ویٹ لفٹر لوپریت نے قومی ریکارڈ کے ساتھ کانسے کا تمغہ جیتا، ہندوستان کا 14واں تمغہ

Source: S.O. News Service | Published on 3rd August 2022, 10:27 PM | اسپورٹس | ان خبروں کو پڑھنا مت بھولئے |

برمنگھم،3؍اگست (ایس او نیوز؍ایجنسی) ویٹ لفٹر لوپریت سنگھ نے بدھ کے روز 109 کلوگرام زمرے میں کانسے کا تمغہ جیتا جس کے بعد دولت مشترکہ کھیل 2022 میں ہندوستان کے تمغوں کی کل تعداد 14 ہو گئی۔ لوپریت نے اسنیچ میں 163 کلوگرام اور کلین اینڈ جرک میں 192 کلوگرام کی کوشش کے ساتھ مجموعی طور پر 355 کلو گرام کا وزن ریکارڈ کیا۔ انہوں نے کلین اینڈ جرک کا نیا قومی ریکارڈ بھی قائم کیا۔

اس کے بعد انہوں نے کلین اینڈ جرک میں 192 کلوگرام وزن اٹھا کر کانسی کا تمغہ جیتا۔ یہ ہندوستان کا کامن ویلتھ گیمز 2022 ویٹ لفٹنگ میں 9واں تمغہ (3 طلائی، 3 چاندی، 3 کانسی) ہے۔ خیال رہے کہ ہندوستان نے کامن ویلتھ گیمز 2018 کے ویٹ لفٹنگ مقابلوں میں 5 گولڈ کے ساتھ 9 تمغے حاصل کئے تھے۔

دریں اثنا، کیمرون کے پرسیلیکس نیبایو جونیر نے 361 کلوگرام (اسنیچ 160، کلین اینڈ جرک 201) کے ساتھ طلائی تمغہ جیتا۔ ساموآ کے جیک اوپیلوگی نے 358 کلو گرام (اسنیچ 164، کلین اینڈ جرک 194) کے ساتھ چاندی کا تمغہ حاصل کیا۔

لوپریت سنگھ 6 ستمبر 1997 کو پنجاب میں پیدا ہوئے۔انہوں نے اپنے ویٹ لفٹنگ کیرئیر میں کامن ویلتھ ویٹ لفٹنگ چیمپئن شپ جیسے بڑے ویٹ لفٹنگ مقابلوں میں کامیابی حاصل کی۔ لوپریت سنگھ قومی سطح پر ہندوستانی بحریہ کے لیے کھیلتے ہیں۔ انڈین نیوی کی طرف سے کھیلتے ہوئے ویٹ لفٹنگ کرتے ہیں۔ کئی مقابلے جیت چکے ہیں۔

حسام الدین سیمی فائنل میں، تمغہ یقینی

ہندوستانی باکسر محمد حسام الدین نے کامن ویلتھ گیمز 2022 کے 57 کلوگرام فیدر ویٹ کے سیمی فائنل میں جگہ بنا کر اپنے لیے ایک تمغہ یقینی کرلیا ہے۔ حسام الدین نے تین راؤنڈ کے کوارٹر فائنل میچ میں نامیبیا کے ٹرائیگن مارننگ اونڈیویلو کو 4-1 سے شکست دی۔ اس سے قبل خاتون باکسر نیتو نے 48 کلوگرام کے کوارٹر فائنل میں آئرلینڈ کی نکول کلائیڈ کو شکست دے کر اپنے لیے تمغہ یقینی بنایا۔

ایک نظر اس پر بھی

کامن ویلتھ گیمز: ہندوستانی کھلاڑیوں نے نویں دن 4 طلائی سمیت 14 تمغے جیتے

انگلینڈ کے شہر برمنگھم میں کھیلے جا رہے کامن ویلتھ گیمز 2022 میں ہندوستانی کھلاڑی شاندار کارکردگی کا مظاہرہ کر رہے ہیں۔ کھیلوں کے نویں دن یعنی 6 اگست (ہفتہ) کو ہندوستان نے کل 14 تمغے جیتے، جن میں چار طلائی، تین چاندی اور سات کانسی کے تمغے شامل ہیں۔ اس کے علاوہ کرکٹ، ٹیبل ٹینس، ...

کامن ویلتھ گیمز: ہندوستانی پہلوانوں کا بہترین کارکردگی کا مظاہرہ، بجرنگ اور ساکشی نے جیتے طلائی تمغے

 ہندوستانی پہلوان کامن ویلتھ گیمز 2022 میں بہترین کارکردگی کا مظاہرہ کر رہے ہیں۔ خاتون پہلوان انشو ملک کے چاندی کا تمغہ جیتنے کے بعد پہلوان بجرنگ پونیا اور خاتون پہلوان ساکشی ملک ملک کے لیے طلائی تمغہ حاسل کیا۔ ہندوستان کے طلائی تمغے کی امید رکھنے والے سب سے بڑے پہلوان بجرنگ ...

غزہ پر اسرائیلی جارحیت، 2 دن میں 24 فلسطینی جان بحق

غزہ میں وزارت صحت نےبتایا ہے کہ گذشتہ دو روز کے دوران غزہ کے علاقے پر جاری اسرائیلی فضائی حملوں میں اب تک کم سے کم 24 فلسطینی شہید ہوچکے ہیں۔ شہدا میں چھ بچےاور ایک خاتون بھی شامل ہے۔ دوسری جانب متحدہ عرب امارات، فرانس، چین اور دیگر ممالک نےغزہ میں تازہ پیش رفت پر بحث کے لیے کل ...

کاروار:ضلع ڈی سی کی ذمہ داری ہے کہ وہ ووٹر کارڈکے ساتھ آدھارکارڈ لنک کرائیں : چیف الیکشن کمشنر

اترکنڑا ضلع  کے سبھی رائے دہندگان کے شناختی کارڈ(ووٹرس کارڈ)کو آدھار کارڈ کے ساتھ لنک کرنے کے متعلق عوام میں  بیداری پیدا کرنا متعلقہ اضلاع کے ڈپٹی کمشنروں کی ذمہ داری ہے۔ ریاستی چیف الیکشن کمشنر منوج کمار مینا نے اس بات کا اعلان کیا۔

مینگلور: یوم آزادی کے امرت مہا اتسوا پر چارافراد کے قاتل کی رہائی کے فیصلے کی سخت مخالفت ، اہل خانہ نے کہا؛ اس کی ر ہائی یوم آزادی کے امرت مہا اتسوا کی تو ہین ہوگی

1994 میں  ایک ہی خاندان  کے چار   افراد کا قتل کرنے والے قاتل کی رہائی کے فیصلے  پر مقتولوں کے اہل خانہ کے اراکین نے سخت مخالفت کی ہے ۔  ذرائع سے ملی اطلاع کے مطابق قاتل  پروین کمار ہے کو آزادی کا امرت مہا  اتسو اتقریبات کے حصہ کے طور پر رہا کرنے کے لئے منتخب کیا گیا ہے پتہ چلا ہے ...