔

ایک نظر اس پر بھی

بے لگام میڈیا پر جمعیۃ کی عرضی: جب تک عدالت حکم نہیں دیتی حکومت خود سے کچھ نہیں کرتی: چیف جسٹس

مسلسل زہر افشانی کرکے اور جھوٹی خبریں چلاکر مسلمانوں کی شبیہ کوداغدار اور ہندوؤں اورمسلمانوں کے درمیان نفرت کی دیوارکھڑی کرنے کی دانستہ سازش کرنے والے ٹی وی چینلوں کے خلاف داخل کی گئی

دہلی فسادات: پروفیسر اپوروانند کی حمایت میں سامنے آئے ملک و بیرون ملک کے دانشوران

 ملک اور بیرون ملک کے ایک ہزار سے زائد معروف دانشوروں، نوکر شاہوں، صحافیوں، مصنفوں، ٹیچروں او اسٹوڈنٹس نے دہلی یونیورسٹی کے پروفیسر اپوروانند سے مشرقی دہلی میں فسادات کے معاملے میں پوچھ گچھ کئے جانے اور انکا موبائل فون ضبط کرنے کے واقعہ کی شدید مذمت کی ہے اور پولیس کے ذریعہ ...

کالعدم چینی کمپنیوں سے بی جے پی کے گہرے رشتے ہیں: کانگریس

 کانگریس نے الزام عائد کیا ہے کہ حکومت نے قومی سلامتی کے لیے خطرہ بتاتے ہوئے جن چینی کمپنیوں پر پابندی لگائی ہے ان میں سے کئی کے بھارتیہ جنتا پارٹی (بی جے پی) سے گہرے رشتے ہیں اور گزشتہ عام انتخابات میں ان کمپنیوں نے اس کے لیے تشہیری مہم کا کام کیا تھا۔

ریا چکرورتی کا سوشانت کے ساتھ جڑنے کا واحد مقصد ان کی جائیداد ہڑپنا تھا: بہار پولیس کا حلف نامہ

 بہار پولیس نے اداکار سوشانت سنگھ راجپوت کی مبینہ خودکشی کے معاملے میں سپریم کورٹ میں دائر حلف نامے میں کہا کہ کلیدی ملزمہ ریا چکرورتی اور اس کے اہل خانہ کا اداکار کے ساتھ جڑنے کا واحد مقصد اس کی جائیداد ہڑپنا تھا۔